Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 PETRUS 1:3 - Allah Wene Fano Wene Hupla Inane

3 Ninoe Enupogot Yesus Kristus eisena Allah a'nogoat fogerati logouwok. At Allah ninebe endawi mondogen, Yesus Kristus wa'lagaikhemo nen eluget fesikhe andiba nit ninebe hobuk ninambotkwe ket ta'ninafikhe andi. Ninelugetninafikhemo logolik he, ninendawimo nen, ”Aren, hobuk fanothinabigin, isikhe andi lek asigin lek,” iluk ninendawimo ninagaiyek hikhi lago.

အခန်းကိုကြည့်ပါ။ ကော်ပီ




1 PETRUS 1:3
56 ပူးပေါင်းရင်းမြစ်များ  

Yagati logolik, mel isikhe: ”Neisena. Haren attagat an neisena Daud wene wareti logolik he, An nen nagainafuri Israel mene o Mesir en woginarek wagagi huli nen he, it inawi kota lombok An faget hilingiti logogun oba Nawi wusuagaluk obuluk wenagaisogo figi mondok lego, meneat he, hat Daud en nagainafuri Israel mene ferinarek logoinogoluk wenagaisogo hobagagi o, iluk wene waretigin mene andi ebe tiphogo hilinglari'lago andi nen he fogethafi lago o, neisena,” iluk yagatikhe.


A'nogo mondogat samban isikhesik, at Daud en afuni hokhorogo andoma kaboksek welagaukwa mene omanogo inoba ikhi logolik he, ”Hineisena Tuhan Allah fogera'ni o! Iluk yagaisasikhemo re, it afuni mondogat a'nogo nen, ineisena Tuhan Allah it inombawi nen apne wanhi lagaukwa mene a'nogo fogeratukwa. Fogerati logolik he, iren At Tuhan legeisogo fikhi logolik iluk inom, at raja a'nogo legeisogo fikhi logolik iluk inom he, ineindep awi yakfesukwasik inelokhe sagaum fogeratukwa.


A'nogo fei wagu mene omanogo mondok hokho-pokhorogo waluk wagu aple nen he at raja Hizkia inom, agoromi pegawai omanogo inomen he Tuhan enu legeisogo figik, At againafuri Israel mene a'nogo fogerinafik, isikhe.


An nendawinggen sebel fakhaluk welagi andiba re Haren an lebetniikhi lagen, nen an nebe Hat ninom mondok-mondok logouwageluk hilingnobagakhi lagen.


Oba nen he, neisena Tuhan Allah, Hat he hendawi hundik ninafik, hendawirogo welagik, hendawi hundik mondok welagik, tiphogo nek hilingninobagagik, hobabut sebelek oba hilingninobagagik, ikhi lagen.


Tuhan neisena, Hat he fano mene logolik afuni inaweak sebelogo leget fisageluk he hamolo welagen, It afuni Hat hoba samban ugu welagaikharek mene inoba re, Haren hendawi hundik mondok hokho meneba hilingninapluk he ekhe inom oba heilarogo hendawirinafu mondok welagen.


A'nogo yagatikhesik, hobuk Tuhan ebe Musa elokhoma asi lagaikhesik mel yagatikhe: ”An he Tuhan, hineisena Allah nendawinggen lek lebekhogo wogisigik, inebe nendawirinafik, igirek mene a'nogo Anaro. An nobabut he, oba heilarogo nendawirinafi logolik, hombunhogo welagik, na'mage weak-weak inoba figi'lek hilingitik, igirek mene o.


Hat againafuri endamat wa'lagaukwa mene omanogore inambotkwe ineluk asugun, it inebe warek nekhengge menlasugun. Ap kweang elema salinafa mene re, menlasimbik inagaiyekhogo wuni wati logogun. Lilengge nen kweangma sakhoraterek hak, Hat againafuri o endam wa'lagaukwa mene omanogo inambotkwe inelugerinabigin.


A'mage lagasikhesik, Allah ayonggo fikhi logolik he, mel yagatikhe: ”Tuhan neisena! O attagenat an naiba logolik aremnogo Haren a'nogo hilingisigin iluk an nen isigi lek nogo? Isigiat anggigi! Hat he hobabut inelagaik isigik, afuni hendawi hundik hilinginafik, hendawinggen sakhorek oba hilingitik, hobabut fetakhogo hilingiti'lek logolik afuni weak hilingitu mene inoasigin iluk inabok palherendigen he, hobuk hendawirinafi legen a'nogo nelu logolik he, an heise o Spanyol lagaluk lagagi anggigi.


