Ungu Tukumemu Jononi Torumu 17:15 - Imbongu

¹⁵ Eno mai kombuna wendo liwi nimbo konge naa tendero. Nalo ya maina iltonga kongono tendeko molonge wali iye keri Sataneni eno kondi topa tepa naa kenjipili ningo nokowi nimbo enonga nimbo konge tendero.

Ungu Tukumemu Jononi Torumu 17:15 ပူးပေါင်းရင်းမြစ်များ

Matyu 5:37

Ulu te paimbo tenio lemo tumbi tiko tembo niwi. Naa tenio lemo naa tembo niwi. Ulu kerimanga pali ulu pulumu peremo kuromuni amboromo imbomani kau ungu tule teko niliko pungo mi ltemele,” nimu.

Matyu 6:13

Lino manda manjili uluma ombalo wali tiye naa kolowi. Iye kerimunga kina wendo liwi. Nu linonga iye nomi penga pa telina morono. Molorunu mele molko kau puruno. I paa. ningo aku teko Gote kinye nengei.

Lukuni Ungu Tukumemu Topa Panjirimumu 11:4

Imbomani lino teko kenjinge uluma tiye kolomolo mele linonga ulu kerima liko ltendewi. Lino manda manjili uluma ombalo wali tiye naa kolowi. Iye kerimunga kina wendo liwi, ningo aku teko neio!” nimu.

Lukuni Ungu Tukumemu Topa Panjirimumu 22:32

Nalo Saimon, nani Gote nunge konge tendepolio nimboi, Satan yuni nu aku tembalo wali Pita nuni na naa mundupe kelepa na ipuki tipe molopili nindu. Saimon, Satan alaye kolte pilko na munduko kelkolio, pele konopu topele toko na kelko ipuki tiko molkolio, angenalima enge tiwi,” nimu.

Galesia 1:4

Jisasi Kraistini lino ulu pulu keri teli imboma tepo koinjo limbo nimbelie kolorumu. Aku tepalie lino ya i mai kombumunga ulu pulu kerimanga wendo ltimu. Jisasini aku terimu ulumu linonga Ara Goteni tepili konopu lerimu mele lombilipe terimu.

2 Tesalonaika 3:3

Nalo Awilimuni ulu tukumemu teremo kani lino yu manda ipuki tirimolo. Kuro kerimanga nomi Sataneni eno kinye ulu te naa tepili nimbe eno enge tipe nokombalo.

2 Timoti 4:8

Aku tepo molorumunga kinye, ulu tendekumu kau we peremo. Owena kamukumu oromunga na mele pengamu noipe moromo, aku mele pengamu Awilimu, kot tumbi tipe pimo iyemuni nando nu iye tumbi nilimu nimbelie timbelo. Na kau molola. Yuni imbomanga kot pilipe moke tembalo walimunga na kinye yu ombalo mele paa kanamboa ningo nokoko moromele imboma kinye peya aku mele pengamu timbelo.

1 Jon 5:18

Lino pimolo kano: Gotenga bakulu moromele imboma ulu kerima teko naa moromele. Gotenga Maloni aku imboma nokopa kondoromona Sataneni aku imboma naa ambolopa karomo.

1 Jon 5:19

Lino pimolo kano: Gotenga bakuluma moromolo nalo i mai kombuna ltemo uluma pali Satanenga engena maindo ltemo.