1 Korin 7:29 - Imbongu

^29-31 Mai kombu ulu ltemoma pora nimbei teremo. Akumunga nanga Kristen imbo ango kame aku nio ungumunga pulumu i tepa. Kinye i wai ponjili moltomolona, eno ambo bakulu mololi iyemani ambo naa lili iye none teko Gotenga kongonomu enge ningo teaio. Umbuni meko kola teko moromele imbomani aku ulumu tiye kolko enge ningo molaio. Tono kolko pende pende ningo moromele imbomani aku uluma kelkolio konopu toimbo topili ningo molaio. Melema polo teremele imbomani aku melema lepa tule pumbelo konopu naa leaio. I mai kombuna kou kongono teremele imbomani kou limolo konopu naa panjeio.

1 Korin 7:29 ပူးပေါင်းရင်းမြစ်များ

Lukuni Ungu Tukumemu Topa Panjirimumu 14:20

Teni nimbei, ‘Na ambomu i teli kau lindumunga manda naa ombo,’ nimu.

1 Korin 7:28

Nalo nu ambo te linio lemo aku ulu aloware molo. Aku tepala ambo wenepo te iye pumo lemo aku ulu aloware molo. Nalo i wai keri ltemomunga ambo iye mololimani enonga lapumu kele tongeimunga umbuni pulumu lingei konopu lteo.

1 Pita 1:24

Aku ungumu pora naa nimo mele ungu te Gotenga bukuna moromo, akumu i tepa: Imboma pali era mele, eno molko kondoromele kondipe tindi mele. Erama koromo wali kondipe tindima oo lepa maina mainye purumo

1 Pita 4:7

Maina melema pali pora nimbelo walimu nondopa wendo ombai teremo kani eno imbo konopu pepili enonga uluma nokoko kondokolio, Gote kinye ungu ningo molangei.

1 Jon 2:17

Maimu kinye mele konopu mondoromele melema pali pora nimbelo nalo imbo te Lapani tewi nimo mele pilipe tenge tipe tepa moromo imbomu waliwalima molopa kondopa kau pumbelo.