Migininafikhemo, at againafuri agaukwa andi re, afuni inagainafuri takha inamolo nen taginafik mep mene andogorogo taginafarek andi hak fuk. We at Allah nenat taginafikhe o.


Hiren he, ”Hobuk at Allah nen fano hilingisigin werego,” iluk, hinendawimo hinagaiyekhogo yi enggin ti enggin hikhi logolik he, hinafe morogo samban kamo igi'lek ugu mondok logoino o.


”Hobuk fano asigin,” iluk ninendawimo ninagaiyek hogorek andi, ero at Allah nenat hilingninaferek. Hit a'nogo hinendawimo agaiyek hokhorogo hikhi logouwageluk Allah Areagun omameba hilinghinabuak. A'nogo hilinghinabuagen he, hinendawinggen at oba himbiret fesigip andiba himbiret fuluk were'ma, aren hinendawimo agaiyek hokhorogo hikhi logouwageluk hilinghinafik, hinendawinggen hambugethinafik, uago.


At Allah nen he, nit at ane sebelogo herakfisaluk weak hilingiti lago andi nen he, Yesus ebe afuni nen wasuageluk pelakfei wagaikhemo ebe watukwama re, hobuk, ”Wene hit hinoba mene korogo wokhigi,” iluk, At ninom ninambotkwe hunogo ninobagaigeluk eluget fesikhe andi.


Nit attak he, Allah ninom weim palek were'ma re, hobuk at amlogo wa'laga logolik, Allah ninom lambukhogo ninobagaikhemo welago. A'nogo were'ma, at ebe eluk logolik he, telninabigin lek nogo? Attak telninabu lek mene telninafikhesik he, yogondak ninom hundik logolik telninabigin aro.


At Allah nen he, Kristus Yesus wa'lagaikhemo eluget fesikhemo re, at Areagun hinendawimo logolik he, hinebe hinagap wa'laga lagep mene yi hinelugethinabiginat. Andi re, at Areagun en Kristus ebe wa'lagaikhemo eluget fesikhe a'nogo hinendawimo welagarek andi nen hinelugethinabigin o.


A'nogo hilingninabigin o, iluk anggugunem, Allah nen telninafikhemo welago. Mene re, sa hagen, ”Hobuk yi'nogo hilinglasigin,” iluk endawimo anggugu were'ma, ebe arat hilinglagunem eilenggen halugat he, hobuk endawimo angguguat logogin nogo? A'nogo ekhe welagaikharek lek andi nen he, niren, ”Hobuk yi'nogo hilinglasigin,” iluk anggikhi lago mene andi, ebe arat hilinglagunemen, nineilenggen hogo halok he, ninendawimo nen a'nogo ekhe anggikhi logogun mondok lego.


Mondok logogin he, ninendawinggen Allahba eberogoat himbirik welagorek andi inom, fano asigin iluk ninendawimo agaiyek agarek andi inom, afuni inebe ninendawirogo welagorek andi inom, wene ebe henagan andemat logogin. Meneat he, ebe esin hangge re, afuni inebe ninendawirogo logogun andi aro.


A'nogo meneat he, at Kristus wa'lagaikhemo, Allah nen eberogoat eluget fesikhemo werego. A'nogo eluget fesikhe andi re, yi mene ti mene attak mene tak wanharek andi hak, it wa'lagaukwa mene, at Kristus tak eluget fesikhe andi.


Ninoe Enupogot Yesus Kristus eisena Allah andiat fogerati logouwogo. At nineisena Allah obabut fano nen afuni yi mene ti mene faget inendawimo weak were'ma, endawirinapluk inendawimo fanorinaferego.


An wene komorogo yagahisigi mene yi, higithogo hilingiti logogun mene halok. Allah nen he: ”An nagainafuri Israel mene aro,” iluk, arenat hinendawinggen hambukhogo hinobagagik, hinebe endawithinafik, ikhi logouwago.


Hit faget he, Tuhan Yesus Kristus eisena Allah fogeratu mondok welagaikharek mene a'nogo nen, hinendawimo mondok kagalek mene wokhisigik, at ebe furogo futfobagaigen iluk yagahisigik, ikhi logouwagen iluk, Areagun wokhisoageluk ayonggo fikhi lagi.


