1 PETRUS 1:8 - Allah Wene Fano Wene Hupla Inane

⁸ Hiren attagat, at ebe hineilenggen higi'lek meneat he, ebe hinendawi welagep andi. A'nogo logolik, yogondak ya hineilenggen higi'lek meneat he, hinendawimo nen, ”Hobuk fano mondok hilingninabigin,” iluk hinaneba ninggi'nogo pilingisogo u heat logolik, hinendawimo hinagaiyek hokhorogo hikhi lagep andi.

1 PETRUS 1:8 ပူးပေါင်းရင်းမြစ်များ

KIDUNG AGUNG 1:7

Nendawi hundik mene, hat he hebe o koma domba halinafi lagen nogo, nen o hu'mo agunem he it inebe koma weing fisikhi lagen, furogo yaganomo. An he afuni wam konharek mene hak, hat hagaila'lak inanggo domba inanggelekwe andoma nikhi logogin nogo a, iluk ugunem; It aben ikhi logolik he.

KIDUNG AGUNG 5:16

Ane ikherek mene re enduk mondok mit-mirengge, nen at ebene hilingik mene andoma mondogat he inendawinggen wanu hak enek. Yago, o Yerusalem helime yi sani! An nendawinggen hundik mene andi ninom hilingik welago mene re a'nogo andi.

KIDUNG AGUNG 5:9

Hele hebe tugum fano mene yi, hat hendawi hundik mene andi re it fena re maben hangge werek kwelek arenet he ningginik mene? Hat hendawi hundik mene andi re it fenakwe sebelek hak werek kwelek at enek he ebe mondok fano anggegendigen nit ninoba wene wa'ne'ni iluk yaganisikhi lagen nogo?

MATIUS 10:37

Nen, an nebe re, hinabit hak anggikhi logolik he, hineisena hinagaisalak hinendawi welagep halok he, an nagoromi asugun lego. Nen, an nebe hinabit hak logolik hinagainafuri inom, hina'logomi inom, hinendawi welagep halok he, an nagoromi asugun legaro.

YOHANES 14:15

At Yesus nen wene a'nogo warisasikhesik he, wene ekhe mel yagaisasikhe: ”Hit an hinendawinggen hundik halok he, an nen hit yi'nogo hilingiti logoino, ti'nogo hilingiti logoino, iluk yagahisikhi lagi mene andi hilingiti logogun o.

YOHANES 14:21

At sa nen, an nen, yi'nogo hilingiti logoin o, ti'nogo hilingiti logoin o, iluk yagahisigi mene andi, nane hologo hilingiterek halok, an nebe endawinggen hundik mene at andi aro. Nen, neisena nen at andi endawinggen hundigat. Nen, an nen at andi nendawinggen hundik logolik, nebe futnobagauwageluk yagasigin o,” iluk yagaisasikhemo,

YOHANES 14:24

Nen, at sa nen, an endawinggen hundik lek halok he, an nane hologo hilingiterek lek andi aro. An nane hit holhi lagep andi re, an nane mene fuk. We, an neisena laknobagai wagaikhe menen a'nogo ane o.

YOHANES 16:22

Hit a'nogoat, yogondak hinendawimo weak welagep meneat he, hobuk an ninom ambi asugun andi sambul, hinendawimo hinagaiyek asugun o. Hit hinendawimo hinagaiyek andi, it afuni ekhe nen legetfisogoin mondok lego.

YOHANES 20:29

at Yesus nen he, yi'nogo yagatikhe: ”Hat he, heilenggen arat neegendigen eberogoat iluk hendawinggen noba himbiret fegen. A'nogo meneat he, it afuni ekhe ineilenggen niigi'lek meneat he, inendawinggen noba eberogoat himbiret fogoin halok he, inendawimo inagaiyek hogoin o, iluk eberogoat yagaheti,” iluk yagatikhe.

YOHANES 8:42

aren he, mel yagaisasikhe: ”Hit he, eberogoat hineisena Allah logoilepma re, an nerabisak nendawimo nen anggaluk wagi fuk. We, nebe nero Allah mene, aren laknobagai wagama wagarik welagi mene andi nebe hinendawirogo logoilebo.

KISAH PARA RASUL 16:34

Ima pelaginafukwama, at Paulus Silas emberek at kain a'nogo nen aiba wogi narek lagaikhesik he, sumburu melagi sasikhe. Melagisasikhesik, at againafuri inom mondogaren inendawinggen Allah oba himbiret fesukwa andi nen, inendawimo inagaiyegetukwa.

ROMA 15:13

”Hobuk fano asigin,” iluk ninendawimo ninagaiyek hogorek andi, ero at Allah nenat hilingninaferek. Hit a'nogo hinendawimo agaiyek hokhorogo hikhi logouwageluk Allah Areagun omameba hilinghinabuak. A'nogo hilinghinabuagen he, hinendawinggen at oba himbiret fesigip andiba himbiret fuluk were'ma, aren hinendawimo agaiyek hokhorogo hikhi logouwageluk hilinghinafik, hinendawinggen hambugethinafik, uago.

