Titu 2:2 - Mazu Otchena a Mulungu

² Uwandege afundjiha alombwana a idadi yapama ira kakayena muru wapama, kakale atu okana makalelo ofwanela, atu owanda viwendiha pama. Kakaleve atu olimba muwari mwa nroromelo newa, kakale atu oaziveliwa afwiwa, atu olimbiheyene muwari mwa makatamiho anafwanyeyana atu.

Titu 2:2 ပူးပေါင်းရင်းမြစ်များ

Izaiya 65:20

Muwari mwa aliwa kamuza mukala mwana unafuna kwaga na malambo a vang'ono eto nne kalivo mundimuwa unafuna kwa ahanaulule pama. Mwasiwa mutu wenno unakwe na yaka 100 ku wonga ukwile agali muzombwene. Eto mutu wenne unakwe ahanakayena yaka 100 ku wonga mutuyo ohotembelrelreya na mwasa otega.

Markuji 5:15

Kagafiyile wandamelana vali Yesu vale, kohomuonaga mutu anna anamwindji a minemba dabure ule, agagaratile vali Yesu vale, agawarile jowara jaye pama eto aganna zelru daye dokwakwanela dene. Kagaonne eno, atwale kohoova.

Lukaji 8:35

Aliba wandeliwa ale kagavwile, kohovenyaga, aliwa dowaga wewule ira kaone jatene jaireyile. Mbwenye aliwa kagafiyile wewule, kagaonile jatene ejile kohoovaga mwasiwa aliwa kanfwanyile mulombwana akumihiwemo minemba dabure ule uhugarati vamanyaloni va Yesu, uhuwara jowara jaye eto aganna zelru daye.

Joira ja Anamarumiwa 24:25

Evale Pawulo awongaga zela irana japama, no vihiyiha jabure, na makalelo Mulugu anafuna liye za tonga, mulombwana Felekisi ohokukumuwa, liye ira: <<Ikwakwana. Ubabihe dowa. Malringana dakana tempu, nnouitana akoka.>>

Roma 12:3

Mwa sayi da Mulugu, zela mabasa udivahile liye ira dihinde, miyo nnafuna duwandeleni ira inafwanela kada mutu agarati, avione na makalelo okwakwanela nnga vili liye, moviyeviha, hiya muwari movitukulela. Kada mutu uli liye avione mokwakwanela na nroromelo Mulugu unvahile liye.

1 Korinto 15:34

Murome umbuwela japama jinafwanela para nyo. Eto muhiye makalelo otega munna nyo. Tchoira miyo nnoona ira muwari mwa nyo, kohokalamo atu ohomuiziwa Mulugu. Dawongaga eno, ba manyazo para nyo.

1 Korinto 9:25

Kada mutu ahanatamange, unokana tundela maningo aye na makalelo madjindji, mwasiwa liye unafuna atamange mwapama. Mbwenye jatene jeji anerela mwasiwa anafuna katambilre tchapowa ohorutcha vunda. Hiyo mbwenye mabasa ehu analaba hiyo, nnafuna nitambilre yengo yohokana goma uwa.

2 Korinto 5:13

Tchoira akala munaniona ira nihikana mihala, nikayelena muwari molaba mabasa a Mulugu. Akala munaniona ira nili apamene, upama wehu unaulabani nyo.

Galasiya 5:23

wenda mopwaseya na afwawo, no viwendiha pama. Kanilivo nlamulo nnakameliha jeji.

Filipo 4:8

Yengo yogomiheda inafuna miyo dukokomezeni nyo abalaga, nnafuna ira muumbuwelege jengo japama. Inafwanela muumbuwelege jengo ja ibaribari, jofwanela, jokwakwanela, jotchena, jofwanela ziveliwiwa, jofwanela rumeliwa, malringana ili yatene inafwanyeya yagali yapama, yofwanela teteliwa, muumbuwelege ejo.

1 Tesalonika 5:6

Muwari moira kanili atu a mmahiyuni, kanigone nnga vini atu amohiwa, mbwenye inafwanela nikaleni orurumuwene eto nikaleni okozeyene.

1 Tesalonika 5:8

Mbwenye hiyo vano muwari mokala atu a ntana, inafwanela nikale okozeyene. Ira nikale okozeyene, inafwanela nitukule kamiza ya momba, niware. Kamiza inawongiwa ti nroromelo nehu no zivelana wehu. Nitukule eto kapaseti, niware. Kapaseti unawongiwa tchi yoing'anela yehu ira nivulusiwe.

