Lukaji 7:3 - Mazu Otchena a Mulungu

³ Evale musogolrelri wa anyakondo ule agavwile zela Yesu, oharuma andimuwa a aJudewu ira: <<Kadowani mwamuwandele Yesu ira aze anvulumutche namalabagola.>>

Lukaji 7:3 ပူးပေါင်းရင်းမြစ်များ

Matewuji 8:5

Yesu avolowaga sidadi ya Kafaranamu, ohozaga musogolrelri mmohi wa anyakondo 100, liye nvepa eraga:

Lukaji 7:2

Kafaranamu ule ohokalawo musogolrelri mmohi wa anyakondo 100. Musogolrelri ule ohokana namalabaye amuziveliwetcha liye. Namalabaye ule afwanyeya agali murenda, ahanle vang'ono ira akwe.

Lukaji 7:4

Andimuwale karumiwe ale kagafiyile wewule, kohonvepaga Yesu muwari momuguzela mendo, aliwa ira: <<Ii, Nabwiya mutuyo uhufwanela ira mmuirele yovepa yaye

Lukaji 8:41

Mwa enne liye agali wewule, ohozaga mulombwana mmohi wenno ali mundimuwa wa nyumba yofundjamo Mazu eriwa Jairo. Liye ohomukana mwanaye wa muhiyana anna yaka kumi na mbinli. Mwanaye ule ali murenda ahanle vang'ono ira akwe. Fwanyeya ira mwana wa muhiyana mmohive anna liye ali wenne. Liye ohozaga kokora vamanyaloni va Yesu amuguzelaga mendo ira Yesu adowe vande vaye ira mwanaye ule awande vulumuwa. Evale Yesu adowaga wewule, atu adjindji kohomuharaga fiyeda mwezo ofinyanaga pandi datene.

Lukaji 9:38

Muwari mwa anamwindji ale, ohokalamo mulombwana mmohi akuwilege molimbiha eraga: <<Namafundjiha, nnouvepani ira mudionele mwanagola, tchoira dinna mmohive wenna.

Juwawu 4:47

Mwa enne ndimuwole agavwile ira: <<Yesu ukumile Judeya, uhufiya muGalileya muno>>, ohodowaga nfwanya, liye nvepa ira: <<Mwanaga unafwanyeya agali murenda, uhanle vang'ono ira akwe. Nnauvepani ira mudowe mwanvulumutche.>>

Filemoni 1:10

Nnauvepa ira umuwatchele mwanaga Onezimo wenno dimbanle miyo dagali mukadeya.