Gotenga Ungu Tukumemu 10:30 - Imbongu

³⁰ kinye i wai ltemomunga mele paa pulumu limbelo. Aku imbomu yu lemo, ulke kape, angenupili kemulupili anupili kape, ambo kango bakulu kinye poinye mai kape, mele paa pulumu ola mandopa limbelo. Aku tepalie, i walimunga umbuni meko mindili noli uluma kape limbelo. Altopa wai yando ombalomunga imbo akumu yu koinjo molopa kau puli ulumu limbelo.

Gotenga Ungu Tukumemu 10:30 ပူးပေါင်းရင်းမြစ်များ

Matyu 12:32

Iyemunga Malo ungu taka tondopa ungu nimbe kenjirimo imbomu aku tepa ulu keri teremoma Goteni mainye pupili nimbe tiye kolombalo. Nalo Mini Kake Telimuni ulu te teremo kinye imbo teni ungu taka tondopa, opa tepa tipe yuni naa teremo, kuromanga nomi Sataneni yu lipe tapondoromona aku teremo nimo imbomu aku tepa ulu keri teremomu kinye kape mulu mai pora nimbelo wali kinye kape mainye naa pupili nimbe paa tiye naa kolombalo.

Matyu 13:8

Langi mongo mare mai pengana mainye purumuma wendo omba mongo pengama torumu. Mare mongo 100, mare 60, mare 30 torumu,” nimu.

Matyu 6:33

Eno langi nongemanga kinye wale pakoli pakongemanga kinye konopu naa liko munduko, Gote iye nomi king molopa eno nokoromo uluma kinye yu kanopa kake teremo karomo ulu tumbi nilima kinye kumbe tundu mongo lipo mundemili konopu leko teaio. Aku tenge kinye yuni we melema kape eno timbelo.

Lukuni Ungu Tukumemu Topa Panjirimumu 18:30

kinye ya maina moromele wali mele paa olandopa awini liko molkolio altoko punge kombuna molko kondoko kau pungela,” nimu.

Ungu Tukumemu Jononi Torumu 10:23

Aku wali Jisas ulke tempel kerepuluna Solomononga takoko anjo ltingina andopa molorumu

Aposel 14:22

Neya aku kombu siti tukundo Jisasinga lombili andoli imbo moloringima ningo enge tiringili. Imbo akuma Gotenga ungumu tenge tiko Jisasinga ulu paimbomu kau teaio ningo tiringili. Aku tekolio wali ningili, “Lino Gote molopa kau puli kombuna tukundo pumili ulu umbuni pulumu paa memolo,” ningili.

Aposel 16:25

Aku wali ipu leli amburume tuku Pol kinye Sailas talo Gotendo konge tekolo kunana ningo moloringili. Kano ningili unguma we kano ka imboma pilko moloringi.

Aposel 5:41

Kano wali aposelema kaunsilima munduko tiye kolko eno puringi. Goteni enondo eno Jisasinga iyema moromelemunga imbomani eno teko pipili kondonge lemo, aku konopure naa leaio, nimu pilkolio eno paa konopu tiringi.

Poloni Rom Imboma Pipia Topa Mundurumu Ungumu 5:3

Akumunga kau pende naa temolo. Lino kinye umbuni wendo oromomani lino ipuki tirimolo ulumu tepa enge tirimo nimbo pilipolio aku umbunima wendo oromo wali lino tono koltomolo.

Poloni Rom Imboma Pipia Topa Mundurumu Ungumu 6:23

Ulu pulu kerimuni yunge kongono tenderemele imboma mele te tirimo. Akumu eno kolkolio tipe kombuna pangei ulumu tirimo. Nalo lino Kraist Jisas linonga Awilimu yu peya tendekuna kopu tepo moromolo wali Goteni lino mele te we tipe kalopa tirimo, akumu lino yu kinye molopo kondopo kau pumolo ulumu tirimo.

2 Korin 6:10

Lino takiraki konopu keri awini peremo nalo akumu yu tepili nimbo tono kolopo moromolo. Koropa purumo nalo imbo awini tepo kamakoma ltenderemolo. Lino melte naa noili none teremo, nalo mele pulumu noirimolona teremo. Imbomani lino kanokolio paimbo Gotenga kongono iyema moromolo ningo pilengei nimbo aku tepo moromolo.

