Matyu 26:52 - Imbongu

⁵² Aku ulu terimuna kanopalie Jisasini yundo nimbei, “Nunge loi gelea te altoko lakona panjiwi! Loi gelea te liko imbo tonge imboma loi geleani toko kondonge.

Matyu 26:52 ပူးပေါင်းရင်းမြစ်များ

Matyu 5:39

Nalo kinye nani eno i nimboi tero. Eno tepa kenjimbelo imbomu anjo ulure naa teko, we tepa kenjipili nengei. Imbo teni nunge kumbekere ekondonga larauwe tombalo kinye topele toko tekondonga kape larauwe tombai temo lemo topili tiye kolowi.

Poloni Rom Imboma Pipia Topa Mundurumu Ungumu 12:19

Nanga kanopa lili imboma, imbo mareni eno teko kenjinge wali enoni pundu naa taio. Goteni aku imboma kinye mumindili kolombalo ulumu yunge tembalo ningo tiye kolangei. Aku tepa mele Gotenga Bukuna ungu te moromo, akumu i tepa, Awilimuni nimbeindo, “Ulu teko kenjirimelemunga pundu toli kongonomu nanga kongonomu kau. Teko kenjirimelemunga nani nanu pundu topo mindili timbo,” nimo, (Lo 32:35) aku tepa moromo kani eno enongano ulu te naa teaio.

1 Tesalonaika 5:15

Imbo mareni eno teko kenjinge kinye aku uluma pundu toko nendo teko naa kenjeio. Waliwalima Gotenga imboma kinye we imboma kinye kondo kolko ulu pengama kau enge ningo teko molaio.

1 Pita 3:9

Yando eno kinye teko kenjinge wali nendo pundu naa taio! Yando iri toko ungu keri te ninge wali nendo pundu naa taio! Yando eno teko kenjinge wali nendo tepo kondopo lipo tapondamili ningo Goteni eno tepa kondopa, eno konopu tiko molko kondangei nipili ningo Gote enonga ningo konge tendangei. Aku ulu tenge lemo oi Goteni eno lipo tapondopo tepo kondambo waio nimu mele paa tembalo.

Nimbe Para Tilimu 13:10

Goteni imbo te ka ulke pepili nimo lemo aku imbomu ka ulkena pembalo. Goteni imbo te opa teli loi geleani toko kondangei nimo lemo aku teko loi geleani toko kondonge. Neya aku uluma wendo ombalo wali Gotenga imbomani yu ipuki tiko enge ningo angilengei.

Nimbe Para Tilimu 16:6

Ambe telka, aku imbomani nunge imboma kinye nunge ningo munduruno unguma imboma ningo tiringi imbo profetema kinye toko kondoringi wali meme omba purumumunga kinye enoni pundu toko meme nangei ningo tirino akumu enonga teko kenjiringimunga pundu tonio,” nimu.