Lukaji 4:1 - Mazu Otchena a Mulungu

¹ Yesu ohokumaga muhindje Jordawu agazaleliwe Munemba Otchena. Evale ohosogolrelriwa na Munemba mmohive wenne ira adowege muisalesaleni.

Lukaji 4:1 ပူးပေါင်းရင်းမြစ်များ

1 Amwene 18:12

Tchoira podi ireya ira miyo dakumaga eva, vinadowege miyo, munemba wa Yehova liye za utukulanivo, udowanani wahaiziwile miyo. Mwa eno, miyo dagadowile muwandela mwene Akabe, azaga ahaufwanyenivo, unagomela dipa. Mbwenye miyo namalaba wenyu, dili mutu omuova Yehova romela uhimani waga.

1 Amwene 19:4

Agamuhiyile namalabaye ule, liye ohovolowelaga mukokolani, liye roma wenda siku nompumbula. Mwa enne ohodowaga, liye garati vati va nfulri wa mwana mutengo mmohi eni. Agagaratile evale, oholobelaga avepaga ukwa eraga: <<Ante va, ikwakwana. So Yehova diwakeni ingumi yaga, tchoira miyo kadili wapama akwaranya makolo aga.>>

Izaiya 61:1

Munemba wa Nabwiya Yehova uli na miyo. Mwasiwa Yehova udihambihile ira daalaleye Muselu Wapama aliba simela. Udirumile ira diwande avulumutcha anno anafwanyeyana kukumuwa mmirimani mwewa, daalaleye kutchiwa atu anno kamangiwe eto ira diwande ahulela anno kafungeliwe mukadeya.

Matewuji 3:16

Yesu agabatiziwe, atavuwaga, mobaranya zulu wohuleya. Yesu againg'anne zulu, ohomuona Munemba wa Mulugu atitaga nnga ha kangayiwa, liye za mbotalri.

Lukaji 2:27

Mulombwana Simeyawu agawandeliwe enne muwari mosogolrelriwa na Munemba Otchena, ohovolowaga Nyumba ya Yehova. Tempu yavolowaga Mariya na Joze kamuzagana mwanole ira kakwakwanelihede nnga mwemo mwawongela malamulo, fwanyeya eto mulombwana Simeyawu ohodowaga liye mutukula mwanole Yesu mmandani mwaye, liye roma mutamalela Mulugu eraga:

Lukaji 3:3

Liye ohoroma wendawenda wandamelana muhindje Jordawu aalaleyaga atu ira katwaruwe eto kabatiziwe ira kaleveleliwe jotega jiwa.

Lukaji 3:38

Kayinani mwana Enosi, Enosi mwana Seti, Seti mwana Adawu, Adawu mwana Mulugu.

Lukaji 4:14

Yesu ohowelela porovinsiya ya Galileya muwari mwa kopolo da Munemba Otchena. Makalelo anna liye kohovweya mwilamboni yatene ya wewule.

Lukaji 4:18

<<Munemba wa Nabwiya uli na miyo. Mwasiwa Nabwiya udihambihile ira daalaleye Muselu Wapama aliba simela eto udirumile ira daalaleye mazu aliba kadeya ira kawomboliwe, aliba haona kaonege, ale anazuzumihiwa kakutchiwe muwari mo zuzuma wewa.

Juwawu 1:32

Eto Juwawu ohomuhidedela Yesu umboni eraga: <<Miyo wanle kadamuiziwile. Mbwenye wenno adirumile abatiza atu na mahindje, ohodiwandela ira: <Wenne unamuone we Munemba Otchena ammorelaga eto aza aimela vazulu vaye, uiziwe ira unafuna abatizaga atu na Munemba Otchena gwenno.> Mwa enne vazile liye dimbatizaga, dohomuona Munemba Otchena ammorelaga kumela zulu kalaga nnga kangayiwa, za imela vazulu vaye. Pa evo vamunonne miyo ira: <Mulugu amuwonga liye gwenna.>

Juwawu 3:34

Mwasiwa wenne urumiwe na Mulugu unawonga ja Mulugu. Tchoira Mulugu avahaga Munemba waye kanahiyededa.

Joira ja Anamarumiwa 1:2

fiyeda siku natukuleliwe liye zulu. Tchoira Yesu ahanadowe zulu, ohasakulra anamarumiwaye. Mwa kopolo da Munemba Otchena, Yesu ohawandela mangano aye, nomala, liye dowa zulu.

Joira ja Anamarumiwa 10:38

Eto muhuiziwa ira Mulugu ohomuhambiha Yesu wa Nazareti na Munemba Otchena na kopolo. Mwa enne liye ohoroma wendawenda airagana jatene japama, aavulumutchaga ale kazuzumihiwa na Diyabo mwasiwa Mulugu ali na liye.

Joira ja Anamarumiwa 8:39

Ndimuwole agamanle batiziwa, kagakumile mmahindjeni mule, Munemba wa Nabwiya ohozaga, mutukula Filipi, liye mudowagana. Eto ndimuwole kamuonne akoka. Masiki eno, ndimuwole ohodowaga muulrendoni mwaye ohagalalene.