1 Korin 1:4 - Imbongu

⁴ Eno Jisas Kraistinga imboma moromele kani Goteni eno konopu mondopa mane ungu tirimuna nani Gotendo waliwalima paa tereno nio.

1 Korin 1:4 ပူးပေါင်းရင်းမြစ်များ

Matyu 19:11

Nalo Jisasini topondopa nimbei, “I ungu mane tiromu imbomani pali manda naa pilko linge. Goteni kanopa lipe engema timbelo imbo akuma kau manda tenge.

Ungu Tukumemu Jononi Torumu 10:30

Na kinye Ara kinye ilto tendekumu,” nimu.

Ungu Tukumemu Jononi Torumu 14:14

Nando ulu te molo mele te nanga imbina konge tenge lemo akumu tembo,” nimu.

Ungu Tukumemu Jononi Torumu 14:16

Aku tenge wali nani Arando enonga konge tendembo kani yuni Lipe Tapondoli te lupe eno kinye kamukumu molopili nimbe akumu eno timbelo. Aku Lipe Tapondolimu, Paimbo Unguma Lipe Ondoromo Mini Kake Telimu. Imbo wemani yu naa kanoko naa liko manjirimelemunga Mini Kake Telimu manda naa linge. Nalo na lombili andolima, Mini Kake Telimu eno kinye moromo, akilio enonga konopuna tukundo molombalo akumunga enoni yu liko manjirimele.

Ungu Tukumemu Jononi Torumu 14:26

Nalo na kolo wangopa Arani Mini Kake Telimu eno tapopili nimbe timbelo. Mini Kake Telimu yuni eno unguma pali mane tipe nimbe, nani enondo nio unguma pali te komu tindinge wali aku ungumu altopa nimbe timbelo.

Ungu Tukumemu Jononi Torumu 15:26

Ara kinye Lipe Tapondolimu kinye morombelena pumbolio enonga tapopilimu tipo mundumbo akumu ombalie nimbelomuni, nanga ulu tero mele eno nimbe timbelo. Eno Lipe Tapondolimu yu Paimbo Ungu Nimo Mini Kake Telimu, yu Ara kinye molopalie oromo Minimu.

Aposel 11:23

Barnabas nimbe aku iyemu yu iye pengamu. Mini Kake Telimu kinye ipuki tili ulumu talo yu kinye pepa tengepeya terimu. Yu kano Antiok kombu pumbe wendo ombalie Goteni imboma mane ungu tirimu mele kanopalie yu kano tono kolorumu. Yuni Antiok kombu tukundo pumbe Jisasinga ungu pilko lombileringi imbo akuma pali nimbe enge tipe i tepa nimu, ‘Enonga ipuki tili ulumu tiye naa kolaio. Waliwalima Awilimu kinye konopu tiko yu kinye tenge tiko molaio,’ nimu. Aku wali imbo pulumu lino Awilimunga imboma molamili ningo tukundo tukundo ongo moloringi.

Aposel 21:20

I nimu kano ungu pilkolio Gotenga imbi kapi ningi. Aku tekolio Polondo ningei, “Angoya, Juda imbo paa awinini Jisasinga temanemu pilko ipuki tiringi ltemoma nu liko manjirino. Nalo imbo akumani Mosesinga mane ungumu pilipo lombilimalanje aku paa penga konopu ltemele.

Poloni Rom Imboma Pipia Topa Mundurumu Ungumu 1:8

I ungumu kumbe lepo nimboi, eno Jisas Kraist paimbo ningo ipuki tirimele ulu mai kombu pali imbomani temane toko tirimelemunga nani Jisas Kraistinga imbi lepo nanga Gote kinye paa tereno nio.

Poloni Rom Imboma Pipia Topa Mundurumu Ungumu 6:17

Eno paimbo oi ulu pulu kerimunga kongono kendemande imboma moloringi nalo kinye Gotenga unguma pilko liengei ningo eno mane tiringi wali aku unguma paa enge ningo pilko ltingi, aku teko teringimunga kinye linoni Gote kinye Paa tereno nemili.

1 Korin 1:3

Gote kinye linonga Iye Awili Jisas Kraist taloni kondo kolkolio eno teko ame tondangili taka ningo molangei nimbolio konge nio.

1 Timoti 1:14

Nalo na Kraist Jisasi kinye peya tapu topo molorumbulu kala linonga Awilimuni na paa we kondo kolopalie, Yu paimbo nimbo enge nimbo pileli ulumu kinye imboma konopu mondoli ulumu kinye kano uluma Awilimuni na olandopa tirimu.