Ungu Tukumemu Jononi Torumu 3:28 - Imbongu

²⁸ Nani eno oi nimbo tiru pileringi mele i tepa: Nani nimboindo, na iye Kraist molo, Goteni na oi kumbe lepa lipe mundurumu niu pileringi kanomu.

Ungu Tukumemu Jononi Torumu 3:28 ပူးပေါင်းရင်းမြစ်များ

Matyu 3:3

Kano iyemu oi naa molopili paa koro oi Gotenga profet iye Aisaiani ungu te nimbe tipe bukuna torumu. Kano ungumu i tepa, Imbo naa peli kombuna imbo tenga kerena ungu te nimbei, “Awilimu ombalo aulkemu teko wamoko tendaio. Yu ombalo aulke keloma teko tumbi tieio,” nimo. (Ais 40:11) Aisaiani Jononi paa altopa tembalo mele oi aku tepa nimbe panjipe buk torumu.

Lukuni Ungu Tukumemu Topa Panjirimumu 1:76

Nanga ungulu Jon, nuni Awilimunga kumbe leko pungo yu ombalo aulkemu akirindiniona pilkolio, imbomani altoko nundo Olandopa Moromo Gotenga nimbe munduli ungu nili iye profetemu morono ninge.

Ungu Tukumemu Jononi Torumu 1:20

Aku iye poko ongo yu waliko pileringi wali yuni kolo naa topa tumbi tipe nimbelie nimbei, “Goteni lino nokombalo iye te lipo mundumbo nimbe panjirimu iye Kraist na molo,” nimu.

Ungu Tukumemu Jononi Torumu 1:23

Jononi nimbei, “Gotenga profet iye Aisaiani koro oi nimbei, Imbo naa peli kombuna iye teni Awilimunga ombalo aulkemu tumbi tindiwi nimu, (Ais 40:3) nimu. Aisaiani oi pilerimu ungumu nani kinye nio,” nimbe Jononi nimu.

Ungu Tukumemu Jononi Torumu 1:25

Aku Farisi iyemani yundo waliko pilkolio ningeindo, “Nu iye Kraist molo, Elaija molo, ombalo ningi profetemu molola. Ambe temona imboma no ltindinoya?” ningi.

Ungu Tukumemu Jononi Torumu 1:27

Nalo yu iye paa kiyendomu. Na yunge kimbo su ka pilke topo kimbo su wendo ltindilimu lemo na iye penga. Nalo aku kongonomu na kame i tepa iyemuni manda naa tembo,” nimu.