1 KORINTUS 4:4 - Allah Wene Fano Wene Hupla Inane

⁴ An nonggwaregen, ”Weak ekhe hilingiti'lek,” iluk anggikhi lagi andiba, wene noba koragain legaro. We, at ninoe Enupogot ebe wesimbik enek he wene noba figik, kotik, igin o.

1 KORINTUS 4:4 ပူးပေါင်းရင်းမြစ်များ

AYUB 15:14

Afuni andi re weak hilingiti'legengge ekhe werek anggegen? Weak hilingitarek enek. Ap ariginik mene andi Allah elokhoma fanot fisa hak nogo a?

AYUB 25:4

At Allah eilhanem he afuni ekhe inaweak lek mene mondok fanorogo nek logou hak anggegen a?

AYUB 27:6

An he nendawinggenma nen ogore mondok selekse'ma re, an ogo eberogo anggaluk senek welagi mene andi re a'nogo nek senek mondok logogin.

AYUB 9:20

An nen tiphogo nek hilingiti logolik weak ekhe hilingiti'lek iluk ikhi lagiba nen nambeba nen he agaumsek mene wulibi weri'lago. An nane igin iluk nambeba nen ikhi lagi mene andoma re, At Allah weaget fikhi logolik hakhogonek ikhi lagi.

MAZMUR 130:3

Nineisena Tuhan, niren weak hilingiti lago mene andoma, hendawimo eberek mondok welagen halok he, sa hagen endawinggen sebel fakhaluk, kamo u hak nogo?

MAZMUR 143:2

Nit afuni re Hat helokhoma weak hilingiti'lek mene ekhe logou lek hak hilingi'mo re, An hamingmingengge yi re wene noba mene ero pilingnabu fugo,

MAZMUR 19:12

Wene andi mondogaren he, an hamingmingengge fut fouwageluk yaganeterek. An nen wene andi higithogo hilingisigin halok he onggo hokho mene nobagaikhemo werek.

MAZMUR 26:12

A'nogo nobagagin oba re yi mene ti mene andomaba nen an nailo legengge nambong serogo welagik, nen it afuni Hat hagainafuri mene inebe hokhorogo kabok se'ma andoma nen an nen Tuhan fogethafik, ikhi logogin o.

MAZMUR 50:6

Pogoren fageti logolik he, At Allah ebe afuni wene inoba figik kotik ugu mene logolik, Aren it againafuri omanogo inawene katokhogo tegeterek.

AMSAL 21:2

Ap inonggwaregen hilingitarek mene faget he fano hilingiti lago iluk anggagarek, oba nen At Tuhan he afuni inendawimo anggagarek mene a'nogo fut fisikherek.

AMSAL 29:26

Ap hokhorogo nen it inomame werek mene nen lebetnisoageluk inelokhe helaluk lagaikharek, oba nen ebe tiphogopilingiterek mene re we Tuhan amuat werek.

YOHANES 21:17

Anema enggi pireba wokhasikhesik hobuk anema ekhe wokhasikhe: ”Simon Yohanes amlogo nagoro. Haren an nebe hendawi a?” iluk, anema a'nogo enggi pireba wokhasikhesigen, hobuk ekheba, ”Haren an nebe hendawi welagen a?” iluk yagatikhe andi nen he, endawinggen weak agaikhemo, aren Yesus mel yagatikhe ”Noe. Hat he, yi wene ti wene mondogat helu o. Halok an nen noe hebe nendawi welagi andi, hat helu o,” iluk ikhi lagaikhemo, at Yesus nen he, mel yagatikhe: ”Halok he, an nanggo domba fanorogo kwelaginarek logoin o,” iluk yagatikhe.

KISAH PARA RASUL 23:1

A'nogo menfesikhemo, at Paulus it ap Yahudi Allah faget wene ero pilingiti lagaukwa mene inebe andogetukwa omanogo, eilenggen lurogo inoba yerisikhi logolik he, ”Nogogwi nagoromi. An Allah eilhanem, attagaren huli yogondak huli hilingiti lagi andi re, weak hilingiti lagi, iluk nendawimo menenei ebeti lagi lek. We, wene nendawimo selek, fano hilingiti lagi, iluk anggikhi lagi,” iluk yagaisasikhesik he, ekhe igin ha'ma re,

ROMA 2:13

Wene Allah nen komotninafikhe wene a'nogo inelu andiba, wene inoba mene korogo wokhikherek fuk. We, wene ebe komotninafikhe mene higithogo hilingitarek mene halok, wene inoba mene korogo wokhikherego.

ROMA 4:2

At onggwaregen fano ekhe hilingitikheba, Allah nen, ”Wene hoba mene korogo wokhigirik, hambotkwe nemberek hunogo hobagagi o,” iluk yaga'lepma re, onggwaregen fogerakhelebo. Mene re, Allah eilhanem fogerakha elo'lek welagaikhe andi.

1 KORINTUS 4:3

Mene re, an nen a'nogo hilingitunem, hiren he a? It ekhe nen he a, ikhi logolik, ”At higit hilingiri'logo he a? Weak hilingiri'logo he a,” iluk nanema wo'neogoin he, elo'lek anggikhi lagi. Nen, an nonggwaregen igin ogo re, elo'legaro.

1 KORINTUS 4:5

Andi nen he, aren wene afuni inoba figik, kotik, igin andi sambul oan asi wagi'lek werek kwelek, hiren it ekhe wene inoba figik, kotik, ugun mondok lego. We, at ninoe Enupogot ebe wesimbigen he, afuni nen hubanggo hinagaisogo hilingiri'lagwi mene sele'mat figik, yi'nogo hilingisugun, iluk anggaluk inendawimo sebelek werek mene andi fakhogo figik, i wesigin andi nenangorogo logogun o. A'nogo fakhogo fugunem, Allah nen he, fano hilingita mene inebe lombok fogerinabu meneat fogerinabigin o.

2 KORINTUS 1:12

Nit fogerakhikhi lago andi ebe yi'nogo nen. Nit it afuni kweangma mene ekhe inanggelekwe logolik, it faget hilingiti lago re endebat hak. Mene re, hit faget enek he, esin mene hilingiti lago. Andi re, afuni kweangma mene inendawimo kagalek mene hilingitarek hak hilingiti'lek. We, at Allah obabut fano a'nogo nen, ninendawinggen fano misigat logolik hilingiti logouwageluk ninobabut wo'nisasikhemo hilingitorek mene andi ninendawimo ebeti logolik, ”Nit fano hilingiti lagoma,” iluk fogerakhikhi lago andi.