Ungu Tukumemu Jononi Torumu 20:10 - Imbongu

¹⁰ Kanoko pora tikolio yu lombili andoli talo kelko ulkendo puringili.

Ungu Tukumemu Jononi Torumu 20:10 ပူးပေါင်းရင်းမြစ်များ

Lukuni Ungu Tukumemu Topa Panjirimumu 24:12

Aku konopu leringi nalo Pita ola angilipe ono kombu kou angana lkipe pumbelie, tapa lepa kanopa Jisas onomu kulupi toringi maminyema kau lerimu ulu kanopalie konopu awini lipe mundupe i ambe tepa ulure temonje konopu lepalie yando orumu.

Ungu Tukumemu Jononi Torumu 16:32

Pileio! Wali te wendo ombalo, molo, kano walimu oi wendo omo lemo, kano walimunga imbo lupemani eno toko bili bala tinge. Aku wali na nanu molambo ningo na tiye kolko eno yu mele mele kunduko ltenge. Nalo na nanu naa moro, Ara kinye kopu tepo morombolo.

Ungu Tukumemu Jononi Torumu 20:11

Ulke kombu Makdala ambo Maria Jisas lombili andoli iye talo kumbe leko puringili wali akilio lepa ombalie Jisas ono teringi kou anga kere puluna kola tepa angilerimu. Kola tepa angilipelie kou angana tukundo waka tepa kanorumu wali

Ungu Tukumemu Jononi Torumu 7:53

Imboma pali ulkendo bulu balu ningo puringi.