Gotenga Ungu Tukumemu 9:39 - Imbongu

³⁹ Aku tepa nimu wali, Jisasini nimbei, “Enoni aku iyemundo molo ningo kelewi ungu naa neio. Imbo teni nanga imbina ulu wengendeli te tepalie, altopa nanga ungu kerima naa nindimbelo.

Gotenga Ungu Tukumemu 9:39 ပူးပေါင်းရင်းမြစ်များ

Gotenga Ungu Tukumemu 9:38

Aku tepa nimu wali, Jononi Jisasindo nimbei, “Ungu imbo iyemuya, linoni iye teni Jisas nunge imbina kuro kerima makoropa mundurumuna kanomolo. Aku wali, aku iyemu lino kinye tapu topa naa andorumu akumunga linoni aku tereno ulumu kelewi nimbo, molo nimolo,” nimu.

Gotenga Ungu Tukumemu 9:40

Pileio! Imbo te lino kinye opa pule naa tombalomu lemo, aku linonga imbomu.

1 Korin 12:3

Aku ulu kerimu oi teringimunga i nimboi tero ungumu wamongo liko manjeio. Eno imbo Mini Kake Teli tope tirimo teni Jisas bembo nipili ungu akumu naa nimbelo. Aku tepa Mini Kake Telimuni imbo te tope naa timo lemo aku imbomu Jisas yu Gote manda naa nimbelo.

1 Korin 9:27

Kinye kape opa pule iyemu kinye opa tero lepamo nimbolio nanga kangimu kele toro. Aku ambe telka, na Gotenga ungumu imbomando opa ungu nimbo tipolio na altopo embambo naa nimbo mulu kombu limboi kangi kele toro.

Filipai 1:18

Nalo na mindili nopili ningo aku teremele mele ulure peremoya? Eno konopu penga pepili Gotenga ungu ningo tirimele molo konopu tumbi tipe naa pepili ningo tirimele akumu ulure molo. Eno wayeni Kraistinga ungumu imboma ningo tirimelemunga na paa tono kolopo moro. Tono kolopo molombomunga ulu te peremola. Na pilipolio, na ka ulkena pepo mindili noro wali enoni Gote nanga konge tenderemelemunga kape, Jisas Kraistinga Minimu yu na kinye molopa na lipe tapondoromomunga kape, i ulu talonga na ka ulkena wendo pumbo molombo nimbo pilipolio tono kolopo moro mele molombo.