Ninoe Tuhan Yesus Kristus eisena Allah at fogerati logouwogo. Nit Kristus ninom hundik were'ma, at Allah nenat fano mene mondogat ninendawinggen faget pogoroba nen wo'nisasikhemo welago.


A'nogo wo'nisasikhemo, ebe amep wulagaisogo watukwa andiba, ninonggo palogo telninafik, nit weak hilingiti lagagu mene legetfisigik, isikhe andi. At Allah endawimo kagalek logolik ninebe futninobagasikhesik he, obabut mondok fano a'nogo nen hokhorogo endawitninafikhe andi.


A'nogo welagaikhe meneat he, hobuk at obabut fano enago mondogen, hokhorogoat endawitninafikhe.


At Allah at fogerati logouwok. At ebe ninendawimo logolik omamerogo hilingninaferek andi re, mondok hokho andi nen he, niren ninendawimo ebetik, kino yagatik, ogorek mene higithogo hilingiti'lek, aren he ekhe inom mangorogo hilingninobagaikherek andi.


Halok he, fano wene hinesanggo holhigipsik he, hinendawimo nen: ”Hobuk fano asigin,” iluk, anggasigip mene andi, hinendawinggen abolok iluk kobokhogo herakfisigi'lek ninghogoat fisogo logoino. Fano wene andi, aren o yi awi ti awi afuni inebe mondogat yagaisasikhe wene andi yagaisilik nikhi logouwageluk, an Paulus nayonggo fesikhe andi.


At Allah endawimo nen he, it afuni endakwe mene mondogat fano mondok hilinginabigin wene andi esin fogerasu meneat anggasikhesigen endawimo hinago welagaikhe mene, at againafuri halok sele'ma fakhogo yagaisageluk isikhe. Wene hinago mene andi ebere, Kristus hit hinendawimo werek halok, hobuk Allah nen fanothinafunem fogethinabugun andi aro.


Nineisena Allah eilhanem samban a'nogo ikhi logolik he, hit hinendawinggen Allahba himbirik logolik hinobabut hilingiti lagep mene inom, afuni ekhe hinendawirogo logolik hinomamerogo leberisikhi lagep mene inom, hinendawimo nen: ”Ninoe Enupogot Yesus Kristus nen fano hilingninabigin,” iluk hinafe morogo welagep mene inom, niren hit hilingiti lagep mene andi faget hinoba kamo igi'lek eberek mondogat welago.


Nerugwi nagaila'lak. It afuni ekhe nen: ”Fano hilinglasigin,” iluk inendawinggen futfigi'lek logolik he, afuni wa'lagunem inendawinggen weak ari'logo andi hak, hit a'nogo hinendawinggen weak aga logoinogo iluk, wene afuni wa'lari'lagwi mene andi faget hinonggot logogun he, nabit. Hinelu asubagaigen iluk furogo yagahisak.


At ninoe Enupogot Yesus Kristus, nineisena Allah inom inobabut fano a'nogo nen, inendawit ninafukwasik, ninendawinggen abolok lek mondok logouwageluk ago watninobagagik, fano asigin iluk oba eberek logouwageluk ninendawimo kagalhik, agarek.


Andi re, at ninoe Enupogot Kristus Yesus obabut fano nen hokhorogo endawitnafikhesik, nobabut he, at inom hundik logolik hilingitarek hagat, nendawinggen at oba himbiret figik, afuni ekhe nendawirinafik, hokhorogoat ikhi logouwageluk, nebe wo'nafikhe andi.


Nit yogondak he, ninoe Enupogot Yesus Kristus telninafikhe mene a'nogo inom nineisena Allah Ebe Hokho mene a'nogo inom afuni nen fogeratu kwelek, weinamhogo fanotninabi wesigin andi faget, ninendawimo ninagaiyek anggikhi logolik ebe nenangorogo welago.


Meneat he, at Yesus enek he, Allah ebe amlogo andi nen he, at eiseweregenat hilingiterek. Nit fanotninabigin wene andi faget ninendawinggen ninghogo oba himbirik mondok logogun halok he, Allah awi wurik andi, nit ninebe aro.


