Titu 3:2 - Mazu Otchena a Mulungu

² Kikale atu ofuna muwonga ubure mutu uli watene. Aliwa eto kaafwanya atu kakanganaga, kawande rambela ejo. Inafwanela kakale atu opwaseya eto kakale atu owanda ariheda atu atene.

Titu 3:2 ပူးပေါင်းရင်းမြစ်များ

2 Samuweli 22:36

Nyo muhudivaha defeza yovulusa wenyu. Dikamiheda wenyu uhuwanda dikaliha mutu olimba.

Izaiya 40:11

Liye unoza akumbuze nikuru naye nnga namakumbuza unakumbuza liye mabilaye. Unoza agumanihe ana mabilaye, aakumbarelaga, aatukulaga na mandaye. Unoza aasogolrelre mofwaseya mabila okana ahima owamwa.

Matewuji 11:29

Inafwanela mutukule mabasa anafuna miyo uvahani. Mufundjege wa miyo, miyo dili opwaseya eto oviyeviha. Mwaza wa miyo, munofwanya vuma mmirimani mwenyu.

Joira ja Anamarumiwa 23:5

Vevale Pawulo ohoira: <<Abalaga, dileveleleni. Dawonga miyo eno, kadaona ira nnawonga na mundimuwa wa anamakuta. Mwasiwa mMazuni ihilrembiwa ira: <Kamuwonge ubure zela ndimuwinyu unausogolrelrani.> >>

1 Korinto 6:10

mbava, nari mutu ofuna kana jorayela pwi, nari unalrezelretcha, unaaruwana afwaye, unaadjelra afwaye, atene anno kiza kakana pandi na Umwene wa Mulugu.

1 Korinto 9:19

Agali kadili muzari wa mutu mmohiwa unafwanyeya mwilamboni ya vati, miyo nnavikaliha muzari wa atu atene ira amohiwa oindjiva kamuroromele Yesu muwari mwa miyo.

2 Korinto 10:1

Nyo munaona ira miyo Pawulo dakala na nyo nnakaletcha mutu oviyeviha, mbwenye dakala olapela wene, dalrembaga karta, nnalremba nnga mutu orutcha. Miyo mbwenye nnafuna duvepeni ira mwaumbuwela pwaseya na tangaranga da Kiristu, daza wa nyo kamukayena makalelo oira daona, dikale mutu orutcha wa nyo. Mwasiwa dihikana ibaribari ira daza, nnokala orutcha zela atu anne anaumbuwela ira hiyo nnalaba na kopolo da maningo.

2 Korinto 12:20

Tchoira miyo nnaova ira daza, nnaufwanyeni na makalelo dahanafuna miyo eto nyo munadionena makalelo mwahanafuna nyo. Nnaova ira daza nnafwanye kangana, kalelana nrima, uwali, idana, nukedana, wambana, petana na madugudugu.

Galasiya 5:22

Mbwenye musapo wa mutu unasogolrelriwa na Munemba Otchena unafwanyeya agali zivelana, hagalala, murendele, vilela, muirela nfwawo upama, irana japama jatene, kana nroromelo,

Galasiya 6:1

Abalaga mwamuona nfwinyu ira ugwana yotega, inafwanela ira ule unasogolrelriwa na Munemba Otchena adowe anvenyihe muwari mofwasa. Mbwenye polre polre tawiha ira na nyenne munaze mugwe na yotega.

Galasiya 6:10

Inafwanela niwande akamiheda atu atene na makalelo anawanda hiyo. Eto muwari moakamiheda atu atene mule, inafwanela nisimbwege kamihedana mukalele hiyo atu okana nroromelo.

Efezo 4:2

Muwendege na makalelo matene oviyeviha, opwaseya na afwinyu. Mukale ovilela na afwinyu. Mukale okurumuwelana muwari mozivelana.

Efezo 4:31

Nyo mbwenye muhiye makalelo matene onyunya, uwali, kangana, ruwana, luluvihana. Muhiye eto makalelo matene oidana.

