Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 PETRUS 1:7 - Allah Wene Fano Wene Hupla Inane

7 Emas onggo hokho palharek mene andi, ’Fano a? Weaga,’ iluk endu oba obabut palharek andi hak, Allah nen he, ”It inendawinggen an noba eberogoat himbirik werega? Lega,” iluk, enegat asuageluk anggugunem hinoba yi enggin ti enggin hikhi lagep andi. Emas andi re, we tulemat lek asigin meneat he, ebe esin he, hinendawinggen Allah oba eberogoat himbirik welagep andi aro. Hit hinendawinggen at oba himbirik logogun halok he, aren hinobabut palhi logombik Yesus Kristus weinamhogo lakfei wesigin andi sambul, fogethinafik, agaugwethinafik, esinethinafik, igino.

အခန်းကိုကြည့်ပါ။ ကော်ပီ




1 PETRUS 1:7
53 ပူးပေါင်းရင်းမြစ်များ  

Ariginik kwelek he an kwe laga-lagi mene a'nogo At mondogat elurek, nen an nen ikhi lagi mene andoma ogo At eluregat. Afuni emas eil fano mene yi emas ebe mene a, athe amu mene a? iluk halhagarek a'nogo hakhogo an ogo andi hak halogo nobagaumo nen he, an nendawimo weak mene legengge mondok pugunsek welagi mene a'nogo weinam asu hak.


No perak heratarek oba obalik werek enek, nen emas eil fano mene weinam asuageluk endu oba weratuba ogo obalik weregat.


Nen Hat hebe o hubanggo an nambit we'luk, an nebe hilingik welagi mene kwelakniigik, nendawimo nobabut palnafik, hilingisumo nen he, an nen nane ikhi lagi mene andoma re nendawimo nen wenggel hikhi lagi mene nek ikhi lagimo re, ap yi mondok higithogo nek hilingiri'lago mene iluk futnobagau hago.


Emas helagarek mene andi re we endep hak oba nen, inendawinggen kagalek mene helagarek andi nek he mondok fano. Perak helagarek mene andi re we endep hak oba nen, inelu agarek mene helagarek andi nek he mondok esin.


Emas inom perak inom andoma re endu amulok oba obabut palharek oba nen, afuni inendawimo re At Tuhan nenat obabut palherek.


An nen wokhetunem helegendek mene andi re perak mondok fano mene inom, emas ebe fano mene inom, andoma re onggo endebat elo'lek hangge meneat he, an nen wokheti lagi mene andi nek he, mondok esin mene o.


Nit ta'laga logolik ninalfulukha kogoik ta'lagagu hak, kweangma yoma nen herakfuluk logoin ogore ninangge andogorikhi lago mene andoma ekhe helaluk logoin legat.


Endu nonggwalek oba perak obabut palharek a'nogo hak, An nen yi enggin ti enggin oba hat hobabut palhafu welagi.


Afuni Kir-Heres inangge mondogat inom, o Moab kwe inangge mondogat inom he lek aga. An he it inoba neilenggen logolik nendawimo weak ari'logo. Afuni fong watu logolik pinggong aneba le wuni ikhi logolik kong etarek hak hilingik welagi.


Andiba re, Tuhan Omame Mondok Hokho mene a'nogo nen ikhi logolik, ”An nagainafuri andi re eil fano mene hilinglasuageluk he logam oba obabut palharek andi hak An nen nagainafuri inobabut palinabigin o. An nagainafuri mondogat weak hilingita andiba An nen ninggi'nogo hilingisu hak he?


We minggilogo fena sepertiga nen enek he linerisogoin. Andi nen he, it andem enek he afuni nen perak endu oba ebe mene weinam asuageluk weratarek andi hakhogo enogo horinabigin o. Nen, it he emas ebe meneba nen weak mene iluk walhagarek a'nogo hakhogo it andi re An nen inobabut paligin. A'nogo hilingiti logolik iren samban An noba ugunem An nen onggo yagaisikhi logogin. Nen An nen it inoba re hit An nagainafuri o iluk yagaisagain, nen iren ogore An faget Nineisena Tuhan Allah re At aro, iluk fakhogo ugun o,” iluk isikhe.


