1 KORINTUS 3:9 - Allah Wene Fano Wene Hupla Inane

⁹ Hit hinebe andi Allah eabu hak were'ma re, nit nemberegen Allah wokfisikhi lago. Ekhe re, hinebe Allah awi hak were'ma re, nemberegen Allah awi wurogo fisikhi lagoat.

1 KORINTUS 3:9 ပူးပေါင်းရင်းမြစ်များ

MAZMUR 118:22

It ap o helep meneba wuti logolik, helep yi weago, iluk herakfisaga mene a'nogo, obuleat ya'laga o.

MAZMUR 72:16

Aren ferinarek werekwe o ekhema-ekhema mondogat andoma gandum mondok sik-pikhogo saga ilik laga logouwak, nen o tomkwe mondogat he, yi mene ti mene yago mene enggen mondok hokhorogo iti logouwagat, Kweang he, o Libanon kweang muli fano andem higit enek hilingik logouwak, afuni o kota andoma welagaikharek menere engga o leikwe welagarek andi hangge sik-pikhogo hilinglarik logouwagat.

AMSAL 9:1

Ap endawinggen kagalek mene andi nen awi wuti logolik e langoak he ebe 7 nen liagaisogo wutikhe.

YESAYA 61:11

Enggen feik lakfugunem inenggi nen yago mene hangge fulelherek andi hak, nineisena Tuhan Allah nen nit ninebe telninabigin mene a'nogo ninomamet ninafunem, afuni inunggulenu lombok inebe mondogaren Allah fogerasugun o,” iluk ikhe o, isikhe.

YESAYA 61:3

it afuni o Sion werek mene inendawimo heiselhu welagik, fong watu welagik agarek mene omanogo inoba, hobuk inendawimo inagaiyek hikhi logouwagaluk fanorinafik, ”Ninggi'nogo hilingisugun he,” iluk inobakheindok palagarek mene andi, inendawimo fanorinafunem Allah awuniba fogerati logogun wene yagaisigik, uagaluk laknobai waga aro. It a'nogo yagaisamo, inebe re e Tuhan onggwarek enggi nen awi yate mene hangge logogun. A'nogo logolik, fano hilingitik, higithogo hilingitik, ugunem, Tuhan mondok legeisogo fikhi logogun.

YESAYA 61:5

Nagainafuri hit An nunggulenu mene yoma sani, afuni inunggulenu hunogo mene nen hit lebethisikhi logolik he, hinanggo kambing inom, domba inom, yonggo palek nugu kwelek konhik, hit hineabu wanhik, anggur yabu waganogo hinobagagik, ikhi logogun o.

YEREMIA 2:21

Hat hebe re An nen anggur awi yatarek higit, enggen ebe mene fologo fakhigirik yakhigi mene welagen. Oba nen he yogondak hat he enggen awi amu tang mene wuliferek andi hangge agameten andi.

MATIUS 15:13

A'nogo yagatukwama at Yesus nen he, ”Yi mene ti mene an neisena pogoroba mene nen awi yati'lek mene halok he, mondogat henegeisogo lakfisagain aro.

MATIUS 16:18

Nen, ekhe inom yagahesik. Hat henu helep u hak Petrus o. Nen, helep isa yiba himbirogo re, an nagoromi andogorogo fisaluk o hak wurogo inobagagi halok he, at kweang a'ma eisewerek a'nogo nen ninghogo ferinarek logogin lego.

MATIUS 9:37

Endawirinafikhesik he, at agoromi ane wanhi lagaukwa mene omanogo mel yagaisasikhe: ”Enggen ugu hokhorogo werek meneat he, afuni enggen ebe palugun mene inebe endebaro.

MARKUS 16:20

A'nogo waluk lagasikhemo re, at Yesus agoromi omanogo o yi awi ti awi mondogat wene yagaisilik lagaukwa. Wene yagaisilik lagunem he, afuni nen he, ”It wene yaganisilik wagaikha andi eberogoat,” iluk futfouwageluk, ninoe Enupogot inom hundik logolik iren elalin mene hilingiti logouwageluk Aren wene andi omamet fesikhe.]

