1 KORINTUS 2:4 - Allah Wene Fano Wene Hupla Inane

⁴ A'nogo logolik he, afuni inawene an nendawinggen kagalegen, nane fano nen, ninghogo yagahisasigi lego. We, at Allah Areagun omameba yagahisasigimo, ebe agaikhemo re hineilenggen hasigip.

1 KORINTUS 2:4 ပူးပေါင်းရင်းမြစ်များ

AMSAL 20:19

Ap ekhe nen it ekhe inabok palhu aple inagaiyek werek mene nen he wene ekhe hinago mene sebel fou lek hak, ma re, ap ane hokhorogo yugunat ikherek mene inom he sebesu fuk.

AMSAL 7:21

At he andi eranen meneat he, ane amusu hilingik oba ap alage mene a'nogo endawinggen waganogo re, arat lalhe andi.

YEREMIA 20:10

It afuni ekhekwe-ekhekwe mondogat inane nguluk habuk ikhi logolik, ”Yikwe tikwe mondogat youk kwelaklagama inailo nek agasik inoak leigeri'lagwi o! Niren at ari faget ap inalong werek inap inoba yagaisa louwogo!” iluk ili'lagwi. Nen, it an ninom fano hundik welago mene nen ogore, at ki sambul weak hilingisigin iluk nenangot nafu weregat. Iren ikhi logolik, ”Niren nina'mage lagagunem sebelhikhi lago mene oma faget ambisangma at oba ogo hilingfogoin o, oba nen he niren at endawinggen wanimbik hilingisugun oba nek he, elok mabenet fogoin o,” iluk ili'lagwi.

YEHEZKIEL 13:6

Inabi wokhagarek hak hikhi lago iluk agarek mene inom, yi'nogo ti'nogo asigin iluk agarek mene inom, andoma re ebe lek kwelek ineranhogo wene ili'lagwi. Iren ikhi logolik he An nen ikhe mene iluk agarek oba nen he An nen it lakfisa waga lagi re fuk. A'nogo hilingik kwelek oba nen he iren yi'nogo ti'nogo asigin iluk agarek mene omanogo inendawimo eberek mondok werek andoma re ninggi'nogo asu hak nogo?

KISAH PARA RASUL 26:28

A'nogo yagatikhemo, at Agripa nen he, ”An nebe yogondak ya weak-weagat Kristen mene asuageluk, haren hilingnabigin iluk anggikhi lagen a? Elo'lego,” iluk yagatikhe.

ROMA 15:13

”Hobuk fano asigin,” iluk ninendawimo ninagaiyek hogorek andi, ero at Allah nenat hilingninaferek. Hit a'nogo hinendawimo agaiyek hokhorogo hikhi logouwageluk Allah Areagun omameba hilinghinabuak. A'nogo hilinghinabuagen he, hinendawinggen at oba himbiret fesigip andiba himbiret fuluk were'ma, aren hinendawimo agaiyek hokhorogo hikhi logouwageluk hilinghinafik, hinendawinggen hambugethinafik, uago.

ROMA 15:19

At ebe futfouwageluk Allah Areagun omameba elalin mene nikhogo hilingitik, inailo asu mene hilingitik, hilingitu kwelek he, an he, o Yerusalem andoma nen lagakhogo pikhit o Ilirikum andoma, at Kristus awene fano wene andi furogo yagaisaluk wagi.

ROMA 16:18

It andi re, ninoe Enupogot Kristus awe a'ma logolik, at faget hilingiri'lagwi fuk. We, inonggwarek inendawimo inamolo mene hilingiri'lagwi o. A'nogo hilingiti logolik, inane fano igik, liokhogo igik, ikhi logolik he, it afuni ekhe inobabut, ”I o,” nek agarek mene andi lalinabi'lagwi andi.

1 KORINTUS 1:17

At Kristus nen he, an nen afuni ima pelaginafi logouwageluk laknobagai wagaikhe fuk. Lego. We, Allah ane fano wene andi yagaisilik nikhi logouwageluk laknobagai wagaikhe o. At ebe eba menfuluk watukwa a'nogo alomat lasinogo iluk he, an afuni inawene mene kagalogo agarek andi hangge ikhi logouwageluk laknobagai wagaikhe lego.

1 KORINTUS 2:1

Nerugwi nagaila'lak. Allah ane andi endawimo hinago were'ma, afuni kweangma mene nen inonggot mene andi, an nen fakhogo yagahisa wagagi andi re, an nane fano igiregen, nendawinggen kagalegen, yagahisa wagagi lego.

