Matyu 6:13 - Imbongu

¹³ Lino manda manjili uluma ombalo wali tiye naa kolowi. Iye kerimunga kina wendo liwi. Nu linonga iye nomi penga pa telina morono. Molorunu mele molko kau puruno. I paa. ningo aku teko Gote kinye nengei.

Matyu 6:13 ပူးပေါင်းရင်းမြစ်များ

Matyu 26:41

Kuromanga nomi Sataneni lino kondi tombalo kinye tepo kenjimolo kani ningolio uru naa peko Gote kinye ungu ningo kanoko kondoko molaio. Paimbo tepo kondamili nimbo konopumani pimolo nalo temilindo kangimu tiye tepa enge naa peremo,” nimu.

Matyu 28:20

enondo na kitipi kanolimani teangei nindu mele pali aku uluma teangei ningo eno mane tieio. Aku teko nilko andoko molonge kinye na eno kinye waliwalima paimbo molamboi mulu mai talo pora nimbelo,” nimu. Aku peya.

Matyu 5:37

Ulu te paimbo tenio lemo tumbi tiko tembo niwi. Naa tenio lemo naa tembo niwi. Ulu kerimanga pali ulu pulumu peremo kuromuni amboromo imbomani kau ungu tule teko niliko pungo mi ltemele,” nimu.

Matyu 6:10

Mulu kombu nokorono mele mai kombu aku teko nokowi. Mulu kombu ungu tenge peremo, mai kombu aku teko tenge pepili.

Ungu Tukumemu Jononi Torumu 17:15

Eno mai kombuna wendo liwi nimbo konge naa tendero. Nalo ya maina iltonga kongono tendeko molonge wali iye keri Sataneni eno kondi topa tepa naa kenjipili ningo nokowi nimbo enonga nimbo konge tendero.

1 Korin 10:13

Eno tepa maindo mundumbei teremo manda manjili ulu koinjo te oi wendo naa orumu. Ulu aku tepamani imboma pali manda manjirimo. Goteni nanga imboma tapombo nimu ungu ara tipelie manda manjili ulu teni eno tepa maindo mundumbei embambo tipili ungu naa nimbelo. Nalo ulu teni manda manjipe umbuni timbelo wali Goteni eno umbuni meangei enge tipelie tapombalo.

1 Korin 14:16

Konopuma mele tenga pupili ningolio minimuni Gote kapi ninio lemo da ulumu naa pileli imboreni ambe temona nunge Gotendo paa tereno nino ungumundo paa nino nimbeloya? Nino ungu naa pilipelie panino ungu manda naa nimbelo.

2 Korin 1:20

Goteni tembo nimbe mi lepa nimbe panjirimu kano uluma paimbo tepa moro tondombalo iyemu Kraist yu. Aku tepa moromomunga Gotenga ungumu paimbo tembalo nimbolio Gotenga imbi nimbo pala mundurumolo.

Galesia 1:4

Jisasi Kraistini lino ulu pulu keri teli imboma tepo koinjo limbo nimbelie kolorumu. Aku tepalie lino ya i mai kombumunga ulu pulu kerimanga wendo ltimu. Jisasini aku terimu ulumu linonga Ara Goteni tepili konopu lerimu mele lombilipe terimu.

1 Tesalonaika 1:10

yunge Malo mulu kombumu tiye kolopa altopa ombalo ningo konopu tiko nokoko molongei Gote paimbomu molorumuna puringi mele temanemu toko tirimele. Aku Malomu kolorumu kinye Gote paimbo kanomuni topa makinjirimu iyemu akumu Jisas. Lino yunge imboma lipe tapondoromomunga Gote altopa imboma mumindili kolombalo waimu wendo ombalo kinye lino ulure naa pembalo, lino molopo kondomolo.

2 Tesalonaika 3:3

Nalo Awilimuni ulu tukumemu teremo kani lino yu manda ipuki tirimolo. Kuro kerimanga nomi Sataneni eno kinye ulu te naa tepili nimbe eno enge tipe nokombalo.

1 Timoti 1:17

Waliwalima molopa kau puli iye nomi kingimu molopa, kolopa naa kolombalo iyemu molopa, imbo teni naa karomo iyemu molopa, yu tendekumu kau paimbo Gote molopa, aku tepa moromo Gote yu kau imbi ola molopa enge pepa, enge nimbe pa tepa, aku tepa molopa kau pupili! Aku tepa kau nemili! I paa.

Hibru 11:36

Mare ungu taka tondoko ka pulteni enge ningo toko, mare ka seneni ka toko ka ulkena panjiringi.