1 KORINTUS 16:22

At ekhe nen, ninoe Enupogot endawi hundik lek halok he, Allah nen at andi ebe homan fouwago. Mene re, ninoe Enupogot weak-weak eme o, u hak, Maranatha, iluk igi andi.

2 KORINTUS 4:18

Nit he, yi mene ti mene nineilenggen hogorek mene andi lek asigin meneat he, nineilenggen hogorek lek mene andi etok mondok logogin andi nen he, nineilenggen hogorek mene andi faget ninot somarogo hilingiti'lek, we, nineilenggen hogorek lek mene andi faget ninot somarogo hilingiti lagoo.

2 KORINTUS 5:7

Nit he, nineilenggen hikhi lago mene yoma oba himbiret fuluk welago fuk. We, ninendawinggen at Yesus oba himbiret fuluk welago.

2 KORINTUS 9:15

At Allah nen fano mondok niren pilingisogo ugun elo'lek mene wo'nisasikhe andi faget fogerati logouwogo.

GALATIA 5:22

Nen, e enggen iterek hak, Allah Areagun afuni inendawimo logolik inobabut hilingitarek he, ebe yi. Afuni ekhe inebe inendawinggen hundik welagik, inendawimo inagaiyek anggigik, afuni ekhe inom lioksek welagik, inafe morogo welagik, inobabut enago welagik, inobabut fano welagik, inobabut lombokhogo welagik,

GALATIA 5:6

Andi nen he, nit Kristus Yesus ninom hundik logolik, ninagap ninenggalimo mene palek mene inom, it ekhe palek lek mene inom, ninom higit welago. Halok, andi faget penesugun lek. We, esin he, ninendawinggen Kristus oba himbirik logolik, afuni ekhe ninendawirinaforek andiba enegat ari'logo.

EFESUS 6:24

Hit he hinoe Yesus Kristus kobokhogo herakfigi'lek hinendawi hundik logogun mene halok hinebe mondogat he, hineisena Allah obabut fano a'nogo nen fethinarek logouwago.

FILIPI 1:25

An wene andi faget futfuluk, logogin, iluk neluo. Hit hinendawinggen Allah oba himbirik logolik, wurik agik, hinendawimo hinagaiyek anggigik, ikhi logobagaigen he, hit hinebe mondogat ninom logogun aro.

FILIPI 3:3

Nit he, ninagap ninenggalimo mene arat palek logou hak, ebe meneat hilingiti lago. Allah Areagun en ninendawimo kagalhu kwelek, Allah ebe fogeratik, Kristus Yesus ninom hundik welago, iluk, fogerakhigik, ikhi logolik he, yi wene ti wene ninagap endakwe yi faget hilingitorek andiba fanotninabigin iluk anggikhi lago lek.

FILIPI 4:4

Halok he, nerugwi nagaila'lak. Hit ninoe Enupogot hinom hundik logolik, hundik-handigat hinendawimo hinagaiyegetu mondok logoino o. Hobuk nane hebekhogo yagahisagat. Hinendawimo hinagaiyegetu logoino o.

IBRANI 11:1

Inendawinggen Allah oba himbirik welagaikharek andi ebe re, yi'nogo. ”Fano asigin,” iluk eberogoat anggigik, ”Yi mene ti mene nineilenggen higi'lek meneat he, eberogoat werego,” iluk futfigik, agarek andi aro.

IBRANI 11:27

A'nogo anggaluk wulifikhesik he, endawinggen Allah oba himbiret fuluk, ”Ap kain Piraun andi a'mage lagagin andi nailo e,” iluk endawimo anggigi'legat, Allah ebe nineilenggen hogorek lek mene andi eilenggen hikhi logolik hangge, ”Nendawinggen at oba lakfigiri'mo re, wulibigin aro,” iluk o Mesir herakfisaluk wulibi wagaikhe andi.

1 PETRUS 1:6

Andi nenat, yogondak ya, Allah nen hinobabut paligeluk ugunem, hinoba yi enggin ti enggin hikhi logolik, elama faget hinendawimo weak ari'logo meneat he, hinendawimo hinagaiyek hikhi logoino o.

1 PETRUS 2:7

Hit hinendawinggen at oba eberogoat himbirik werek mene nen he, ”At fano mondok,” iluk futfikhi lagep andi. Meneat he, it ekhe inendawinggen at oba himbiret figi'lek mene faget enek he, mel isikhe: ”It ap tukang o helep mene wutarek mene nen, o ebe wuti logolik he, Helep yi weak, iluk herakfisasukwa mene andi obuleat ya'lagama o,” iluk isikhe.

1 PETRUS 5:4

A'nogo hilingitu were'ma re, ninoe anggo eisewerek a'nogo wesimbik he, ”Fano mondok hilingiti lagepma,” iluk sa awewerek-sa awewerek lagunem onggo kware-kware ikfisagarek andi hak fogeratu mondok logogun mene wokhisagain o.