Lukaji 3:1 - Mazu Otchena a Mulungu

¹ Vagamanle yaka kumi na tanu romela tempu Tiberiyo Sezare aromile liye kala mwene wa aRoma atene, Ponsiyu Pilatu agali governadore wa Judeya, Erodi agali mwene wa Galileya, mbalaye Filipi agali mwene wa ilambo ya Itureya na ilambo ya Tarakonite eto Lizaniya agali mwene wa ilambo ya Abileme,

Lukaji 3:1 ပူးပေါင်းရင်းမြစ်များ

Jenesesi 49:10

Mulombwana Juda kalivo mutu mmohiwa unafuna muwaka umwene waye, nne ikumbuzo yaye ya umwene, fiyeda tempu inafuna liye za vahiwa umwene waye wa ibaribari. Malogo matene anerege zana mivaho, kanvahege eto atu atenene anerege nvwelela.

Matewuji 14:1

Mwa tempu yenne, mwene Erodi ohovwaga atu kawongaga zela joira ja Yesu.

Matewuji 14:3

Ira Erodi aze awonge eno, mwasiwa na ibaribari malambo a mundulri Erodi ohomuhinda Juwawu, mmangiha eto liye muheliha mukadeya na mwasa wa muhiyanaye Erodiya. Tchoira Erodiya aromile teliwa na Erodi mbalaye wenno aitaniwa Filipi. Evale Erodi ule ere mukumiha mmba. Juwawu akaleletcha musumulula Erodi ira: <<Mwa malamulo a Mulugu, kavili jowandeya ira weyo unonkana muhiyana wenno.>>

Matewuji 14:6

Mwa enne siku nimohi mulombwana Erodi asakanyaga pwando yokwakwaniha yaka daye, mwana Erodiya wa muhiyana ohoinaga vamentoni va atu atene kaitaniwilege vapwandoni vale. Eto ina wainilege liye ule, mulombwana Erodi ohoziveliwa.

Matewuji 22:17

Hiyo nnafuna nufukeni. Moonelramo mwenyu zela misoko, munaona avi? Kodi mwa malamulo ehu inorumelihiwa ira nimpagalrigi Sezare misoko, owu hehi kanimpagalrigi?>>

Matewuji 27:2

Evale aliwa kohommangaga, mudowana, nvaheda governadore Pilatu.

Markuji 6:17

Ira Erodi aze awonge eno, mwasiwa malambo a mundulri Erodi ohomuhinda Juwawu, mmangiha, liye muheliha mukadeya. Liye airele ejo na mwasa wa muhiyanaye Erodiya wenno amukumihile liye mmba. Tchoira muhiyanole ali mwadi mbalaye Filipi.

Markuji 6:21

Mbwenye siku na pwando ya Erodi, akwakwanihaga yaka daye, mwadi Erodi yofuna yaye ira ampe Juwawu yohokwakwana. Siku neno Erodi ohosakanya pwando ilukulu zela umwene waye, liye aitana andimuwa a umwene waye, andimuwa a anyakondo na andimuwa a Galileya ira kaze vapwandoni vale.

Lukaji 13:31

Tempu imohive yawongaga liye enne, kohokalawo aFarizewu amohiwa kazile wa Yesu aliwa muwandela ira: <<Kakumanivo vili nyo va, mutawe. Mwasiwa mwene Erodi unafuna aze aupeni.>>

Lukaji 2:1

Tempu yali Sezare Agustu mwene wa aRoma atene, liye ohokumiha nlamulo ira atu a mwilamboni mwaye mwatene kalrembelriwe ira aiziwe indjiva wa atu atene.

Lukaji 23:24

Mwa enne Pilatu ohorumelaga yovepa yewa.

Lukaji 3:19

Juwawu eto ohomusumulula mwene Erodi mwasiwa liye ohomutela Erodiya wenno amukumihile liye mmba. Tchoira muhiyanole ali mwadi mbalaye Filipi. Juwawu eto omusumulula zela jabure jatene jairetchana Erodi.

Lukaji 9:7

Mwene Erodi ohovwa jatene jaireya. Evale liye agavwile, ohomaliwa zelru, tchoira atu amohiwa kawongetcha ira: <<Wenno unerana ejo gu Juwawu Mbatizi, wire venya mokwani.>>

Joira ja Anamarumiwa 23:26

<<Unalremba gu miyo Kalawudiyu Liziya. Nnoulrembelani nyo Mundimuwa Governadore Felekisi mutu oteteliwa. Nnouvahani malondjelo apama.

Joira ja Anamarumiwa 24:27

Vagavirile yaka mbinli, governadore Felekisi ugovernadore wanvahile atu womala. Ohozawo governadore mmohiwa eriwa Porisiyo Festo. Mbwenye Felekisi ahanavenyevo, mofuna aziveliwiha aJudewu, amuhiyileve Pawulo mukadeya emule.

Joira ja Anamarumiwa 26:30

Vevale mwene Agiripa ohovenyavo. Ora imohive, Governadore Festo na Berenise na andimuwa afwiwa kagaratile evale na aliwene kovenyagavo.

Joira ja Anamarumiwa 4:27

Aliwa koholobelave keraga: <<Mwa ibaribari so Nabwiya, sidadi ili hiyo ila, jatene jawongile Davi jihifiya mwa Yesu. Tchoira nyo mwagamuhambihile Namalaba wenyu Otchena, mwene Erodi na Ponsiyu Pilatu na atu amohi ohokala aJudewu vamohi na aIzarayeli kohogumanela ira kawanawane na liye.