Yi mene ti mene elalhikhe mene mondogat manggusa hangge re, nirat logouwageluk, at onggwarek endawimo anggaluk ane ebe wene andibaat ta'ninafikhemo welago.


Andi nen wene andi futfuluk he, kwe fungusek louwogeluk inobakhe hele ninghogo homatarek andi hak, hinobabut hebelogo, hinendawinggen wenggelogo logoino. A'nogo logolik hinendawimo nen he, ”Allah nen Yesus Kristus ebe weinamhogo lakfei wagunem fano mene wo'nisa wesigino,” iluk hinendawinggen at oba lakfuluk oba eberek mondok logoino o.


Ebe wa'lagaikhemo Allah nen eluget fembik fogerati logouwageluk menfesikhemo, hinendawinggen Allahba eberogoat himbiret fuluk, ”Hobuk aren fanotninabigin,” iluk oba eberek welagep andi.


Allah nen hobuk takhinafikhe andi, afuni wa'lagaikharek mene nen taginafarek andi hak takhinafikhe fuk. We, Allah eluk mondok logolik ane lek agi'lek logogin meneba takhinafikhe o.


Yi mene ti mene enduk mikhaluk, fano agarek andi hak, ninoe Enupogot obabut fano hikhi lagep andi nen he, omalik ket tago mene eilak nele nen nunggu mondok welagaikharek andi hak, wene fano wene hinendawinggen andiba wurik asumo fanothinabuagaluk, wene andiat wanhu mondok logoino o.


Hiren he, Kristus agaugwerati logolik, ”Ninoe Enupogot aro,” iluk hinendawinggen oba nen fogerati logoino. Fogeratunem, it ekhe nen heinok hinoba wokhisikhi logolik he, ”Fano asigin, iluk oba eberek welagep andi nenahalok,” iluk yagahisugunem he, onggo wene furogo yagaisogoin mene hinendawimo eberek mondok logolik,


It iba telinafikhe andi walse'ma, nit yogondak ima pogorek andiba telninaferego. Iba telninaferek andi re, ima pelakninafunem ninagap i andiba sobalagarek andiba telninaferek fuk. Athe, ninendawinggen oba nen wene ninoba selek asuageluk Allah ayonggo fugunem, Yesus Kristus wa'lagaikhesik eluk agaikhe andiba telninaferego.


Attagat it hemi Allah a'logomi mene inendawinggen Allahba himbirik logolik, inoba fanorogo a'nogoat inaguni lombok inawe a'ma logolik inane hologo hilingiti lagaukwa.


At Kristus Allah amlogo obabut fano higithogo nek hilingiterek a'nogo hinelu halok he, hit hinendawimo nen he, ”It afuni ekhe inobabut fano higithogo hilingitarek mene inebe lombok Allah againafuri hobuk taginafemo werek,” iluk hinelu asuguno.


Nit ninendawimo nen, ”A'nogo hilinglasugun,” iluk, oba eberek welagorek mene ninebe lombogen, at onggwarek ebe tegelek welagarek andi hak, nit a'nogoat tegelikhi logoguno.


Nen, afuni Allah nen taginaferek mene halok inebe lombok, at obabut waluk hilingitarek andi nen, weak hilingitu mondok logogun lek. Inebe Allah againafuri logolik weak hilingitu mondok welagaikharek lego.


Nerugwi nagaila'lak. Nendawilage. Afuni ekhe inendawirinafarek andi ero at Allah atma re, nit-nit nendawi-hendawirogo logouwogo. Afuni nendawi-hendawirogo logogun mene halok, inebe lombok Allah nen taginafikhemo, at againafuri logolik, at ebe ineluat werego.


Afuni nen he, ”Yesus andi telninabuageluk Allah nen lakfei wagaikhe mene eberogoat Kristus a'nogo aro,” iluk inendawinggen at oba himbiret fagarek mene halok inebe lombok he, Allah nen taginafemo, at againafuri mene werego. Nen, nit nineisena Allah ninendawirogo logolik halok he, at againafuri tago mene andi ninendawirogoat logoguno.


Nit Allah againafuri ta'ninafe mene at amlogo manggusa tatikhe mene a'nogo nen kwelakninarek were'ma, at obabut weak mene a'nogo nen enggi fa'nisagain lego. Halok he, nit weak hundik mondok hilingiti logogun lek, iluk nineluo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