1 KORINTUS 4:2 - Allah Wene Fano Wene Hupla Inane

² It ap kaindek inagarek yi mene ti mene it inamingmingengge mene inenggiba logouwageluk inobabut palogo nen, inobabut lenurek mene halogat fisagarek.

1 KORINTUS 4:2 ပူးပေါင်းရင်းမြစ်များ

2 RAJA-RAJA 12:15

It ap yabu hilingitunem melalinafi lagaukwa mene andoma re, iren higithogo nek hilingitunem he, uang wulak figik, kwelakfigik, ugu mene andoma faget fakhogo uageluk heinok wogisikhi lagaukwa lek.

2 RAJA-RAJA 22:7

It a'nogo hilingiti logogun mene andi, inobabut mondok higitse'ma re, niren, uang ninggi'nogo hilingitep, iluk heinok wogisogoin mondok lego,” iluk at Safan a'nogo yagatikhemo Hilkia oba yagasi lagaikhe.

AMSAL 13:17

It afuni ekhe inobabut weak mene lakfisagarek halok he, weak hilingisogo fisagarek mene inoba wagarek. Oba nen, inendawimo nen ap yi fano anggikhi logolik lakfisagarek mene andi re, ambisangma tip ikherek.

BILANGAN 12:7

A'nogo meneat he, An namingmingengge Musa nek he, An nagainafuri mondogat inanggele'ma logolik obabut mondok hombunsek andi nen he, a'nogo yagatirek lek.

MATIUS 25:21

at oe a'nogo nen he, ”Nagot wa! Hat he, fano mondok. Hobabut humbun andi nen he, higithogo mondok hilingiti lagenma higi o. Endebat meneat he, wokheti mene humbunhogo fisogo welagen andi nen he, hobuk mondok hokhorogo fisogo logoinogeluk, menhobagambik wokhesigin o. An hoe nendawimo nagaiyek hikhi lagi andi hak, nemberegat ninendawimo ninagaiyek houwogeluk, kwi me o,” iluk yagatikhe.

MATIUS 25:23

at oe a'nogo nen he, ”Nagot wa! Fano mondok. Hat hobabut humbun andi nen he, higithogo hilingiti lagenma higi o. Endebat wokheti mene, hobabut humbunhogo fisogo welagen andi nen he, hobuk mondok hokhorogo fisogo logoinogen iluk, menhobagambik wokhesigin o. An hoe nendawimo nagaiyek hikhi lagi andi hak nemberegat ninendawimo ninagaiyek huogen he, kwi me o,” iluk yagatikhe.

LUKAS 12:42

at ninoe Enupogot Yesus nen he, mel yagatikhe: ”Ap kain mene ekhe againafuri yerinarek logolik inamburu nogoin mene wogisogoin higithogo wogisikhi logouwageluk, at amingmingengge mene ayonggo fugunem endawimo kagalek logolik obabut oe ane igin mene higithogo hilingiterek andi sa hangge anggegen. At andi oe andi nen, menfuluk lagarego.

1 KORINTUS 4:1

Hiren nit faget he, ”It inebe Kristus amingmingengge logolik, Allah endawimo anggikherek awene afuni kweangma inonggot kwe yagaisilik nikharek mene o,” iluk futninobagakhi logoino.

1 KORINTUS 4:17

Hit an nobabut wanubagaigen iluk, namlogo Timotius, nonggwaregen tati mene hak ebe nendawi mene hinoba lakfei wagi andi. Athe, ninoe Enupogot emberek hundik logolik, at faget obabut lenurogo hilingiterek mene hinoba wesimbik he, mel yagahisagain: ”At Paulus Kristus emberek hundik logolik, it Allah againafuri o yi awi ti awi andogotarek mene at onggwarek hilingiterek mene obabut wanuageluk, yi'nogo yagaisikherek,” iluk hinendawimo wenggelogo yagahisa wesigin o.

1 KORINTUS 4:3

Mene re, an nen a'nogo hilingitunem, hiren he a? It ekhe nen he a, ikhi logolik, ”At higit hilingiri'logo he a? Weak hilingiri'logo he a,” iluk nanema wo'neogoin he, elo'lek anggikhi lagi. Nen, an nonggwaregen igin ogo re, elo'legaro.

1 KORINTUS 7:25

Wene helime yenggerugwi silerik mene faget he, ”Yi'nogo hilingiti logoino,” iluk ninoe Enupogoren komotninafi'lek meneat he, wene an nendawimo anggikhi lagi mene yi yagahisak. Nane yagahisagain yi re, hit hinendawimo nen he, ”Allah nen Paulus ebe endawi nen wanhikhemo obabut humbun mene nen yaganisikhe andi eberogoat,” iluk hinendawimo anggano o.

2 KORINTUS 2:17

It afuni ekhe inebe hokhorogoaren he, yi mene ti mene onggo ha awarik lagaikharek hak, Allah ane a'nogoat waluk lagaikharek. Meneat he, nit enek he, a'nogo lek. We, Allah nen, at ane waluk loageluk ninayonggo fesikhe andi nen, at eilhanemat ninendawinggen misigat Kristus ninom hundigat logolik, yagaisilik laga lago o.

2 KORINTUS 4:2

Nit he, afuni nen yi mene ti mene hinagaisogo weak hilingitaresik inenggali agarek andi mene herakfisasugu. A'nogo herakfisaluk, afuni lalinafik, Allah ane wene ekhe mene oba mangorogo yagaisigik, ogorek lek. Afuni yoma inendawimo lombogen futninobagauwageluk he, wene ebe wene Allah eilhanem fakhogoat yagaisilik nikhi lago.

KOLOSE 1:7

Fano wene andi, at Epafras ninagailak ninendawi mene nen yagahisugunem yanggulhigip andi. At ebere, Allah amingmingengge nit ninom higirat logolik, Kristus nen ayonggo fuluk, lakfei wagaikhemo, niren yagahisa hak ninobali'mo obabut humbunhogo logolik yagahisili'logo andi.

KOLOSE 4:17

At Arkhipus a'nogo wene mel iluk yaga'no: ”Ninoe Enupogoren yabu at faget yi'nogo hilingi'no iluk hayonggo fikhe mene andi, wurep kobokhogo hilingi'no,” iluk yaga'no.

KOLOSE 4:7

At Tikhikus ninagot ninendawi mene, nit ninomat ninoe Enupogot amingmingengge logolik, at faget obabut hombunhogo hilingiterek mene nen wene an nabok hobuk yagahisa wesigin a'naga o.