1 KORINTUS 9:3 - Allah Wene Fano Wene Hupla Inane

³ Afuni nen nabok weak ugu kwelek, an nen yi'nogo yagaisikhi lagi:

1 KORINTUS 9:3 ပူးပေါင်းရင်းမြစ်များ

LUKAS 12:11

Hit hinanema wanuageluk, afuni nen it ap Yahudi mene samban agarek oba andoma inom, it ap pemerintah mene ineilhanem andoma inom, it ap inenupogot ineilhanem inom, wokhinarek hinobagai lagu halok he, hinendawimo nen he, Nit ninagap telogo wene re onggo ki mene ugun, iluk hinendawinggen fitubo.

KISAH PARA RASUL 22:1

”Nogogwi nagoromi. Wene yi an noba le'ma o, iluk nonggwarek nebe elelerogo yagahisagain yi re, hinesanggo fanorogo holino,” iluk ugunem,

KISAH PARA RASUL 25:16

Yaganeta menere, an nen onggo mel yagaisigi: Nit afuni Roma mene hilingitorek he, ap ekhe wene oba fugunem, it wene oba fogoin mene nen ap andi ebe yagatunem, aren onggo it yagaisigi'le'ma re, inebe inoasuageluk wogisogoin lek, iluk yagaisigi.

1 KORINTUS 14:37

At ekhe nen he: ”An nen Allah ane yagahisoageluk, Allah Areagun en nobabut andi wo'netemo,” igik, i a, athe, ”Hunogo mene hilingisuageluk wo'netemo,” igik, ikhe halok aren he, ”Wene Paulus nen ikhe andi re, ninoe Enupogoren komotninafikhe mene, lisu palogo ninoba lakfei waga andi,” iluk at futfuluk wanuago.

1 KORINTUS 9:2

It afuni ekhe nen an faget ikhi logolik he: ”At Paulus Kristus nen ayonggo figi'lego,” iluk ugu halok he, hit he, a'nogo ugun lek. An nayonggo fuluk laknobagai wagaikhemo wagagi iluk he, hit hinebe ninoe Enupogot hinom hundik welagep andiba enegat futnobagagun o.

1 KORINTUS 9:4

”An Allah eabu hilingitirek andi faget, nenggi onggo sumburu wo'netik, i wo'netik, ugunem, helagain lek nogo? Helagain aro.

2 KORINTUS 13:10

Andi nenat he, nebe yatma logolik wene yi lisu palogo fikhi lagi. Nebe hobuk wagi halok ninom logolik he, nane puk weak wenakhisigi hanogo iluk, lisu a'nogo palogo fikhi lagi andi. Ninoe Enupogoren omame wo'netikhemo eisewerek welagi andi re, hit hinebe weagethinabuageluk fuk. We, hinendawinggen wuriget hinabuageluk eisewerek welagi o.

2 KORINTUS 13:3

Hiren he: ”Paulus andi re, Kristus endawimo logolik ili'logo he a? Lek he a,” iluk nobabut paluogeluk egep andi re, nebe wagunem enegat futnobagagun aro. At Kristus hit hilingiti lagep andi faget ebe lebelegen obakhe nene kamo ikherek fuk. At hit hinom logolik omameat werego.

2 KORINTUS 13:5

Hiren he, ”Nit ninendawinggen Kristus oba himbiret fesugu a'nogo himbirigat welago a? Lega,” iluk hinonggwaregen hinobabut furogo palano. A'nogo palikhi logolik, elo'lek hilinglagi'lek halok, ”Yesus Kristus ninendawimo werek,” iluk enegat hogoin o.

FILIPI 1:17

Meneat he, it fena wene pali'lagwi andi nen, wene Kristus faget yagaisili'lagwi andi re, inendawinggen misigat logolik yagaisili'lagwi fuk. We, inendawimo nen he, ”Paulus enggi hele warek werek andi ebe weak asuak,” iluk inonggwarek inenu hokho asuagelugat yagaisili'lagwi andi.

FILIPI 1:7

Allah obabut fano nen nayonggo fesikhemo re, an nenggi hele warek welagik, nenggi hele oan wati'le'ma fano wene elelerogo ninghogo hilingitik, ikhi lagi hak, hit mondogat a'nogoat ninom hilingiti logouwageluk hinayonggo fesikheat andi nen he, hit hinebe nendawinggen hundik welagio. Ma re, an nen hit mondogat faget: ”Yesus eberogoat hilinghinabi wesigin,” iluk angga mene higithogoat anggikhi lagi.

2 TIMOTIUS 4:16

Afuni nen wene noba fesukwasik, nanema omanggum wanhunem, an nen he, ”An noba le'ma aro,” iluk wene noba korugunem, it mondogat an nera'lu ekhe welagi'legat heraknobagaluk wulifa andi faget, Allah nen wene inoba figi'lek logouwageluk samban ikhi lagi.