Lukaji 7:7 - Mazu Otchena a Mulungu

⁷ Eto miyo kadili ofwanela ira difiye vamentoni venyu ira diwonge na nyo. So mbwenye miyo nnafuna muwonge wewo bahi. Mwasiwa mwawonga wewo bahi, miyo dihiiziwa ira namalabaga unovulumuwa.

Lukaji 7:7 ပူးပေါင်းရင်းမြစ်များ

Ezodu 15:26

<<Nyo mwakala atu ovwelela jinawonga miyo dagali Yehova Mulugu wenyu, mwairana jejo jili jofwanela vamentoni vaga, mwavuruwana malamulo aga eto mwaharihagamo mangano aga matene, miyo kadiza dubulelihani na marenda daabulelihilena miyo aIjipitu. Miyo dili Yehova wenno unauvulumutchani.>>

Markuji 1:27

Evale atu atene kaligi emule kagaonne enne, kotikiniheya kafukanaga oka oka keraga: <<Kodi jinereya ji nni? Mutula ukana mafundjihelo maxa a kopolo. Eto aruma minemba dotakala, minemba dile nnonvwelela.>>

Lukaji 4:36

Evale atu atene kaligi mmba mule kohotikiniheyaga karomaga wonga kada mutu na nfwaye keraga: <<Mazu anna anatapulela nni? Wenna ukana utongi na kopolo dowanda wonga na minemba dotakala. Eto awonga na minemba dile, nnonvwelela.>>

Lukaji 5:13

Evale Yesu ohotapulaga ndanda naye amuhindaga murendole eraga: <<He, miyo dihifuna ira uvulumuwe. Eni weyo umala vulumuwa.>> Yesu agawongile eno, murendole maranya anna liye kohomalaga.

Lukaji 7:6

Evale Yesu ohovenyaga vamohi na andimuwale aliwa dowaga wewule. Mbwenye kahanafiye, kagali vakwikwive na vande vale, mundimuwole oharuma afwaye eraga: <<Dowani mwamuwandele ira: <Mbwiyeni kamukukumuwe mwasiwa miyo kadili ofwanela ira mufiye vande vaga.

Lukaji 7:8

Mwasiwa na miyene dihikana andimuwa anaditonga. Eto miyo dihikana anyakondo nnaatonga miyo. Miyo damuwongana mmohi ira: <<Udowe wa Udje>>, liye unodowa. Eto damuwongana mmohiwa ira: <<Kaza uno>>, liye unoza. Eto damuwongana namalaba waga ira: <<Kadowa wahinde mabasa ala>>, liye unoirana. Na nyenne mwawonga bahi, liye unovulumuwa.> >>

Detoronomiyo 32:39

Kaing'anani, peno uliwo gu miyo bahi, kaliwo Mulugu mmohiwa. Miyo dili wenno unapa eto dili wenno unawanda mukalihawo mutu. Miyo dili maliba porotcha na maliba vulumutcha. Kalivo unawanda mutawiha wenno uli mmandani mwaga.

1 Samuweli 2:6

Yehova gunanvaha mutu ingumi eto gunamuwaka. Liye gunamutitiheda mutu Nimburo na Anokwa eto liyene gunamuvenyiha mokwani.