Lukaji 8:3 - Mazu Otchena a Mulungu

³ na Jowana mwadi Kuza, Kuza wenno ali musogolrelri wa vande va mundimuwa Erodi. Mmohiwa ali Suzana vamohi na ahiyana amohiwa adjindjene. Ahiyana anna banno kamukamihedetcha Yesu muwari mwa jokana jiwa.

Lukaji 8:3 ပူးပေါင်းရင်းမြစ်များ

1 Koronika 29:14

<<Miyo dili ani eto atwaga bani ira hiyo niwande vaha mofuna mwehu jengo jatene eji? Jatene jinakumela wa nyo, so hiyo niirile uwelihedani jengo jejo jalive jenyu na wanle.

Izaiya 23:18

Mbwenye jokana jiwa na kobiri inapa atu inoza ikale yotchena wa Yehova. Rayela wewa kuza ukoyiwa owu kuza uheliwa vamohi mbwenye rayela wewa wewo unoza waalabe ale anakala vamentoni va Yehova ira kakayena jodja pwi na jowara japama.

Matewuji 14:1

Mwa tempu yenne, mwene Erodi ohovwaga atu kawongaga zela joira ja Yesu.

Matewuji 14:3

Ira Erodi aze awonge eno, mwasiwa na ibaribari malambo a mundulri Erodi ohomuhinda Juwawu, mmangiha eto liye muheliha mukadeya na mwasa wa muhiyanaye Erodiya. Tchoira Erodiya aromile teliwa na Erodi mbalaye wenno aitaniwa Filipi. Evale Erodi ule ere mukumiha mmba. Juwawu akaleletcha musumulula Erodi ira: <<Mwa malamulo a Mulugu, kavili jowandeya ira weyo unonkana muhiyana wenno.>>

Matewuji 14:6

Mwa enne siku nimohi mulombwana Erodi asakanyaga pwando yokwakwaniha yaka daye, mwana Erodiya wa muhiyana ohoinaga vamentoni va atu atene kaitaniwilege vapwandoni vale. Eto ina wainilege liye ule, mulombwana Erodi ohoziveliwa.

Matewuji 2:11

Aliwa kohofiyaga nyumba mwali mwanole. Kagavolowile, kohonfwanya mwanole na mmaye, aliwa nkokorela mwanole, kamutamalelaga. Evale kohotapulaga mivaho dofuneya valukulu dadowana atu da oru, na yonukela yotumeyiwa, na makura onukela kaitaniwa mira, aliwa nvaha mwanole.

Matewuji 20:8

Mwa enne nzuwa nagavirile, mwinnya wa mundole ohomuitanaga musogolrelri waye amuwandelaga eraga: <<Kaaitane aliba lima atene ira waatambilrihe kobiriwa, romela ogomiheda fiyeda arandji za.>>

Matewuji 25:40

Evale Mwene ule unoza awakulege eraga: <Na ibaribari nnouwandelani ira jengo jatene jaaireletcha nyo abalaga ang'onong'ono, jejile mwadiireletcha miyo!>

Matewuji 26:11

Tchoira atu osimela kinamala, anakalave na nyo. Mbwenye vasogolro miyo kannakalegeve na nyo.

Matewuji 27:55

Eto vevale vohokalaga ahiyana adjindjene kamukamihedetcha, anno kamuharile Yesu kuma Galileya. Ahiyanale koing'anaga vevo vakomeliwe Yesu, kagali olapela wene.

Lukaji 24:10

Ahiyana kaawandenle anamarumiwa, maziniwa ali Mariya nkuda Madala, Jowana na Mariya mmaye Tiyagu vamohi na ahiyana amohiwa kafwanyeya vamohi na aliwa.

Juwawu 12:6

Para Judasi Iskariyoti awonge enne liye kaabalra aliba simela. Liye ali mbava. Liye gwakayetchana pasta mwemo mwakaletcha kobiri. Mwa enne otukuletchamo kobiri ya vang'ono ira ikale yaye.

Joira ja Anamarumiwa 13:1

Nikuru na atu omuroromela Yesu nafwanyeya Antiyokiya nohokana anamafiyiheda na anamafundjiha. Maziniwa ba ala: Barnabe, Simeyawu wenno aitaniwa Odiba, mulombwana Lusiyo wa Sirene, mulombwana Maname wenno aulukulihiwe vande va mwene Erodi. Ogomiheda ali Sawulo.

2 Korinto 8:9

Tchoira nyo muhuiziwa sayi da Nabwiya wehu Yesu Kiristu. Liye masiki alive orayela, osanduwa, liye kala osimela ira nyo muwari mosimela mwaye, muwande rayela.

Filipo 4:22

Masiki atu atene otchenihiwa a uno, na aliwene anoulondjelani. Eto asimbwile kokomeza jolondjela ba atu a vande va Sezare.

1 Timoteyo 5:10

akale mutu oiziweya ira unoiretchana japama, akale oalela pama ahimaye, oawatchela pama alendo, okana respeto pama ira atu otchenihiwa kazaga vaniwa, oahuwetcha manyalo eto akale oakamiheda atu osegedeya. Akala jatene jene oirana, makwele wenno alrembiwe valistani.