Markuji 7:9 - Mazu Otchena a Mulungu

⁹ Yesu eto ohowonga na atwale eraga: <<Nyo muli aliba hiya malamulo a Mulugu, nyo kungaga sanganiko denyu.

Markuji 7:9 ပူးပေါင်းရင်းမြစ်များ

Izaiya 24:5

Atu anakala ilambo ya vati kohomala itakaliha, mwasiwa kinahara malamulo a Mulugu, analramwisa mangano aye. Kohomala twa yopangana yohomala, yenno yapanganne liye na aliwa.

Izaiya 29:13

Nabwiya ohowonga ira: <<Atwala anadikwivela na jowonga jiwa eto anadiriheda na milomove bahi. Mbwenye murima wewa uli olapela wene na miyo. Eto diova miyo unera atu ku hara malamulo a atu afwiwa, hiya malamulo aga.

Daniyeli 11:36

<<Mwene wa norti ule unoza airena yenno inafunege liye. Liye unerege wonga movitukulela ira: <Eni miyo dili vazulu va amilugu atene.> Eto unerege wonga mazu abure zela Mulugu wa amilugu atene. Jatene jaye jinerege muwendela pama fiyeda Mulugu amutonge na uwali waye. Tchoira yenno ibalrile Mulugu inoireya.

Daniyeli 7:25

Unerege wonga mazu abure zela Wenno Ukwaranyile Jatene eto unoazuzumiha atu a Wenno Ukwaranyile Jatene fiyeda awaheyiha. Eto liye unerege funa atchindjege matempu na malamulo matene anahara atu. Mwa enne unovahiwa utongi oairela atu otchenihiwa jabure jinafuna liye tempu imohi, na matempu menli eto na tempu ya metadi.

Markuji 7:13

Na makalelo anno, munatukula sanganiko denyu, nyo kwihana mazu a Mulugu. Eto nyo munoirana jengo jimohi jiwa jidjindji nnga jeji.>>

Markuji 7:3

Tchoira aFarizewu vamohi na aJudewu atene kinafiyeda mwezo odja kahanakwakwanelihede mangano a makolo a wanle.

Markuji 7:5

Mwa enne aFarizewu na anamafundjiha malamulo ale kohonfukaga Yesu keraga: <<Kodi mwasiwa gwa nni anamauharaninyu djaga eno na manda otakalene, hafunaga kwakwaneliheda mangano a makolo a wanle?>>

Roma 3:31

Kodi hiyo nawonga ira mutu unavulusiwa momuroromela Yesu, kanikwihile malamulo? Nari, nne vang'ono! Nihirumelela malamulo.

2 Korinto 11:4

Tchoira aza mutu mmohiwa awongaga zela Yesu mmohiwene muhiya wenno nimulaleyile hiyo, nari akalawo munemba mmohiwa ahali Munemba Otchena wenno mmuwatchenle nyo, nari mwavwa muselu mmohiwa muxa ahali Muselu Wapama muvwile nyo na hiyo, nyo munorumela vuruwana jatene ejo.

Galasiya 1:14

Zela mangano matenene kanivahile makolo ehu aJudewu, miyo vano dohariha pama na mmirimani mwaga mwatene. Miyo eto dohakwaranya afwaga oindjiva a idadi yanna miyo.

Galasiya 2:21

Miyo kannaruniha sayi da Mulugu. Tchoira akala mutu unakala wapama vamentoni va Mulugu muwari mohara malamulo, era eno, Kiristu ukwele vasayi.

2 Tesalonika 2:4

Mulombwana wenno unoza awane eto unovitukulela nnga mutu oakwaranya amilugu atene anaahara atu nari jatene jinatamalela atu. Eto liye unoza agarati Nyumba ya Yehova, awongege ira: <<Miyo vano dili Mulugu.>>