Aren it a'nogo ayo wurogo hilinginabi waga logolik he, aben perak endu oba elokhe pugunhogo hilingitarek hak hilingisigin. Nen, afuni nen logam meneba emas inom perak inom endu oba elokhe pugunhogo hilingitarek hak Tuhan nen yonggo lakfei wesigin mene andi re, it imam omanogo nen Tuhan obaget wam yi mene ti mene warogo noletu mene omanogo At endawimo anggikherek higithogo fikhi logouwageluk pugunet fisagain.


Oba nen he, at weak hilingite lek halok, homan ugu a'nogo at oba agi'legengge logolik, selekhogo omalik takhikhi logogin.


at Yesus nen he, ”An nen eberogoat yagahisak. Hit an nombo'ne nikhi lagep mene yi re, yi mene ti mene Allah nen hobuk ket hunogoat hilingisumo nen, an abat ta'lasi wagagi a'nogo hobuk wesimbik, foge'nafu kwelek, nobalik oba andoma kain were'ma, hit nera'lu andoma hinobalik 12 nen talek oba kainat logolik, afuni Israel mene inunggulenu 12 nen omanogo hiren wene inoba figik, kotik, ikhi logogun o.


at oe a'nogo nen he, ”Nagot wa! Hat he, fano mondok. Hobabut humbun andi nen he, higithogo mondok hilingiti lagenma higi o. Endebat meneat he, wokheti mene humbunhogo fisogo welagen andi nen he, hobuk mondok hokhorogo fisogo logoinogeluk, menhobagambik wokhesigin o. An hoe nendawimo nagaiyek hikhi lagi andi hak, nemberegat ninendawimo ninagaiyek houwogeluk, kwi me o,” iluk yagatikhe.


at oe a'nogo nen he, ”Nagot wa! Fano mondok. Hat hobabut humbun andi nen he, higithogo hilingiti lagenma higi o. Endebat wokheti mene, hobabut humbunhogo fisogo welagen andi nen he, hobuk mondok hokhorogo fisogo logoinogen iluk, menhobagambik wokhesigin o. An hoe nendawimo nagaiyek hikhi lagi andi hak nemberegat ninendawimo ninagaiyek huogen he, kwi me o,” iluk yagatikhe.


Hit hinagarek mene andi onggo hunisimbik he, onggo uang hunisugun mene omanogo it inagarek lek mene inelagaik mene andi sumburisano o. Sumburisaluk he, uang awi fili agarek lek mene waganogo fuluk, kwalogo fikhi logou hak, hinagarek fano mondok lek asigin lek mene, it ap ineil masi weak mene nen yogot hinasi kwigik, elugengge nen palhik, ikherek mondok le'ma pogoroba andoma kwalogo hinobagauwageluk lakfakhikhi logoino o.


Andi hak he, an abat ta'lasi wagagi a'nogo hobuk weinamhogo wesigin andi sambul he, a'nogoat hilinglasigin o.


Nen, ap sa nen an namingmingengge logolik, endawimo nen he, an Yesus faget hilingiti logogin, iluk anggikhe halok he, an logogin oba andoma nemberegat mondok logouwogeluk nombo'ne waga logouwago. Nen, sa nen an faget hilingiti logogin mene andi, neisena nen at ebe agaugwet fagain o, iluk nane eberogoat yagahisigi,” iluk yagaisasikhe.


Allah alegat etok mondok welagarek andi nen fogerasuogeluk hilingiti'lek logolik he, hit-hirat hat ekhe nen fogeratik, hat ekhe nen fogeratik fogerakhikhi lagep andi nen, hinendawinggen an noba ninggi'nogo himbiret fogoin anggegep? Mondok elo'lego.


A'nogo yagaisikhi lagaikhemo, at Petrus nen he, ”Hat hendawimo nen he, Allah obabut fano nen wo'nisikherek mene andi, onggo fuluk eise asugun, anggegen a? Elo'lego. A'nogo anggegen andi nen, hat hauang ari alomat lakhigik, hebe alomat lakhigik, uago.


Afuni Yahudi eberogoat mene re, ”An nebe Yahudi mene nagap nenggalimo mene palek welagi,” iluk suesinggaba lisu palogo fagarek andi faget fuk. Lego. We, inagap palek ebe mene re, inagap inenggalimo mene palu hak, Allah Areagun en inendawinggenma mene horogo wulaferek andi aro. Afuni inendawinggen a'nogo horek werek halok he, afuni ekhe nen fogerinafarek lek. We, at Allah nenat fogerinaferego.


