Lukaji 2:9 - Mazu Otchena a Mulungu

⁹ Morurumutcha mungelro mmohi wa Nabwiya ohatwanyuwela eto moneya ulukulu wa Nabwiya woharungunuwaga anamakumbuza atene anne. Evale aliwa kohokana ova wohokala wa masika.

Lukaji 2:9 ပူးပေါင်းရင်းမြစ်များ

1 Amwene 8:11

fiyeda ira anamakuta tchawanda volowa ira kahinde mabasiwa na mwasa wa murambo ule, tchoira undimuwa wa Yehova wohozala muwari mwa Nyumba ya Yehova mule.

Ezodu 16:10

Evale Arawu agawongile na mulogo watene wa Ana Izarayeli, aliwa kovenyiha meswiwa, kaing'anaga muisalesaleni. Evale kohoonaga undimuwa wa Yehova wagazile mmiramboni.

Ezodu 16:7

Eto metchelo na mabebehene munoona undimuwa wa Yehova. Mwasiwa liye uhumala vwa ubure mwawonga nyo zela liye. Kodi hiyo vano nili ani ira nyo muniwongege?>>

Izaiya 35:2

Ilambo yenno inoza ikayena folori didjindji domela oka. Inokana hagalala no imba. Inoza ivahiwe undimuwa wa guguru ya Libano. Inokana makalelo oriya nnga mwango Karimelo na ilambo ya Saromi. Anoza kaone undimuwa wa Yehova no riya wa Mulugu wehu.

Izaiya 40:5

Era eno, undimuwa wa Yehova unoza uoneyihiwe. Atu atene anoza kaone undimuwa waye vamohi. Mwasiwa Yehova mwinnya guwongile jatene eji.>>

Izaiya 60:1

Kavenya we Jeruzalemu uwareye, mwasiwa moneya wawo unaaza eto undimuwa wa Yehova unaukumelela.

Matewuji 1:20

Joze mwa ora yenno yaumbuwela liye zelru dedile, ohokalawo mungelro mmohi eni wa Nabwiya amutwanyuwenlege morohani, liye muwandela eraga: <<We Joze, nkuda Davi, kukukumuwe. Mariya vambani vinna liye jiireyile mwa kopolo da Munemba Otchena. Udowe wamutele, akale muhiyanawo.

Lukaji 1:28

Evale mungelrole agafiyile wewule, ohomulondjela Mariya, nomala liye ira: <<Weyo uli mutu orelihiwa eto Nabwiya uli na weyo.>>

Lukaji 2:8

Fwanyeya ira mutatamoni mmohive emule, mahiyu anne kohokalawo anamakumbuza kafwanyeya mukokolani kaing'anelaga mabila emule.

Lukaji 24:4

Mwa enne kohomaliwaga zelru. Mobaranya, kohokalawo alombwana ambinli kawarilege jowara jojerimela kaakumelenle.

Juwawu 12:41

Ira Izaiya awonge mazu anne mwasiwa ohoona undimuwa wa Yesu, nona awanda wonga zela liye.

Joira ja Anamarumiwa 12:7

Peduru agonaga, morurumutcha ohozaga mungelro wa Nabwiya. Mwa enne mmba mule mohokala moneya. Mungelrole ohomusakwinyaga Peduru nikukuru, liye mururumutcha eraga: <<Kavenya mobaranya.>> Agairile eno, makurenti kaligi mmiwononi mwa mulombwana Peduru kohomoragamo.

Joira ja Anamarumiwa 27:23

Tchoira mahiyu ohoza wa miyo mungelro wa Mulugu wenno uli Mbwiyaga unamutamalela miyo.

Joira ja Anamarumiwa 5:19

Mbwenye vari va mahiyu, ohoza mungelro wa Nabwiya, liye hula milango da kadeya, liye akumihamo anamarumiwa ale,

2 Korinto 3:18

Hiyo atene eto muwari moing'ana undimuwa wa Nabwiya kove dihu dagali dohokuneliwa dene nnasandutchiwa ira nikayena makalelo amohive, hiyo sanduwaga vang'ono vang'ono kwivelagave undimuwa unna liye. Jatene eji jinakumela wa Nabwiya wenno uli Munemba.

2 Korinto 4:6

Tchoira Mulugu wenno awongile ira: <<Moneya uoneye muisini>>, unimoneyela mmirimani mwehu ira anivahe moneya ozela iziwa undimuwa wa Mulugu wewo unafwanyeya vakoveni va Yesu Kiristu.

1 Timoteyo 3:16

Hiyo nnowanda rumelela mohokayikela ibaribari yenno yahaiziweyile wanle zela mutu otchena Yesu ira: Liye ohoza, ohooniwa agawarile maningo. Munemba Otchena ohomuhidedela umboni. Angelro kohomuona. Liye oholaleyiwa muwari mwa malogo madjindji. Kohokala atu kamuroromenle mwilamboni muno. Liye eto ohotukuleliwa zulu na undimuwa wohokala wa masika.

Eberewu 12:21

Jengo jaireya wewule jali jowopiha, fiyeda mwezo Mozeji mwinnya liye wonga ira: <<Ii, miyo nnongurumela muwari moova.>>

Jowandeliwa 18:1

Nomala enne, dohomuona mungelro mmohiwa atitaga, akumelaga zulu, aganna utongi undimuwa eto aganna wareya wohokala wa masika, fiyeda moneyaga mwilamboni mwatene.

Jowandeliwa 20:11

Vevale dohoona mpando mundimuwa otchena wa Umwene eto dohomuona mundimuwa agaratilevo. Agamanle vioneyiha, ilambo ya vati na zulu wene johomutawa eto kavaoneyile nimburo ira jikalevo akoka.