Ungu Tukumemu Jononi Torumu 17:4 - Imbongu

⁴ Nuni kongono na tirinu kanomu tepo pora tindumuni nu tepo imbi mondondu.

Ungu Tukumemu Jononi Torumu 17:4 ပူးပေါင်းရင်းမြစ်များ

Lukuni Ungu Tukumemu Topa Panjirimumu 22:37

Nani aku tepo ambe telka nio ungumu, nemboi! Oi imbomani nando ningo Gotenga bukuna toringi moromo mele kinye wendo ombai teremo mele i tepa: Yu kinye imbo mongo mongo kondoko ulu pulu keri teli imboma kinye liko tendeku tiko mako toringi, (Ais 53:12) ningi bukuna moromo kanomu,” nimu.

Ungu Tukumemu Jononi Torumu 12:28

Ara, nunge imbi ola pupili niwi,” nimu. Aku wali ungu te mulu kombuna wendo ombalie nimbeindo, “Nanga imbimu oi ola purumu. Pele kinye kamukumu ola pumbelo,” nimu.

Ungu Tukumemu Jononi Torumu 14:13

Na Maloni Ara imbi kapi nengei nimbolio nanga imbina konge tenge uluma pali tembo.

Ungu Tukumemu Jononi Torumu 14:31

Nalo maina imbomani pali na Ara konopu mondoro ningo pilengei nimbo Arani nando tewi nimu ungu manema pali pilipo lipo tembo,” nimu. Aku tepa nimbelie, “Manda nio kani kinye pamili waio,” nimu.

Ungu Tukumemu Jononi Torumu 15:10

Arani nando tewi nimo ungu manema lombilipo teromunga yunge konopu mondoli iyemu molopo puro mele enoni aku teko nani teaio nio ungu manema pilko liko tenge lemo aku ulu tengemunga nanga konopu mondoli imboma molko punge.

Ungu Tukumemu Jononi Torumu 19:28

Jisasini yunge kongonoma pali kinye pora nimo lipe manjipelie “Na no waleni kolto,” nimu. Aku ungu nimumu ungu te Gotenga Bukuna oi ningo panjiringi ungumu ara tirimu.

Ungu Tukumemu Jononi Torumu 19:30

Yuni nomu nombalie “Nanga kongonomu pora nimo,” nimu. Aku tepa nimbelie kinye kolambo nimbe yunge minimu puwi nimu wali nomi loki lerimu.

Ungu Tukumemu Jononi Torumu 4:34

Jisasini nimbei, “Nanga langi i tepa, Na kongono tepuwi nimbe lipe mundurumu iyemuni konopu mondoromo uluma tepo, yunge kongonomu tepo pora timbo. Akumu nanga langimu.

Ungu Tukumemu Jononi Torumu 5:36

Nalo Jononi na lipe tapondopa na molopo tero mele eno nimbe tirimu mele mainyendopa. Ulu te na molopo tero mele lipe tapondopa lipe ondoromo mele olandopa. Aku i tepa: Arani ulu enge nili teko pora tieni nimbe na tirimu ulu enge nili tero akumani na lipe tapondopa, Arani na puwi nimbe lipe mundurumu mele eno lipe ondoromo.

Ungu Tukumemu Jononi Torumu 9:3

Jisasini nimbei, “Iyemu yuni kape anumu lapa taloni kape ulu pulu keri te teringina yunge mongo keri naa lerimu. Gotenga ulu enge nili te i iyemu kinye mona wendo opili imboma pali kanangei nimbe i iyemu mongo keri lerimu.

Aposel 20:24

Nalo na molopo kondomboi mindili naa nombo, na naa kolombo nimbo kele topo ulu te manda naa tero. Iye Awili Jisasini nando yunge kolopa makilerimumunga Goteni imboma tepa limbelo unguma imbomando nipuwi nimbelie kongono tirimumu paa pora timboi. Aku konopumupe paa mandopo panjiro.

2 Timoti 4:7

Mele pengama liembo nimbo na enge nimbo keri kuru lipo lkiru. Lkiko pangei ningo owe toringina kamukumu pumbo pora tiro. Kraistinga unguma tiye naa kolopo enge nimbo pilipo lkiru.