Filipai 3:8

Juda imbomanga ulu pulumando kau naa niu. Kraist Jisas nanga Awilimu paa pilipo paa kopu tepo morombolo aku ulumu paa penga nimbo we melema kinye uluma ulure molo nimbo tiye kolopo yu kau lombilipuro. Kraist kau ambolopo yunge unguma enge nimbo ipuki tipo tepo, yu kinye kopu tepo molambili nimbo we uluma langi purupe lkupindi toromo kinye toko lteremele melema mele ltemo nimbo pilipo moro. Kinye nani ungu manema pilipo lipo terumunga na Goteni na iye tumbi nilimu nimbe karomo nimbo naa pilto. Na iye tumbi nilimu molambo nimbo aulke te lupe puro. Kraist kau paimbo nanga lipe tapondolimu nimbo ipuki tiro akumu kau iye tumbi nilimu moro aulkemu akirindirimo. Kraist paimbo ningo ipuki tirimele imboma kau Goteni imbo tumbi nilima nimbe imbi tirimo.

2 Tesalonaika 2:16

Linonga Lapa Gote, lino konopu mondorumu iyemuni lino kondo kolopalie konopu enge tipe pora naa nimbelo ulumu kinye, Goteni lino kinye ulu pengama tembalo nimbo enge nimbo ipuki tipo nokopo moromolo ulumu tirimo iyemu kinye, linonga Awili Jisasi Kraist yu kinye eloni

1 Timoti 4:8

Paimbo kangimu enge nipili nimbo ulu mare teremolo kinye akumu penga. Aku teremolo kinye kangimu paimbo enge nimomunga paimbo lino alaye kolte lipe tapondoromo. Nalo Goteni kanopa penga pimo uluma wambo pilipo temolo ulu akumu paa olandopa pengamu. Aku temolo ulumuni lino lipe tapondopa, kinye ya maina moromolo mele kinye pele mulu kombuna molomolo mele kinye timbelomunga akumu paa olandopa kani Goteni kanopa penga pimo uluma wamongo pilko teko molowi.

1 Timoti 6:6

Goteni tirimo uluma manda teremo nimbe konopu kimbo timo lemo paimbo Gotenga kongono tendembalo imbomu aku ulu tembalomunga mele penga awini limbelo.

Jems 1:12

Imbo te umbuni lupe lupema wendo oromo kinye aku umbunima mepa enge nimbe moromo imbo akumu umbuni wendo oromomani yu tepa mainye naa mundurumomunga Goteni waliwalima koinjo molopa kondopa kau puli ulu pulumu timbelo, akumu yunge mele pengamu limbelo kani umbuni lupe lupema wendo ombalo wali aku umbunima paimbo na kinye wendo oromo nimbe konopu tipili. Aku mele pengamu koro oi Goteni Yu paa konopu mondonge imboma mele aku tepo timbo nimbe, nimbe panjirimu mele pengamu.

Jems 5:11

Pileio! Imbo konopu enge pepili umbunima we meko paimbo ningo ipuki tirimele mele tiye naa koromele imboma eno malo nimbo pimolo. Oi molorumu iye Jop enge nimbe, yu kinye umbuni wendo orumuma we mepa molorumu wali altopa Awilimuni yu kamukumu molopa kondopili nimbe ulu mare terimu mele temanemu eno pimelela. Lino pimolo, Awilimuni imboma paa kondo kolopa, ulu teremelemanga pundu topa mindili tilka nalo we tiye koromo.

1 Jon 2:25

Yuni lino timbo nimumu i tepa mele: Eno waliwalima molko kondoko kau punge ulu pulumu timbo nimu.

1 Jon 3:1

Apa! Linonga Arani lino paa konopu mondopa konopu tirimo mele kanaio! Lino konopu awili tepa mondopalie nimomuni yuni imbi lepa linondo nanga bakuluma nimo. Paimbo Gotenga bakuluma moromolo. We imbomani Gote naa liko manjikolio aku mele lino kape naa liko manjirimele kala.

Nimbe Para Tilimu 2:9

Nu mindili nongo koropa pupili morono ulu karo. (Paimbo kangindo koropa pupili morono nalo konopundo kamako morono.) Imbo mareni Juda imboma moromolo. nimelemani nunge ungu taka tondoko umbulkondo nindirimelena karo, Kano imboma paa paimbo Juda imboma molo. Eno kuromanga nomi Satanenga talapena moromele imboma.

Nimbe Para Tilimu 3:18

Tekolio molko kondonio mele nimbo tiemboi. Kamako leambo ningo kou gol tipena kamukumu kalko kake tendeli noiromu polo teko liko, pulu waimbele naa teli aku tepo naa molambo! Pipili naa tepili ningo maminye kake noiroma okani polo teko liko, kombu kanambo ningo mongona kandonio opipi noiromu polo teko liwi!