Titu 3:3 - Mazu Otchena a Mulungu

³ Tchoira wanle na hiyene nali atu a uvuruvuru. Nali atu ohoharihamo, nali atu onyengiwa. Wanle hiyo nali azari ohara jofuna na joira jidjindji jaziveliwa hiyo. Malambo matene nawenda na ubure no kalelana nrima, naaidaga afwihu eto aliwa kaniidaga hiyo.

Titu 3:3 ပူးပေါင်းရင်းမြစ်များ

Jenesesi 38:9

Mbwenye Onani ohovayela iziwa ira: <<Eni masiki miyo dimbale mwana na muhiyanola, mwana unafuna miyo mbala kanakala waga, unakala wa mbalaga ukwile.>> Mwa enne liye agonaga na mulamwaye ule, ilombwaniwa atatilela vati, mwasiwa kafuna mbala mwana ira akale wa mbalaye ukwile.

Jenesesi 39:16

Mwa enne mwadi Potifare ohokoyaga yowara ile, fiyeda mamunaye twanyuwa.

Izaiya 44:20

Maliba ilobela ikwamutu yosema gu mutu odja ndora. Joumbuwela jaye jihimala mudimeliha ira ahawande vulumutcha ingumi yaye. Eto liye kanawanda umbuwela ira: <<Yengo ili mmandani mwaga ila kinawanda dikamiheda. Tchi yengo yonama.>>

Matewuji 21:29

Evale mwanaye ule ohomuwakulaga eraga: <Miyo kannafuna!> Mbwenye agawongile enne, babayele agadowile, liye ohotchindjaga zelru, liye dowawo.

Lukaji 21:8

Yesu ohawandelaga eraga: <<Polre polre tawiha ira munaze munyengiwe. Mwasiwa atu adjindji anerege za kavikalihege nnga miyo, kawongege kerege: <Miyo dili Kiristu>, nari kawongege ira: <Tempuwa ihiwandamela.> Mbwenye nyo mwaaona atu anno, kamwahare.

Juwawu 8:34

Yesu ohawakulaga, liye ira: <<Miyo nnafuna duwandeleni ibaribari. Mutu uli watene unatega unafwanyeya agali muzari mmandani mwa yotega.

Roma 11:30

Nyo atu ohokala aJudewu, wanle mwawenda na makalelo ohonvwelela Mulugu. Eto peno Mulugu agaonne uvuruvuru unera aIzarayeli, uuwendelani tangaranga.

Roma 6:12

Akala muhumala iziwa ira muhuvahiwa ingumi ixa, kamuhiye ira jotega jitongege maningo enyu okwa, nyo tukulaga jano jenyu labagana ira muiregena jotakala jinafuna maningo.

Roma 6:17

Mbwenye Mulugu atamaleliwe, mwasiwa agali nyo wanle mwali azari ohara jotega, malambwala muli atu ovwelela na mmirimani mwenyu mwatene jejile jifundjihiwe nyo.

Roma 6:22

Mbwenye muhumala kutchiwa muuzarini mwa jotega mwafwanyeya nyo. Peno muli azari a Mulugu. Mbwenye mpindu zela kala azari a Mulugu, mawendelo enyu anotchenihiwa. Muwari motchenihiwa mule, goma uwa ku kana ingumi yohomala.

Roma 6:6

Hiyo nihiiziwa ira makalelo nawendana hiyo jotega malambo a mundulri, Mulugu utukula, liye komela vamuradini vamohi na Yesu ira jofuna ja maningo jikwe ira nahawendege nnga azari a jotega.

2 Korinto 12:20

Tchoira miyo nnaova ira daza, nnaufwanyeni na makalelo dahanafuna miyo eto nyo munadionena makalelo mwahanafuna nyo. Nnaova ira daza nnafwanye kangana, kalelana nrima, uwali, idana, nukedana, wambana, petana na madugudugu.

Galasiya 6:3

Mbwenye mutu wenno unaviona ira: <<Miyo kadili wa masika>>, aalramwisaga afwaye agali liye kahi yengo, unavinyenga ekave.

Koloso 1:21

Na nyenne wanle mwali olapela wene na Mulugu. Nyo eto moidana na Mulugu na mwasa wa joumbuwela na joira jabure jaira nyo.

Koloso 3:7

Wanle tempu yali nyo muwari mwa jabure, jabure jatene ejo moiretchana.

2 Timoteyo 3:13

Mbwenye atu abure na anamanyenga anerege simbwa kana makalelo abure, aliwa anyengaga afwiwa eto ora imohive kanyengiwaga.

2 Timoteyo 3:6

Muwari mwa atu anno, kohokalawo anazemba, kafiyaga mmavande roma anyengaga ahiyana ovuta, okana jotega, opupuruwa muwari mwa jofuna jiwa ja maningo.

Titu 1:16

Atu otakala ale, anawonga ira: <<Hiyo nihimuiziwa Mulugu.>> Mbwenye muwari mwa joira jiwa, anamuruna. Tchoira atu anne ba atu otakaletchetcha, ohonvwelela Mulugu. Kahi atu ofwanela ira kahindege yengo ili yatene yapama.

Titu 2:12

eto sayi dimohive edo ti dedo nnawanda nifundjiha ira niwandege konda mawendelo abure na jofuna ja mwilamboni ira nitukule makalelo oviwendiha pama, niiregena jengo japama, jofwanelela ja Mulugu tempu inawenda hiyo ila.

Tiyagu 1:26

Akala muwari mwa nyo uhukalamo unaviona ira: <<Miyo dili oharihamo ja Mulugu.>> eto ahawandaga viwendiha pama zela vamulomoni vaye, wenno unavinyenga mmirimani mwaye. Ja Mulugu jinera liye, unairana vasayi.

1 Peduru 1:14

Mukale nnga ahima ovwelela. Kamuwendegena jofuna ja maningo jejo jawendetchana nyo wanle tempu yali nyo mwahanaiziwe yengo tchivi.

Jowandeliwa 12:9

Evale kohomutamangihawo zulu daragawu ule, wenno unafwanyeya agali nyowa ya wanle, unaitaniwa Diyabo nari Satana, wenno unaanyenga atu a ilambo yatene ya vati. Liye vamohi na angelro aye atene kohovokediwa mwilamboni ya vati.

Jowandeliwa 13:14

Muwari mwa jionihedo jairana liye agali vamohi na besta oromole, besta wanembinli ule ohowanda anyenga atu a mwilamboni ya vati, awandelaga ira kasakanye ikwamutu yosema ya besta wenno aporotchiwe na supada eto ahakwa.

Jowandeliwa 18:2

Mungelrole ohokuwaga molimbiha eraga: <<Ihimala gwa, ihimala gwa sidadi indimuwa ya Babiloniya. Peno ti nimburo munakala minemba dabure na minemba datene dotakala, na mbalrame datene dotakala nari vinyama dabure datene dotakala dohofwanelela.