Poloni Rom Imboma Pipia Topa Mundurumu Ungumu 13:9 - Imbongu

⁹ Gotenga ungu mane Mosesini yando nimbe tirimu peremo ungu manema i tepa: Ambo iyema wapu ulu kerinale naa teaio. Imboma toko naa kondaio Melema wapu naa lieio. Imbo lupemanga melema kanoko kumu naa meaio kanomu. Aku ungu manema kinye ungu mane lupema pali kinye lipo popo tipo nimilindo, Eno enongano te te ningo konopu mondoko kondo kolko nokoromele mele aku tekola imboma konopu mondoko nokoko molaio, (Kis 20:13-15,17; Lo 5:17-19,21) aku ungu mane peremomu nimolo.

Poloni Rom Imboma Pipia Topa Mundurumu Ungumu 13:9 ပူးပေါင်းရင်းမြစ်များ

Matyu 22:39

Talo tipe ungu manemu tendeku tipe mele. Akumu i tepa: Eno te te ningoni enongano konopu mondoko kondo kolko nokoromele mele aku tekola imboma kondo kolko konopu mondoko nokoko molaio, (WKP 19:18) nimbe peremo.

Gotenga Ungu Tukumemu 10:19

Nu Gotenga mane unguma pino kano, akuma i tepa: Nu imbo te toko naa kondowi. Nu ambo iye kinye wapu langi naa nowi. Nu wapu naa nowi. Nuni imbo te kot kolo tondoko naa tendewi. Nu imbo te kolo toko tiko yunge noimbelo melema wapu naa liwi. Nunge aminye lanie talonga imbi ningo pala munduko ningele ungumu tenge piliwi,” nimu.

Gotenga Ungu Tukumemu 12:31

Ungu talo tipemu i tepa, Nunge nunu konopu mondorono mele imbo wema aku teko konopu mondowi. (Lo 6:4-5 WKP 19:18) Imunga we Goteni teaio nimu unguma i ungu talonga maindo oromo,” nimu.

Lukuni Ungu Tukumemu Topa Panjirimumu 10:27

Yuni topondopa nimbei, “Gotenga ungu manemani nimbei, Enonga konopumuni kinye minimuni kinye kangimunga enge peremomuni kinye lipe manjilimu kinye kanomani pali enonga Awili Gote kau enge ningo konopu mondaio! Enoni enono yu mele mele konopu mondoko kondo kolko nokoromele mele aku tekola pulu lemo imboma konopu mondoko nokoko molaio, (Lo 6:5, WKP 19:18) nimbe peremo,” nimu.

Lukuni Ungu Tukumemu Topa Panjirimumu 18:20

Nu Gotenga ungu manema Mosesini yando tirimuma pino kano. Moses yuni nimbei, ‘Ambo iye pulima molo iye ambo lilimani imbo lupema kinye wapu langi naa nangei nimbe, imbo toko naa kondangei nimbe, melema wapu naa liengei nimbe, imbo lupemando kolo toko kot naa tendangei nimbe, eno aminyeli lanielinga ungu tenge tiko molangei,’ nimbe aku ungu mane tirimuma peremo kanomu,” nimu.

Galesia 5:13

Jisasini eno nanga Kristen imbo ango kame waio nimbe kanopa lipelie eno ka kongonomunga wendo limbo nimu mele paa terimu. Kinye aku mane ungumuni eno ulu kerima naa teaio nimbe naa nokoromomunga eno manda teamili ningolio kika tiko ulu pulu kerimunga tuku naa paio. Aku molo. Nalo eno enongano nendo yando kondo kolko tapoko kongonomu teaio.