At Allah nen he, it afuni fena nen inebe fogerinafarek mene inom, agaugwerinafarek mene inom, fili agarek lek mene inom, eise asuogeluk inafe morogo logolik inobabut higit hilingitarek mene halok, inebe ineluk mondok logouwageluk hilinginabigin.


Pogot kweang yi mene ti mene Allah nen elalhikhe mene yoma nen he, ”Allah againafuri inebe hunogoat hilinginafunem sele'ma fogerinabugun andi mera hilinglasigin,” iluk, alik wari'lagwi.


A'nogo wutu were'ma, at Kristus hobuk wesigin andi sambul, afuni nen o wuta mene lombok. Fano a? Weaga, iluk, endumo walhugunem, fakhogo enegat agunem hogoin o.


Andi nen he, aren wene afuni inoba figik, kotik, igin andi sambul oan asi wagi'lek werek kwelek, hiren it ekhe wene inoba figik, kotik, ugun mondok lego. We, at ninoe Enupogot ebe wesimbigen he, afuni nen hubanggo hinagaisogo hilingiri'lagwi mene sele'mat figik, yi'nogo hilingisugun, iluk anggaluk inendawimo sebelek werek mene andi fakhogo figik, i wesigin andi nenangorogo logogun o. A'nogo fakhogo fugunem, Allah nen he, fano hilingita mene inebe lombok fogerinabu meneat fogerinabigin o.


Hit ekhe Iblis nen hinendawimo kagaligeluk yi enggin ti enggin hinoba fugu kwelek, hinafe morogo logogun halok, hinendawimo hinagaiyekhogo logoguno. A'nogo hinafe morogo logogun halok, Allah nen he, ”An nebe hinendawi mene halok hineluk mondok logogun mene wokhisagain o,” iluk, abok yaganisasikhe a'nogo hit hinobabut palogo nenat wokhisagain o.


Andi nen wene andi futfuluk he, kwe fungusek louwogeluk inobakhe hele ninghogo homatarek andi hak, hinobabut hebelogo, hinendawinggen wenggelogo logoino. A'nogo logolik hinendawimo nen he, ”Allah nen Yesus Kristus ebe weinamhogo lakfei wagunem fano mene wo'nisa wesigino,” iluk hinendawinggen at oba lakfuluk oba eberek mondok logoino o.


Hinendawinggen at Allah oba eberogoat himbirik welagep andi nen, at omameba fethinarek logombik he, hobuk hinebe fanothinabigin mene wurep oba weinamet fagain andi.


At ebe helep hangge eluk welagarek mene iluk he, oba we'no. Afuni nen he, ”Helep andi weak,” iluk hebisasukwa meneat he, Allah nen he, ”Helep yi mondok fano meneat,” iluk wenagaisogo esinet fesikhe.


Hit hinendawinggen at oba eberogoat himbirik werek mene nen he, ”At fano mondok,” iluk futfikhi lagep andi. Meneat he, it ekhe inendawinggen at oba himbiret figi'lek mene faget enek he, mel isikhe: ”It ap tukang o helep mene wutarek mene nen, o ebe wuti logolik he, Helep yi weak, iluk herakfisasukwa mene andi obuleat ya'lagama o,” iluk isikhe.


Nerugwi nagaila'lak. Hinebe nendawi e. Endu aik hagarek andi hak, Allah nen he, hinobabut paligeluk yi enggin ti enggin hinoba agunem, hinendawimo nen he, ”Yi hunogoat hogorek lek mene ninoba ari'logo,” iluk anggagubo.


At Allah nen Kristus ebe weinamhogo lakfei wagunem, fogerasugun andi sambul, wagunem hinendawimo hinagaiyek hokhorogo anggouwogeluk hinendawimo nen he, ”At Kristus oba yi enggin ti enggin hilik-hilik wa'lagaikhe hak, nit at ninom hundik logolik a'nogoat hikhi lago,” iluk hinendawimo hinagaiyek hikhi logoino.