Filipo 4:5

Inafwanela eto muwendege na makalelo ira atu atene kauonani na makalelo munaira nyo, kaiziwe ira muli atu opwaseya. Nabwiya uli vakwikwive.

1 Tesalonika 2:7

Nagali na nyo, hiyo nalaba mopwaseya na makalelo nnga muyembele unamulela liye mwanaye.

1 Timoteyo 3:11

Diyankoni akale mulombwana umutenle muhiyana mmohi bahi. Eto akale mulombwana owanda asogolrelra ahimaye na vande vaye pama. Eto muhiyanaye akale muhiyana wa makalelo ofwanela, muhiyana okana muru wapama eto ororomeleya mwa jatene, hiya kala muhiyana owamba.

1 Timoteyo 3:3

Kakale maliba lrezelra nne kakale maliba waniha. Mbwenye akale mutu owenda na afwaye mofwaseya, hiya kala mutu okangana owu mutu oziveliwa kobiri.

Tiyagu 3:17

Mbwenye mutu awendaga na zelru dokumela zulu, voroma kanakana yotakala, unowenda pama na afwaye, unowenda na atu mopwaseya, unovwanana na afwaye, unoawendela atu tangaranga eto unovaha misapo dapama, kanakana nsakulro eto yengo inawonga liye, mmirimani mwaye ilimo tcheniyo.

Tiyagu 4:11

Abalaga kamuwongege ubure zela mutu na nfwaye. Tchoira mutu awongaga mazu abure zela nfwaye, ammangaga mulandu nfwaye, unaviringaniha malamulo. Muwari moviringaniha malamulo, liye unavikaliha nnga mundimuwa okwaranya malamulo eto unavikaliha nnga namatonga wa malamulo. Aira eno, liye kahi mutu oharihamo malamulo. So unavikaliha namatonga.

1 Peduru 2:1

Mwa eno, inafwanela muhiye makalelo matene oairela atu ubure, muhiye jonyenga jatene, muhiye ungongomwa, muhiye kalelana nrima eto muhiye jowamba jatene.

1 Peduru 3:10

Tchoira mazu anawonga ira: <<Mutu wenne unaziveliwa kalawo waye eto unafuna ona malambo apama, inafwanela akale oing'ana nlumi naye ahanawonge, tawiha ira unawonge yabure eto mulomo waye unawonge jonyenga.

1 Peduru 3:8

Vogomiheda vuwa, inafwanela nyo mwatene mukayena zelru dimohive, mukayena kumbanyana, muzivelanege nnga anazivelana atu a muibalini mmohive, mukayena mirima dowendelana tangaranga eto mukale oviyeviha mwa joumbuwela jenyu.

1 Peduru 4:4

Mbwenye peno atu a unde annana kukumuwa na mwasa oira muhatawa, aliwa katamangaga ira kairegena jabure jatene johokala ja masika jinairana atu nyo kamuli na aliwa. Nona peno aliwa anouwambani.

2 Peduru 2:10

Eto anafuna za simbwa onihiwa goyi bure banno anairana jofuna jewa ja maningo, kavitakalihaga muwari mogonihana burebure. Aliwa eto analuluviha utongi watene. Ba atu ohoova yengo eto ba atu ohovwelela eto anaaluluviha angelro okana undimuwa kahakukumuwaga.

Judaji 1:10

Mbwenye aliba xolra ayo so aliwa anawonga jabure zela jengo jahaiziwile atu. Eto anotolotchiwa muwari mowenda nnga anavinyama ohokana zelru, muwari moirana jatene jinaumbuwela atu jokumela mofuna mwewa.

Judaji 1:8

Sawasawa atu anna kaxolrile mwa nyo anaira makalelo mamohive anno katongiwilena afwiwa. Aliwa anaroromela joroha jiwa. Muwari mororomela joroha jiwa, anononga maningwiwa moraruwa, anoruniha utongi watene eto anaaluluviha angelro okana undimuwa.