Aposel 15:27 - Imbongu

²⁷ Imunga linoni aku iye talo kinye kopu tendepo iye talo waye tipo mundurumolo. Iye aku talonga imbi Judas kinye Sailas talo. Aku iye taloni lemope enondo i ungu tendekumula ningo tingele.

Aposel 15:27 ပူးပေါင်းရင်းမြစ်များ

Aposel 15:22

Kano wali Jerusalem moloringi kongono tipe munduli iyema kinye tapu iyema kinye Gotenga imbo moloringi kanoma palini enonga iye marendo Pol kinye Barnabas talo kopu teko paio ningolio Antiok kombundo liko mundungei teringi. Aku tekolio iye talo kanoko ltingi. Iye tenga imbi Judas Barsabas. Tenga imbi Sailas. Iye aku talo Gotenga ungu pilko lombilko moloringi imbomani wale pakoringi iye talo.

Aposel 15:32

Judas kinye Sailas talo Goteni teremo uluma imboma ningo tiringili iye profet talo. Aku iye taloni Goteni imboma tapopa enge timbelo ningo yunge imboma ningo molaio ningo ungu awini ningili.

2 Jon 1:12

Nani ungu awini pipia topo eno manda tilka nalo na eno moromelena ombo kanopo ungu nimbo tono kolopo popo tipo molamili konopu lepolio pipia naa toli tiye kolto.

3 Jon 1:13

Na ungu awini pipia topo tilka nalo nu moronona nondopo ombo kanopo nu kinye ungu nimbo molambili konopu lepolio pipia naa toli tiye kolto. Nu konopu u nipili molowi! Nunge imbo pulu ltemomani nu molko kondowi nimele. Nuni linonga imbo pulu ltemo nu kinye moromelema yu mele mele imbi leko linoni eno molko kondaio nindiwi.