1 KORINTUS 7:9 - Allah Wene Fano Wene Hupla Inane

⁹ Hinendawinggen sebelu elo'lek aga halok he, hinagagwi lombok, hinaguni lombok, woginafi logoino. Hinoba aigage lagagunem hesanggeat fakfisamo re, weago. Hinaguni lombok, hinagagwi lombok, waganek logoumo re, fano.

1 KORINTUS 7:9 ပူးပေါင်းရင်းမြစ်များ

KISAH PARA RASUL 19:36

Afuni ekhe nen, wene andi lek mene aro, iluk sagalugun lek. Halok he, hit yoma nen hinendawinggen lek hak yi'nogo ti'nogo ekhe hilingiti'lek, hinabolok legat logogun o.

1 KORINTUS 7:2

Meneat he, pailak hilingiti logoinogo iluk he, ap inagagwi lombok waganek welagik, hemi inaguni lombok waganek welagik, ugun o.

1 KORINTUS 7:28

Mene re, hit aben hinagagwi helegep halok he, andi weak hilingitep iluk ugun lego. Nen, hit helime yenggerugwi silerik mene nen hinaguni helegep halok he, andi weak hilingitep ugun legaro. Meneat he, woginabimbik, yi enggin ti enggin hogoin andi nen he, a'nogo hegep hanogoluk igi o.

1 KORINTUS 7:36

Ap ekhe nen helenggerek silerik mene emberek wenago logolik, endawimo nen he: ”An yi'nogo weak welagi. He andi ebe wanigin o,” iluk oba aigage lagaikhe halok he, at endawimo a'nogo anggikhesi'mo re, he ebe wanuago o. A'nogo wanigin andi weak fuk. Fano o.

1 KORINTUS 7:39

It hemi re, inaguni inebe ineluk werek kwelek, ap hunogo mene ekhe woginabugun lego. We, inaguni inebe wa'lagu halogat, inendawimo inamolo anggili'lagwi mene woginabugun. Menere hesanggeat woginabugun lek. We, ninoe Enupogot inom hundik mene halok woginabugun o.

1 TESALONIKA 4:4

A'nogo logolik, hinagagwi hinaguni lombok woginabik he, hinom fano logolik, hinebe an faget nobagaluk horek logolik, hinobabut higithogo hilingitarek mene hilingiti logoino o.

1 TIMOTIUS 5:11

It hemi sogwe tugum oan mene andi, Kristus inom hundik werek meneat he, herakfisaluk, agasabu nen inendawinggen sebelu lek hak agunem, ap ekhe wanigin andi nen he palu fugo.

1 TIMOTIUS 5:14

Halok he, it hemi sogwe ekhe Iblis ombo'ne kwanirogo hela lagaikha andi nen, it ekhe nit Allah againafuri ninom weim palek hangge mene nen ninabok weak palinogo iluk, it hemi sogwe tugum mene andi, inaguni lombok woginapluk he, ineagwi tagaisogo fanorogo tegelogo ferinarek logouwageluk igi andi.