Gotenga Ungu Tukumemu 12:31 - Imbongu

³¹ Ungu talo tipemu i tepa, Nunge nunu konopu mondorono mele imbo wema aku teko konopu mondowi. (Lo 6:4-5 WKP 19:18) Imunga we Goteni teaio nimu unguma i ungu talonga maindo oromo,” nimu.

Gotenga Ungu Tukumemu 12:31 ပူးပေါင်းရင်းမြစ်များ

Matyu 22:39

Talo tipe ungu manemu tendeku tipe mele. Akumu i tepa: Eno te te ningoni enongano konopu mondoko kondo kolko nokoromele mele aku tekola imboma kondo kolko konopu mondoko nokoko molaio, (WKP 19:18) nimbe peremo.

Matyu 7:12

Akumunga, imbomani nu kinye teangei konopu lteno mele nuni imboma kinye aku ulu tewi. Aku ambe telka, aku ulumu Mosesini Gotenga ungu mane tirimu bukuna torumumanga pulumu kinye, Gotenga profet iyemani bukuna toringi ungumanga pulumu.

Gotenga Ungu Tukumemu 12:32

Aku tepa nimu wali, iye kanomuni nimbei, “Ungu imbo iye, paa ningo kondorono. Iye awilimu yu kau Gote, we gote te naa moromo nalo yu kau Gote tendeku moromo nino aku paa nino.

Lukuni Ungu Tukumemu Topa Panjirimumu 10:27

Yuni topondopa nimbei, “Gotenga ungu manemani nimbei, Enonga konopumuni kinye minimuni kinye kangimunga enge peremomuni kinye lipe manjilimu kinye kanomani pali enonga Awili Gote kau enge ningo konopu mondaio! Enoni enono yu mele mele konopu mondoko kondo kolko nokoromele mele aku tekola pulu lemo imboma konopu mondoko nokoko molaio, (Lo 6:5, WKP 19:18) nimbe peremo,” nimu.

Galesia 5:14

mane ungu palima pinyewe pange tenderemo mane ungumu i tepa, nu nunu kondo kolko kele torono mele imbo palima aku teko kondo kolko kele towi nimbe peremo.

1 Jon 4:21

Kraistini lino ungu mane tirimu te i tepa: imbo Gote konopu mondoromo imbomu yuni Gotenga imboma kape konopu mondopili aku tepa ungu mane tirimu.