Hibru 3:8 - Imbongu

^8-9 oi enonga ara kaue kameni kombu ku lelina Goteni mumindili kolombalonje ningo ungu niuma paa naa pimolo ningo tui tiringi ulu naa teaio. Akuna poinye tu paono omba pupili eno kanoko molangei nani eno lipo tapondambo nimbo ulu enge nili mare teru, nalo kanokolio Goteni lino ulure tembalonje manda manjipo kanamili ningo nanga ungumu naa pilko tui tiko, nani eno nokambo ungu naa ningi.

Hibru 3:8 ပူးပေါင်းရင်းမြစ်များ

Matyu 13:15

I imbomanga konopuma paa pipi tirimo; ungu pilingeindo komu naa tendeko moromele. Eno mongo kumbuli moromele. Aku ulu teko moromelemunga naa kanoko naa pilko moromele. Aku uluma aku teko naa telemalanje enoni enonga mongoni kanoko uluma imbi tiko komuni pilko konopuna pilkolio konopu topele tolemala, kano kinye nani eno koinjo pangei nilka, nimbe Goteni nimu. (Ais 6:9-10) Aisaiani aku tepa nimu mele, kinye we imboma teko moromele.

Aposel 19:9

Nalo Juda imbo mare enonga oloma kou mele polopa nimu unguma pilko ipuki naa tiringi. Aku Juda imbomani Jisasinga imbomani Gote popo toromele ulu pulumanga ungu keri mare nindiringi. Imunga Pol kano imbo akuma tiye kolopa lombili andoli imboma lipe mepa Tiranusinga ungu ningo skul teringi ulkena purumu. Akuna Pol kano poinye talonga tukundo imboma waliwalimanga ungu nimbe tirimu. Aku tepalie, yunge kongono terimumunga langi mongo merimumu aku Esia kombu tukundo moloringi Juda imbo kape Grik imbo kape palimani Awili Jisasinga temanemu pileringi.

Aposel 7:36

Kano iye Mosesini imboma Isip kombu mepa wendo orumu. Eno Isip tukundo moloringi kinye kape nomu kondolina oringi kinye kape kombu ku lelina poinye 40 andoko moloringi kinye kape yuni ulu enge nili awini mare terimu.

1 Korin 10:9

Linonga Iye Awilimu manda tembalonje nimbo naa manda manjipo kanamili. Israel imbomanga lapali kolepale aku ulu teringima Goteni waimbe kerimani naio nimuna aku imboma nongo kondoringi.