Aposel 1:9 - Imbongu

⁹ I kano ungu nimbe pora tirimu kinye kanoko angilengei Goteni yu muluna olando ltimu. We kanoko angilengei kau kupe kake teni omba lipe lopeke terimu.

Aposel 1:9 ပူးပေါင်းရင်းမြစ်များ

Gotenga Ungu Tukumemu 16:19

Altopa Iye Awili Jisas yunge kitipi kanoli iyema kinye ungu nimbe pora tirimu wali yu kano Goteni yunge moromo kombuna mepa olando ltimuna Gotenga imbo kindo molorumu.

Lukuni Ungu Tukumemu Topa Panjirimumu 21:27

Aku uluma wendo ombalo wali Iyemunga Malo kupe tenga tuku molopa, enge awilimu ambolopa paa awili tepa telimu au nimbe mainye ombalona kanonge.

Ungu Tukumemu Jononi Torumu 6:62

Walite Iyemunga Malo oi molorumuna altopa olando pumbelo kanonge lemo konopu ambelemu lengeya? Kamukumu mumindili kolongenje?

Aposel 1:11

Aku oringili iye talonga teni nimbei, “Eno Galili iyema eno ambe telka muluna olando tiko kanoko dana angimeleya? I Jisas enonga imunana Goteni muluna olando limo kano iyemu kelepa eno limbei muluna yando ombalo wali kape enoni kanonge kano tepala muluna yando ombalo,” aku tepa nimbelie, nimu wali puringili.

Aposel 1:2

Oi uluma pulu polopa telipe pumbelie altopa andopa kelepa mulu kombuna altopo nondopo olando pumbo lepamo nimbe lipe manjipelie nimumuni yunge kongono tendepangei nimbe kongono tipe mundurumu iye aposelema oi aku teko teangei nimbe kanopa ltimu iyema Gotenga Mini Kake telimuni Jisas yunge konopundo omba molopa lipe taporumu kinye Jisas yuni kanopa ltimu iyema i teko i teko teaio nimbe ungu mane tirimu.

1 Tesalonaika 4:17

Kano kinye lino we koinjo molomolo imboma kinye koloringi imboma kinye peya kupena ola limbelo wali, lino Awilimu yu aulkena liengei nimbe lino olando limbelo, lino ola muluna pumbo yu aulkena lipumolo. Aku wali lino Awilimu kinye peya kamukumu kopu tepo molopo kau pumolo.

1 Timoti 3:16

Oi Gotenga ungu te yuni mane tirimu ungu lopeke terimumu kinye mona nimbe para tirimu aku ungumuni lino Gotenga imboma molopo yuni kanopa penga pimo uluma temolo mele lipe ondoromo aku ungumunga ulu pulumu paa enge nilimu, imbomani aku ungumunga pulumu manda teko mainye naa mundunge. Aku ungu pulumu i tepa, Yu maina iye te omba mona molorumuna imbomani kanoringi. Yu ulu pengama tepa molopa kondorumu mele Mini Kake Telimuni lipe ondorumu. Mulu kombuna enselemani yu kanoringi. Yunge temanemu mai kombuna pali yunge imbomani toko tilko andoringi. Imboma kano temanemu pilkolio paimbo ningo enge ningo pileringi. Goteni yu mulu kombuna olando lipe, yu oi iye enge nilimu molorumu kombu enge nili pa telina mepa pumbe mondorumu.

Nimbe Para Tilimu 1:7

Kanaio! Yu kupena molopa ombai tepa moromo. Ombalo wali imbomani pali enonga mongoni kanonge. Yu toloni toringi imbomani kanongela. Yu ombalo wali mai kombuna moromele imboma pali kola pupu tonge. Paimbo aku tepa wendo ombalo. I paa.

Nimbe Para Tilimu 11:12

Kano wali eloni mulu kombuna ungu te enge nimbelie nimumu pileringili. Kanomuni elondo nimbei, “Ina olando walio!” nimu. Kano wali elonga opa pulema kanoko angilengi elo kupe tenga mulu kombuna olando puringili.

Nimbe Para Tilimu 14:4

Imbo 144,000 akuma Goteni lino kanopalie Kake tepili moromele nipili ningo amboma kinye ulu keri nale naa teringi. Kanoma Sipsip Walomu purumo kombumanga pali lombili purumele. Goteni yunge nimbe mai kombuna moromele imbomanga imunana imbo kanoma Malonga mememuni mindili nonge aulkena kiyendo wendo lipe Sipsip Walomu kinye iltonga nimu.