Hit Allah againafuri kwelaginarek welagep andi hak, an a'nogoat kwelaginarek welagirek mene nen ekhe komothinabik. At Kristus oba yi enggin ti enggin hilik-hilik wa'lagaikhe andi, an neilenggen hasigi. Nen, hobuk Allah nen ebe weinamhogo lakfei wesigin andi wagunem, afuni nen fogerasugun sambul andi, an ninomat fogerasugun aro. An nane liokhogo komothinabik.


Nerugwi nagaila'lak. An Simon Petrus Yesus Kristus nen, at amingmingengge logouwageluk nayonggo fesikhesik laknobagai wagaikhemo wagagi. Andi re, at ebe Allah at logolik, obabut higithogo nek hilingiterek a'nogo nen, hit ninom higithogoat ninendawinggen aroba himbiret fugunem telninabi'logo mene halok, wene yi lisu palogo hinoba lakfei wagi andi.


It afuni kweangma yoma yi mene ti mene inamolo nen, inendawinggen en nunggunem inobabut weak hilingi'luk weak agaikharek mene andi herakfisaluk heise wulibi we'luk he, Allah obabut wanuageluk, fano mene wo'nisili'logo andi. Aren elalinat hilingitunem fogeratu mondok welagaikharek mene a'nogo nen he, ”Yi mene ti mene onggoba wanu elo'lek mene, mondok hokho fano mene wokhisagain werego,” iluk abok yaganisasikhe mene andi, ebe wo'nisili'logo andi.


Nerugwi nagaila'lak. Hinebe nendawi e. A'nogo wesigin iluk, nenangorogo logolik he, wene hinoba fakhigi'legat, weak agi'legat, Allah hinom fano were'ma at ebe hisa wesuagen, at faget anggilukhogo hilingiti logoino.


Hit nineisena Allah omame logolik elok fethinarek logogin mene a'nogo oba lagunem, hineisok peikhogo warigi'lek fanorogo fethinarek logombik he, at ebe fogerari'lagwiba andoma, wene hinoba figi'legat, hinendawimo hinagaiyek anggugu kwelek, at elokhoma hinobagai lagain mene andi, hai wati logouwogo.


Yethani! At ebe ohena anggele'ma wagunem, afuni mondogat inebe lombogen inom, it at sige taukhogo watukwa mene inom, inomaren ineilenggen yethikhi logolik, inunggulenu lombok mondogat le asugun o, iluk yagahisigi andi, ”Ebe asuak,” u hak, ”Amin,” igi andi.


At Iblis nen hit hinendawimo kagaluageluk, afuni hit mene fenakwe inenggi hele warogo fisamo, inenggi 10 nen yi enggin ti enggin hikhi logogun andi re, hinailo agubo. Yi enggin ti enggin a'nogo hilinghinafu kwelek, hinendawinggen noba eberogoat himbiret fuluk, an ninom hundik were'ma wa'lasugun halok he, sa awewerek-sa awewerek lagunem, it inomame agaikharek mene onggo kware-kware ikfisagarek andi hak, onggo nabulal-habulal hilinghinabigin o.


A'nogo fisa wesigin andi re, an nen, hinafe morogo logoino o, iluk yagahisasigi mene andi, nane hologo higithogo hilingiti lagep andi nen, o hobuk Allah nen afuni kweangma yoma welagaikharek mene mondogat yi enggin ti enggin inoba fagain sambul andi fugu kwelek, hit enek he, an nen nawe a'ma fano fethinarek logogin o.


A'nogo welagep andi nen, hit kain hineilmo werek asubagaigen he, emas endumo weragaisogo fano hilingitarek mene noba onggo paligik, hinalfulukwa welagep mene andi, hinenggali asinogo nen he, hinasu laberouwogeluk su kut mene noba onggo paligik, hineilenggen mum mene andi, fano agunem yi mene ti mene yethikhi logouwogeluk, amusu hineilenggen ebene tesubagaigen noba onggo paligik, ubagaigen iluk komothinafi o.


An hit afuni Israel hineisena Tuhan Allah nen attagat wene wathisikhi logolik: Hit hinagainafuri inom, iren tagomangge mene inom, inebe An eisewerek a'luk mondok logogun o, iluk wene warisasigi andi. A'nogo meneat he, afuni An agaugwetnabugun mene halok An nen it agaugwerinafirek, nen inendawimo seramet nobagagu mene halok An nen seramet fisigiregat, andi nen he yogondak An nen wene warisasigi mene andi herakfisagain o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