Matyu 19:6 - Imbongu

⁶ Goteni aku tepa nimu kala iye te ambo te limo kinye kangi tendekumu mele morombelena elo altoko talo mele naa morombele, elo imbo tendekumu mele morombele. Imbo tendekumu morombele kani Goteni ambo iye talo tendekumu molangili nimomunga eno imbo teni ambo iye talo lupe lupe teangili ungu naa neio,” nimu.

Matyu 19:6 ပူးပေါင်းရင်းမြစ်များ

Matyu 19:5

nimbei, Aku tepo tendumunga iye teni ambo te lipelie yunge anumu lapa talo tiye kolopa yunge ambomu kinye elongalo tendekuna kopu teko kangi tendekumu mele molko konopu tendekuna pupili molongele, (Stt 1:27) nimu ungumu naa pilengeya?

Matyu 19:7

Aku tepa nimu kinye enoni ningei, “Aku lemo Mosesini ungu mane te tirimumu ambe telka tirimuya? Mosesini nimbei, Iye teni yunge ambomundo kamukumu pupili nimbe makorombaindo aku tepa pipia te topa ambomu tipelie manda tiye kolopili, (Stt 2:24) nimu kanomu,” ningi.

Gotenga Ungu Tukumemu 10:9

Akumunga Goteni lipe popo tirimo ulumu imbo teni lupe lupe pupili naa neio,” nimu.

Poloni Rom Imboma Pipia Topa Mundurumu Ungumu 7:2

Akumu i tepa mele: Ambo te iye purumomu yunge iyemu we koinjo moromo kinye ungu mane teni elo nokoromomunga ambomu wendo pumbelo aulkere naa ltemo. Nalo yunge iyemu kolombalo wali aku ungu manemuni yu naa nokoromo.

Efesus 5:28

Aku teko iyemani enonga kangima konopu mondokolio nokoromele mele enonga amboma konopu mondaio. Iye teni yunge ambomu konopu mondoromo akumu yu yunu konopu mondoromo mele. Imbo teni yunge kangimu kinye opa pule naa toromo. Kraistini yunge imbo talapemu nokopa kondoromo mele aku tepa imbo teni yunge kangimu nokopa kondoromo. Lino Kraistinga kimbo ki mongo melema moromolona lino yunge imbo talapemu aku tepa nokopa kondoromo. Ungu tendeku mele Gotenga Bukuna i tepa nimbe peremo: Goteni ambomu kinye iyemu talo terimumunga iye teni anumu lapa talo tiye kolopa yunge ambomu kinye pekolo elo kangi tendekumu mele molongele. (Stt 2:24)

Hibru 13:4

Ambo liko iye puli ulu pengamu. Gotenga kumbekerena kake tepa lepili ambo iyema enonga ambo liko iye purumelemu nokoko kondaio. Goteni i kano kano ulu teko apureli ambo iyema pundu kerimu tombo nimu ulu liko manjirimele.