KISAH PARA RASUL 4:11

Attagat Allah aneba lisu mel iluk palogo fesukwa: Hit o helep mene wuti logolik, Helep yi weago, iluk herakfisegep meneat he, ubuleat ya'laga yi, iluk Yesus fagerat, lisu palogo fesukwa andi.

1 KORINTUS 3:16

Nit ninebe Allah awi wurigat, iluk he, hinonggot nogo? Allah Areagun ninendawimo awi wurogo welagarek, iluk he, hinonggorat nogo?

1 KORINTUS 3:6

Wene andi, sumburu awi yatarek hak, an nen yati. Nen, at Apolos nen he, i kweisalhe. Nen, ebe re, at Allah nenat hokhoet fesikhe.

1 KORINTUS 6:19

Hiren he, ”Allah nen, Areagun wo'nisasikhemo, ninebe at awi wurik welago,” iluk he, hinonggot nogo? Hinebe hinonggwarek eisewerek fuk. Allah eisewerego.

2 KORINTUS 6:1

At Allah nen he, mel isikhemo lisu palogo fesukwama werek: ”An nen, hit hinane nesanggo holigin anggigibaat holhi o. Hinebe telhinabigin higithogoat lebethisa wagi o,” iluk isikhe andi re, Allah nen ninane esanggo holigin he, o yogondak ya aro. Nen, ninebe telninabigin he, o yogondak ya aro, iluk hinendawimo ebe'nio. Halok he, nit Allah ninom at faget hilingiti logolik he, at obabut fano nen endawithinafikhemo, at ebe wanhigip a'nogo, we tulemat alomatubo, iluk komothinafi lago andi.

2 KORINTUS 6:16

At Allah awi wurik andi inom, tugwi kembu awi wurik inom, inom misi'mo lambuget fogoin nogo? At Allah eluk mondok welagarek mene awi wurik he, nit ninebe yiaro. Aren he, mel isikhe: ”It inendawimo an nawi wurogo logogin o. An nen it ninom logogin. It ineisena Allah anat logogin o. Nen, an nagainafuri irat logogun o,” iluk isikhe andi nen he,

EFESUS 2:10

Arenat fano hilingisogo ninobagasikhemo welago. Andi re, nit Kristus ninom hundik logolik, yi mene ti mene fano men nek hilingiti logouwageluk, ninobabut ket hunogoat elalninafikhe andi re, ebe Kristus Yesus nenat elalninafikhemo welago.

KOLOSE 2:7

e omanggen kweangma ninghogo yaterek andi hak, hinomanggen Yesus oba ninghogo yakfuluk logolik he, o anduli ninghogo pelakfuluk o ebe amboloba wutarek hak, hinendawinggen Kristus oba himbiret fesigip mene a'nogo, hinenggi pukhogo fisogo logolik, Allah hai wato mondok logoino o.

IBRANI 3:6

Meneat he, at Yesus enek he, Allah ebe amlogo andi nen he, at eiseweregenat hilingiterek. Nit fanotninabigin wene andi faget ninendawinggen ninghogo oba himbirik mondok logogun halok he, Allah awi wurik andi, nit ninebe aro.

1 PETRUS 2:5

A'nogo fesikhemo, hit hinebe helep eluk welagarek andi mene hangge logolik, at oba we'nio. At oba wagunem, Allah nen he, at onggwarek awi wurogo hinobagauwak. At awi wuri'mo, hinebe Allah eiseweregat Yesus Kristus hinom hundik logolik, Allah endawimo fanorogo anggo wareti logou hak, hinendawinggen wogeti logoino o.

3 YOHANES 1:8

It andi ebe wene Allah ane a'nogo faget hilingiri'lagwi andi, nit ninomenat hilingisu hak hilingiti logouwagen, leberisikhi logouwogaro.