1 Pita 5:8

Laion engele kolopalie kongi te topa nombaindo andoromo mele aku tepa enonga opa pule kuromanga nomi Sataneni na imboma ambolopo tepo kenjembo nimbe aku tembaindo andopa moromo kani eno imbo konopu pepili molko, waliwalima kanoko kondoko molaio.

2 Pita 2:9

Awilimuni teko kenjiringi imboma kinye imbo tumbi nilima kinye paimbo aku tepa mele terimu lemo yuni yunge ungumu pilko liko ulu pengama teremele imboma kinye umbuni wendo oromo wali yuni umbuni naa opili nimbe manda wendo limbelo mele yunu pilipe, ulu tumbi nilima naa teko, teko kenjirimele imboma kot walimu wendo ombalo kinye pundu tombalo mele yunu pilipe, aku walimu wendo ombaindo, kinye kape aku imboma mindili tipe moromo.

1 Jon 3:8

Oi pulu polopa kape, kinye kape kuromanga nomi Sataneni ulu pulu kerima kau teremomunga kinye ulu pulu keri teremele imboma Satanenga imboma moromele. Gotenga Maloni Satanenga kongonomu tepa bembo timbei orumu.

Nimbe Para Tilimu 1:18

Na Koinjo Mololimu. Oi paimbo koloru nalo kanowi, kinye na kamukumu koinjo molopo kau puro. Na kololi ulu pulumu kinye kololi imbomanga kombu kerimu talonga ulke ki mele amboro.

Nimbe Para Tilimu 19:1

Aku uluma pora nimu wali altopo pileru kinye mulu kombuna imbo awini ungu nimele mele ungu te wendo orumuna pileru. Akumani alako tokolio ningei, “Goteni uluma pali paimbo tumbi tipe moke tepalie teremo. Imbi paa ola mololi apureli ambomu yuni apureli toli uluma terimumuni mai kombuna imboma molko kenjingei nimumunga aku ulu terimuma Goteni pilipe moke tepa apurupe yu mindili nopili nimu. Aku ambomuni Gotenga kendemandema topa kondorumu akumanga mememanga Goteni pundu tondopa mindili tirimu akumunga yu kapi nimbo imbi lipo ola mundemili! Mindili noromulu aulkena lipe tapondopa wendo ltimo ulumu yu kinye pepa, yunge imbi paa olandopa molopa, pa enge nilimu yu kinye pepa, yu melema pali nokombalo imbimu kinye engemu talo peremo iyemu,” ningo akume ningi.

Nimbe Para Tilimu 19:4

Iye nomi 24 kinye, mele koinjo mololi kite kinye, enoni iye nomi king polona moromo Gotenga kumbe kerena mainye pungo tamalu peko, yu kapi ningo imbi liko ola mundukolio ningei, “Aku tepa tepili! Gote kapi nimbo imbi lipo ola mundemili!” ningi.

Nimbe Para Tilimu 2:10

Eno mindili nonge mele liko manjikolio mini naa lteaio! Sataneni eno imbomanga mare Na tiye kolangei nimbe ka ulkena panjimbelo kano kinye wali 10 eno mindili nonge. Altoko na tiye naa kolko nanga imboma molkolio kamukumu kolonge lemo nani eno mele penga pundu topo tiembo nimbo wali walima molko kondoko kau punge ulu pulumu timbo.

Nimbe Para Tilimu 21:4

Yuni enonga mongona kola peremoma kulu tondombalo. Oi uluma pora nimuna imboma altoko naa kolko, kola naa teko, kola ulke naa molko, mindili naa nonge,” nimu.

Nimbe Para Tilimu 3:10

Nani nu enge ningo nanga unguma tiye naa kolowi niumu aku ulu teko moronomunga ulu umbunima kombumanga pali wendo ombalo wali nani nu tiye naa kolombo. Aku umbunima nu kinye wendo naa ombalo.

Nimbe Para Tilimu 3:14

“Kombu Laodisia Kraistinga talapemunga enselemundo i teko pipia toko munduwi. Na ungu paimboma kau peremo iyemu, Gotenga unguma kolo naa topo tumbi tipo kau nimbo tiro iyemu, Goteni mele terimumanga pali Pulu Iye, akumuni i unguma nunge nimbo munduro.

Nimbe Para Tilimu 5:13

Kano kinye mulu kombuna moromele melema kape, maina moromele melema kape, maina tukundo moromele melema kape, nomu kutana moromele melema kape, kombumanga pali moromele melemani ningi ungu pileru. Enoni ningei: “Iye nomi king polona moromo iyemu kinye Sipsip Walomu kinye elo molko kondangili nimbo waliwalima kapi nimbo imbimu paa olandopa molopa, enge pa telimu kinye imboma nokombalo engemu kinye kamukumu elo kinye pepa kau purumo,” ningo kunana aku teko ningi.