Malakiya 4:3 - Mazu Otchena a Mulungu

³ Eto munoza mwaanyingalelege atu otakala mwasiwa aliwa anoza kakale nnga ndora mmanyaloni mwenyu. Ejo jinaireyege siku nimanle miyo balra. Unawonga gu Yehova wa Makuru Matene.

Malakiya 4:3 ပူးပေါင်းရင်းမြစ်များ

Roma 16:20

Mulugu wenno unavaha murendele tchineneva unomutatakanya Satana ira akale vati va manyalo enyu. Sayi dinna Nabwiya wehu Yesu Kiristu dikale na nyo.

Malakiya 3:17

Yehova wa Makuru Matene unawonga ira: <<Atu anno anadiova miyo anoza kakale aga. Siku neno nafiya, nnoza daasakanye ira kakale atu aga a ibaribari anaaziveliwa miyo. Nnoza daawendele tangaranga nnga mutu amuwendelaga tangaranga mwanaye wenno unamulabetcha.

Izaiya 26:6

Manyalo a atu ananyingalela sidadi yenno. Masiki manyalo a atu osimela, na atu ohokana yengo ananyingalela sidadi yenno.>>

Jowandeliwa 14:20

Mwa enne uva ule ohonyingaleliwaga nimburo nonyingalelamo uva nafwanyeya unde wa sidadi. Mwa enne sangiri nakuma nohoroma tamanga nnga muhindje ohokala wa masika. Muhindje ule diha uwa ohofiyeda mmafudini eto lapela wa muhindje ule wadowa atu, wali kilometuru 300.

Jowandeliwa 11:15

Nomala enne, mungelro wanetanu na mbinli ohoimba palraza yaye. Agaimbile, ilambo ya zulu wohovweya mazu mandimuwa keraga: <<Umwene wa Nabwiya wehu na Namatikeliwa waye uhumala gondjiha umwene wa ilambo ya vati. Liye uneregeve tonga ilambo yatene kala no kala.>>

Daniyeli 7:27

Evale umwene, na utongi, na undimuwa wa amwene atene a mwilamboni unoza utukuliwe uvahiwe mmandani mwa atu otchenihiwa a Wenno Ukwaranyile Jatene. Umwene wewa unaza ukale umwene wa mukalakala, eto utongi watene unerege alaba no avwelela aliwene.>

Daniyeli 7:18

Mbwenye umwene wewa unomala, atu otchenihiwa a Wenno Ukwaranyile Jatene anoza kavahiwe umwene eto umwene unafuna atu vahiwa unakala wa malambwene, ku wonga kala no kala.>

Izaiya 25:10

Tchoira Yehova unoza akunele mwango na ndanda naye. Mbwenye akuda Mowabe anoza kanyingaleliwe vevo vili atu, nnga makata kanyingaleliwaga mmambini.

2 Samuweli 22:43

Mwa enne miyo dohatchila ante aliwa fiyeda kala nnga tumbulru na vati. Eto dohatchakatcha nnga madogo a murampani.

Jenesesi 3:15

Miyo nnouidaniha weyo na muhiyana eto nnoaidaniha ahimawo na ahimaye. Mwana unafuna liye za mbala gwenno unafuna za uporotcha murwawo, we eto unoporotcha izondwaye.>>

2 Samuweli 22:39

Miyo dohatolotcha eto dohawamba ira kahawande venya akoka. Aliwa kogwela vamanyaloni vaga.