1 KORINTUS 2:13

At Areagun helasugusik he, Allah obabut fano nen wo'nisikherek wene andi, afuni Allah Areagun inendawimo werek mene yagaisoageluk he, afuni inendawimo kagalek mene nen yaganisugunem yagaisikhi lago fuk. We, Allah Areagun en yaganisugunem yagaisogorego.

1 KORINTUS 4:20

Andi re, ”Allah awe a'ma welago,” iluk, inaneba ugun halok, enegat agarek fuk. We, inomamerogo hilingiti logogun halok enegat agarego.

2 KORINTUS 6:6

A'nogo hikhi logoligat he, ninobabut weak hilingiti'lek tegelek logolik, fano wene ninelu welagik, ninafe morogo welagik, ninobabut enago welagik, ikhi lago. At Allah Areagun ninendawimo logolik afuni inebe eberogoat ninendawirogo welago.

GALATIA 1:10

An nane igi andi re, afuni nen, ”Hat fano egen,” iluk yaganesuageluk ikhi lagi a? Athe, Allah nen, ”Hat fano egen,” iluk, yaganesuageluk ikhi lagi a. Afuni inendawimo fanorogo ikhi lagi halok he, an nebe Kristus amingmingengge igin legaro. Mene re, an Allah endawimo fanorogo ikhi lagi o.

KOLOSE 2:4

It ekhe ineranhogo meneat he, inane eberogo wene hak lalhinabinogo iluk yagahisigi andi.

1 TESALONIKA 1:5

Nit fano wene waluk yagahisa wagagu a'nogo re, ninaneba nek yagahisikhi lagagu fuk. We, Allah Areagun a'nogo ninendawimo logolik, omamerogo lebetnisugu kwelek, ninendawimo nen: ”Wene yi eberogoat,” iluk ninendawinggenma futfesugusigenat yagahisikhi lagagu andi. Nit o andoma ninom logolik, hit fagerat hilingiti lagagu a'nogo hineluaro.

1 PETRUS 1:12

Heinok wanhunem, at Allah nen he, ”Wene andi re, hit hinonggwarek faget he, lego. It hobuk oan mene faget hilingiti lagebo,” iluk hit fagerat isikhe. A'nogo yagaisasikhesik welagaikhesigen, hobuk Allah Areagun pogoroba nen pelakfei wagaikhemo, it ap fano wene Yesus Kristus hilingitikhe wene a'nogo yagahisoageluk hinanggele'ma logolik yogondak fakhogo yagahisili'lagwi ebe andi faget ikhi lagaukwa andi. Wene andi, it malaikat Allah nen yonggo pelakfisa wagarek mene omanogo nen he, ”Eige, nit wene andi furogo ninelu a'lo e,” iluk anggagarek.

2 PETRUS 1:16

Ninoe Enupogot Yesus Kristus omame hokho a'nogo ebe wagaikhe mene faget hinelurogo yagahisikhi lago andi re, suetninung afuni inendawimo kagalogo pilingitarek mene andi oba lirogo yagahisikhi lago lego. We, at ebe Enupogot mene wagaikhemo, ninonggwarek nineilenggen tomok hasugu mene nen yagahisikhi lago o.

2 PETRUS 2:18

Afuni ekhe inerugwi inagaila'lak weagat hilingitu kwelek he, herakfisaluk wulibi wesuogeluk ugunem, inendawinggen en nunggunem hobuk weak hilingisuageluk, it ap andi inonggwarek fogerakhikhi logolik we ineranen tulemat inendawimo kagalhi logogun.

HAKIM–HAKIM 14:15

A'nogo hilinglagaikhemo, inenggi ekhe 4 meneba re, Simson agwe a'nogo mel yagatukwa: ”Hat hagun nen wene andi onggo ebe yaganisoagen he, endawimo kagalin o. Haren yagati'lek kamo egen halok he, hat hebe inom, afuni heisena aiba welagaikharek mene mondogat inom, hinebe mondogat endu fagaisogo hinoasugun o. Haren ninayonggo fegen andi re nit mene ninangge yi mene ti mene mondogat legasuageluk hiligiten ma heogo o!” iluk yagatukwa.

HAKIM–HAKIM 16:5

A'nogo nasikhemo re, ap Filistin mene inogogwi kaindek inebe fuaben mene he a'nogo ambit lagaukwasik yagati logolik, ”Simson nen he, an yi'nogoba nen nomame agarik hilingiti lagi o. Enggere yi'nogo hilingnabumo nek he nomame lek asu hago, iluk ikhenggere, wene hinago mene andi yagahesuak hogore endawimo kagali lano. A'nogo yagasigin andiba re, niren ebe wasuogeluk he higit senesi wesugun. Haren a'nogo hilingisigin halok he nit ninebe lombogen he uang perak hokho mene 1.100 nen hat wokhesugun,” iluk yagatukwa.