Ungu Tukumemu Jononi Torumu 1:24 - Imbongu

²⁴ Ongo moloringi iyemanga Farisi iye mare moloringi.

Ungu Tukumemu Jononi Torumu 1:24 ပူးပေါင်းရင်းမြစ်များ

Matyu 23:26

Eno mongo keri leli Farisi iyema! Plet kapomanga tukundo kulumie tonge kinye tawendo kape kake tembalo.

Lukuni Ungu Tukumemu Topa Panjirimumu 11:53

Jisasini aku ungumu nimbe pora tipelie aku ulkemu tiye kolopa pumbei purumu wali yuni iri torumu iye Farisima kinye Gotenga ungumanga pulumu pilko mane tilima kinye enoni yu ungu ambelema, nimbe kenjimbelo wali yu kot tendemolo ningolio enoni ungu lupe lupe awini nendo tiko waliko pilkolio topondoko niwi ningo enge ningo ningi.

Lukuni Ungu Tukumemu Topa Panjirimumu 16:14

Jisasini aku tepa nimu ungu pilkolio Farisi iyema eno kou mone kape melema kape konopu paa pulumu mondoringimunga yu ungu nimumu liko tui tiko owe teringi wali

Lukuni Ungu Tukumemu Topa Panjirimumu 7:30

Nalo Farisi iyema kinye, Gotenga ungumanga pulumu pilko ningo tili iyema kinye, kano Juda Imboma nokoringi iyema enoni Goteni Jon naa mundurumu ningo pilkolio, Goteni imbomanga lipo tapondopo tendembo nimu ungumu pilko keri pilko umbulu tikolio altoko Jononi eno no naa ltindipili ningo no naa ltingi.

Ungu Tukumemu Jononi Torumu 1:23

Jononi nimbei, “Gotenga profet iye Aisaiani koro oi nimbei, Imbo naa peli kombuna iye teni Awilimunga ombalo aulkemu tumbi tindiwi nimu, (Ais 40:3) nimu. Aisaiani oi pilerimu ungumu nani kinye nio,” nimbe Jononi nimu.

Ungu Tukumemu Jononi Torumu 1:25

Aku Farisi iyemani yundo waliko pilkolio ningeindo, “Nu iye Kraist molo, Elaija molo, ombalo ningi profetemu molola. Ambe temona imboma no ltindinoya?” ningi.

Aposel 23:8

Aku mokemake leko ungu melenale teringi ungu pulumu i tepa, Sadyusi manga pupu akumuni ningei, “Imboma kolkolio wali altoko makilko koinjo naa molonge. Enselema kape kuroma kape minima kape naa moromele,” ningi. Nalo Farisi manga pupu akumuni i uluma pali ipuki tiringi.

Aposel 26:5

Lino Juda imbomanga Gote i tepo kau popo tamili ningo moromele manga pupu te Farisi, aku manga pupumunga na oi tuku moloru. Juda imbomani aku ulumu liko manjirimelemunga pange naa tendemolo konopu lenge lemo akumando ninge.