1 Timoteyo 1:10

atu anne anararuwa, ale anafuna joagoniha alombwana afwiwa, atu anne anaahinda afwiwa ira kakale azari, atu anne ananama, ale anaanukeda afwiwa vamentoni va anamatonga. Malamulo kaazele atu atene anaruniha mafundjihelo apama a Mulugu.

1 Timoteyo 1:14

Sayi dilukulu da Nabwiya dilabile ira diwande muroromela eto diwande kana zivela wewo unafwanyeya muwari mwa Yesu Kiristu.

1 Timoteyo 1:2

Nnoulrembela we Timoteyo, mwanaga wa ibaribari muwari mwa nroromelo. Malondjelo anaurumiheda miyo ba ala. Difunne ira sayi na tangaranga na murendele unna Mulugu Babihu na Nabwiya wehu Yesu Kiristu, jatene ejo jikale na we.

1 Timoteyo 1:5

Ira miyo durume ira waahiyihe atwale jonama jiwa, ili ira atu kakale ozivelana mokana mirima dotchena eto mokala atu ohokana wanganyeda mmirimani mwewa eto mokala atu okana nroromelo na ibaribari.

1 Timoteyo 3:11

Diyankoni akale mulombwana umutenle muhiyana mmohi bahi. Eto akale mulombwana owanda asogolrelra ahimaye na vande vaye pama. Eto muhiyanaye akale muhiyana wa makalelo ofwanela, muhiyana okana muru wapama eto ororomeleya mwa jatene, hiya kala muhiyana owamba.

1 Timoteyo 3:2

Nona ira mutu akale bixpu, inafwanela akale mulombwana ohokana imanya, mulombwana umutenle muhiyana mmohi bahi, mutu okana muru wapama, owanda viwendiha pama, mulombwana orihediwa, mutu owanda awatchela alendo, mulombwana owanda afundjiha atu.

1 Timoteyo 3:4

Akale mutu owendiha pama vande vaye. Ahimaye kakale ahima okana respeto, onvwelela babiwa pama.

1 Timoteyo 3:8

Sawasawa nnga makalelo anakana mutu ira akale bixpu, mutu ira akale diyankoni, inafwanela akale mutu okana makalelo ofwanela, owonga ibaribari. Diyankoni kakale mutu olrezelra, nne maliba funa kana jorayela pwi, aabelaga afwaye na malrango, hehi.

1 Timoteyo 5:1

Wafunaga muwandela mundimuwa wa idadi mazu, kumuwandele muwari momusumulula, mbwenye umukokomeze nnga babawo. Eto zela azombwe, inafwanela waawongena nnga abalawo.

Titu 1:13

Miyo nnorumelela ira liye kanamile. Nona inafwanela waona jabure ejo muwari mwa atu omuroromela Yesu, uwandege asumulula mwa kopolo ira kakale olimba muwari mwa ibaribari inahara hiyo.

Titu 1:8

Inafwanela akale mutu owanda awatchela alendo, akale mutu oziveliwa upama, akale mutu owanda viwendiha pama, akale mutu ohokana nsakulro, akale mutu okana mawendelo otchena, agalive mutu owanda vihiyiha jofuna ja maningo.

Titu 2:7

Na wenne makalelo anera we, inafwanela ukale mutu oirana japama ira atu omuroromela Yesu kauona, kausazihege. Inafwanela eto waafundjihaga, waafundjihege yengo ya ibaribari na mmirimani mwawo mwatene

1 Peduru 1:13

Na mwasa wenno inafwanela mmirimani mwenyu mukale mosakanyedeya mwene eto mukayena muru wapama. Yodediheda yenyu yatene ikale sayi dedo nnafuna nyo za vahiwa na Yesu Kiristu tempu inafuna liye za oneyihiwa.

1 Peduru 4:7

Magomelo wa jengo jatene uhuwandamela. Na mwasa wenno inafwanela muviwendihe pama eto mukayena muru wapama ira muwande lobela.

1 Peduru 5:8

Inafwanela mukale tchendjewa eto muing'anelege mwasiwa mwidani wenyu Diyabo unawendawenda aurungunuwagani nnga podogoma unanla amusayelaga mutu ira amutakune.

2 Peduru 1:6

Mwaganna iziwa, inafwanela eto muzuzumelege ira muwendjede viwendiha pama. Mwaganna viwendiha pama, inafwanela eto muzuzumelege ira muwendjede vilela. Mwaganna vilela, inafwanela eto muzuzumelege ira muwendjede irana ja Mulugu.