1 KORINTUS 7:2 - Allah Wene Fano Wene Hupla Inane

² Meneat he, pailak hilingiti logoinogo iluk he, ap inagagwi lombok waganek welagik, hemi inaguni lombok waganek welagik, ugun o.

1 KORINTUS 7:2 ပူးပေါင်းရင်းမြစ်များ

AMSAL 18:22

Ap inagagwi andi re Tuhan nen onggo lek wogisikherek mene hilingi'mo, inagagwi helagarek andi re mondok fano.

AMSAL 19:14

O wurik inom, inangge yi mene ti mene inom andi re ineisugwi inalolegengge mene ogo elok hela hak, oba nen he inagagwi inobabut hebelek mene andi re Tuhan endawi fano nen weat wogisikherek.

MALEAKHI 2:14

Hiren heinok wok-wok aga logolik he, ”Nenahalok Tuhan he niren wam warogo noleti lago mene wanhi'lek herakfisili'lago he,” iluk ikhi lagep andi re senggerogo yagahisak. Andi re, hit hinebe alageba hinagagwi woginafi logolik Allah eilhanem mel isigip andi: An nagwe yiat waganek mondok logogin o, iluk isigipsik, hinagagwi andi hinagaila'lak higit hinom lomborogo logou meneat he, ineil salinafi lagep andi nen he, At Tuhan wogeti lagep mene herakfisili'lago andi re ero andiba o.

MATIUS 5:32

A'nogo meneat he, an nen wene ekhe yi yagahisak. Ap ekhe agwe waganek mene, it ap ekhe nen pailak fakfigi'le'maat, he a'nogo lologo herakfisikhe halok, he andi pailak hilingisuageluk herakfisikhe o. Nen, at ap ekhe nen he lologo fagain mene andi wanhe halok, pailagat wanigin o,” iluk yagaisasikhe.

1 KORINTUS 6:18

Pailak fakfisagarek andi mene fakfisikhi logoinogo iluk, heise pugulhi logoino o. Yi weak ti weak hilingitarek andi re, inebe endakwe yiat hilingitarek. Meneat he, pailak fakfisagarek andi nek he, inonggwarek inebeat weaget fakhagarek andi.

1 KORINTUS 7:1

Hiren wene lisu palogo noba lakfei wagep a'nogo, onggo yagahisago. Aben he, hemi wanhi'lek alage weat logogun fano.

1 KORINTUS 7:3

Inaguni nen he, inagagwi lombok, nen, inagagwi nen he, inaguni lombok, inom nogo ikhi logouwago.

1 KORINTUS 7:9

Hinendawinggen sebelu elo'lek aga halok he, hinagagwi lombok, hinaguni lombok, woginafi logoino. Hinoba aigage lagagunem hesanggeat fakfisamo re, weago. Hinaguni lombok, hinagagwi lombok, waganek logoumo re, fano.

EFESUS 5:28

Andi hak, hit aben he, hinonggwarek hinebe hinendawi welagep andi hak, hinagagwi lombok inebe, ”An nonggwarek nebe hanggeat,” iluk, hinendawirogo logoino. Ap he, inagagwi inendawirogo welagaikharek mene andi, inonggwarek inebeat inendawirogo welagaikharego.

EFESUS 5:33

Mene re, hit hinebe faget inomat isikhe. Hit ap he, hinonggwarek hinebe hinendawirogo welagep hak, hinagagwi lombok hinendawirogo welagik, hit hemi hinaguni lombok agaugwerinafik, ikhi logoino o.

1 TESALONIKA 4:4

A'nogo logolik, hinagagwi hinaguni lombok woginabik he, hinom fano logolik, hinebe an faget nobagaluk horek logolik, hinobabut higithogo hilingitarek mene hilingiti logoino o.

1 TIMOTIUS 4:3

Iren wene ikhi logolik he, Hemi woginabugun mondok lek, igik, Yi mene ti mene nenggarek mene andi, ekhe yi mene wesa. Ninggi logogun lek, igik, ikhi logogun,” iluk, Allah Areagun nen yaganisasikhe higithogo ili'lagwi andi. Meneat he, nenggarek mene andi, Allah nen nit ninendawinggen at oba himbirik logolik, ebe wene andi futfogo halok he, hai warogo ninggi logouwageluk elalhikhe mene faget ili'lagwi andi.

HAKIM–HAKIM 21:22

Helaluk lagunem hele andi eisena nen ogo nen erugwi nen ogo at faget hit hinoba wene fei wagu halok, hiren ikhi logolik he, ”It ari nit ninom logouwageluk herakfisobagaigen iluk kino yagahisikhi lago. Nit he weim oba re telogo wokhinabugun lek. Nen hiren nit wo'nisegep lek halok he hiren wene watigip mene a'nogo taganhogo hilingitigip lek. Enggere hit he weak hilingitigip lek, iluk yagahisogoin,” isukwa.