Gotenga Ungu Tukumemu 9:26 - Imbongu

²⁶ Pilipelie kuro kerimuni are kerire nimbelie ungulumu keri tepa topalie wendo orumu. Kano terimu wali ungulumu maina mainye imbo ono melemu lerimuna kanokolio imbo palini ningei, “Yu kolomo,” ningi.

Gotenga Ungu Tukumemu 9:26 ပူးပေါင်းရင်းမြစ်များ

Matyu 15:22

Akuna purumu kinye kombu Kenan ambo te molorumu. Yu wendo omba alako topalie nimbei, “Awilimu, Iye Nomi King Devitini Kalopa Ltimu Iyemu, nanga balomu kuro te konopuna tukundo molopa yu enge nimo kani nuni na kondo kolowi!” nimu.

Gotenga Ungu Tukumemu 1:26

Kano wali kuro keri kanomuni iye kanomu lakopa mikiripe mundupelie are kerire nimbelie iyemunga omba wendo purumu.

Gotenga Ungu Tukumemu 9:18

Wali mare, kuro kerimuni ungulumu ambolopa lipe yu maina mainye mikiripe mundurumo. Aku teremo kinye ungulumu apupu talo topa lipe ai polopa ungu nengerepu ltimu. Aku teremo wali, ungulumu yunge kangimu undukana tondolo lipe, lipe enge tirimo. Nunge kitipi kanoli iyema walipo pilipolio kuro kerimu makoroko mundeio nindu, nalo aku iyemani manda naa tendenge,” nimu.

Gotenga Ungu Tukumemu 9:20

Ungulumu Jisas molorumuna meko oringi. Kuro kerimuni Jisas yu kanopa nendo lepalie wali, ungulu kanomu topa konopu naa ltenderimu. Aku kinye maina mainye pindu nimbelie nimumuni kerena apupu topa pewe torumu.

Gotenga Ungu Tukumemu 9:25

Imbo pulumu eke lepa meliko nondoko nondoko oringina kanopalie wali Jisasini kuro kerimu iri topa nimbei, “Nu komu tili ungu naa nili kuromu, nani nundo nio, ungulumunga wendo ongo pa. Altoko yu wangoko naa molowi,” nimu.

Gotenga Ungu Tukumemu 9:27

Nalo Jisasini yunge ki ambolopalie ungulumu tapopa ola ltimu wali ungulu kanomu ola angilerimu.

Nimbe Para Tilimu 12:12

Akumunga nu mulu kombumu kinye akuna moromele imboma kinye tono kolangei! Nalo nu maimu kinye nu nomu kutamu kinye kuromanga nomi Satan akuna mainye purumumunga eno kinye umbuni awili te wendo omo. Goteni yu kamukumu topa mundumbelo waimu nondopa wendo ombalo nimbe pilipe yu paa mumindili kolopa moromo,” nimu.