1 PETRUS 1:9 - Allah Wene Fano Wene Hupla Inane

⁹ Hinendawimo nen he, ”O wurep oba fanotninabuak,” iluk hinendawinggen at oba himbirik logolik, yogondak eisewerek aga lagebaro.

1 PETRUS 1:9 ပူးပေါင်းရင်းမြစ်များ

ROMA 6:22

Mene re, hit weak hilingitu kwelek, weak mene nen fethinarek were'ma, Allah nen hele fikhalogo wulakhinobagasikhemo re, yogondak he at awe a'ma kuluk welagep andi. Logolik he, hinebe at faget fisaluk welagep andi mene helegebo. A'nogo logombik, wurep oba hineluk mondok logogun aro.

IBRANI 11:13

It afuni inenu ilik waga lagi andi mondogaren, ”At Allah eberogoat,” iluk inendawinggen at oba himbiret fuluk welagaukwa andiba, Allah nen abok yagaisasikhe andi ebe wanhi'lek meneat he, afuni nen yi mene ti mene yatma were'ma ineilenggen yethaluk, inendawimo inagaiyek anggagarek andi hak, it inendawinggen oba nen, ”Eberogoat wanugun mene werego, iluk anggikhi lago andi nen, kweangma yoma it ekhe mene inawilokwe pugulogo laluk ap pok hak welago,” iluk fakhogo ikhi logolik inebe wa'larik lagaukwa.

YAKOBUS 1:21

Andi nenat, yi weak ti weak inenggali lek hilingirik nikhi lagep mene andi herakfisigik, weak hokhorogoat hilingirik nikhi lagep mene andi herakfisigik, ikhi logoino o. Wene fano wene Allah nen hinendawimo awi yagaisogo fikhe mene andiba elok telhinabigin andi nen he, at awe a'ma kuluk, aren wene hinendawinggenma kagali'logo mene andiat wanhi logoino o.

1 PETRUS 3:20

Inareagun andi inebe re, attagat at Nuh nen kapal wutu kwelek, Allah obabut fano nen kwelaginarek werek kwelegat he, wene wanhi'lek herakfisaluk weak hilingitu mondok were'ma i fu nen inoatikhemo wa'lagaukwa mene andi. A'nogo inoatu kwelegat he, it ekhe e so elema kuluk welagaukwa mene, inebe 8 en endebat i fu andiba telinafikhe andi.