Lukaji 10:2 - Mazu Otchena a Mulungu

² Evale Yesu ohawandelaga eraga: <<Johanda jihisimbwa indjiva eto anamalaba kohoyeva. Nona inafwanela munvepe Mwinnya wa munda ira aarume anamalaba amohiwa ira kadowe mahandelo waye.

Lukaji 10:2 ပူးပေါင်းရင်းမြစ်များ

1 Amwene 18:22

Noira enne, Eliya ohowongaga eraga: <<Miyo meka bahi guhanle muwari mwa anamafiyiheda atene a Yehova, mbwenye Baali uhukana anamafiyiheda 450.

Matewuji 20:1

Mwasiwa Umwene wa zulu unalingana na mulombwana mmohi uli mwinnya wa vande, wenno avenyilege na mabebehene ira adowe aavende anamalaba ira kadowe kalabege mundaye wa uva.

Markuji 13:34

Mwasiwa inaza ikale nnga patarawu unakuma vande vaye, adowaga olapela wene. Liye ahanavenye vande vale unonvaha kada namalaba mabasa anafunege liye laba. Anamalaba atene agamanle agawela mabasa, unomukokomeza eto gwarda uli va mulango ira aing'anelege.

Markuji 16:15

Noira eno, Yesu ohawandelaga anamamuharaye eraga: <<Mudowe mwilamboni mwatene ya vati, mwaalaleye atu atene Muselu Wapama.

Markuji 16:20

Anamamuharaye ale kagahanle, kohodowa laleya mwatene mwene. Muwari molaleya Muselu Wapama, Nabwiya oakamiheda, airagana jionihedo muwari mwa aliwa ira atu kakayena ibaribari zela mazu kalaleya atu]. Kukala mazu Markuji alrembile liye mwa kopolo da Munemba Otchena zela jaira Yesu agali mwilamboni ya vati.

Lukaji 9:1

Noira enne, Yesu ohaitanaga anamamuharaye kumi na ambinli, liye avaha kopolo na utongi otamangiha minemba dabure datene no vulumutcha maurenda.

Joira ja Anamarumiwa 11:19

Atu omuroromela Yesu kabalaleyile na mwasa oharahariwa wewo waromile siku napiwe Estevawu, kohowendawenda fiyeda Fenisiya, Xipire na Antiyokiya. Mbwenye mwatene mwene mwadowa atu, kaalaleya mazu aJudewu afwiwa bahi. Tchamulaleya mutu mmohiwa ja Yesu, ahali muJudewu.

Joira ja Anamarumiwa 13:2

Siku nimohi, aliwa kagagumanne, kamutamalelaga Nabwiya, kajejuwarigi, Munemba Otchena ohawandela, liye ira: <<Nnafuna munkumihevo mulombwana Barnabe na Sawulo, mwaarume ira kadowe kalabege mabasaga anno daafunnena miyo ira kalabege.>>

Joira ja Anamarumiwa 13:4

Evale Barnabe na Sawulo kagarumiwe na Munemba Otchena ira kadowe kalabege mabasa a Mulugu, kohomaruwaga kadowaga sidadi ya Selewusiya. Nokuma evo kohogwela mwadeya, aliwa vira ante vasuwa va Xipire.

Joira ja Anamarumiwa 20:28

<<Mwahala, nyo mwa annya muviing'ane pama. Mwaaing'anele pama eto mabila matene. Mwasiwa Munemba Otchena umala uhambihani ira nyo mukale mabixpu ira mukumbuzege nikuru na Mulugu neno nigunle liye na sangiri naye.

Joira ja Anamarumiwa 22:21

Nabwiya mbwenye ohoira: <Kadowa. Miyo nnouruma ira udowe olapa wene waalaleyege atu ohokala aJudewu a wewo.> >>

Joira ja Anamarumiwa 8:4

Mwa atu omuroromela Yesu kagabalaletchiwe muwari motawa mule, kada mutu olaleya wadowa liye.

1 Korinto 12:28

Ha jano jiwa, Mulugu muwari mwa nikuru na atu omuroromela Yesu, voroma uharuma anamarumiwa. Vowelela uharuma anamafiyiheda. Vowelela uharuma anamafundjiha. Nomala eno, liye uharuma aliba irana jotikiniha, aliba avulumutcha arenda, aliba akamiheda afwiwa, aliba sogolrelra jengo, aliba wonga na viwongelo dohofundjiwa.

1 Korinto 15:10

Miyo malambwala makalelo anna miyo kazenle muwari mwa sayi da Mulugu. Sayi diwa udivahile Mulugu kadivahiwe vasayi vene mbwenye dihilabana mabasa akwaranya anamarumiwa afwaga atene. Dawongaga eno eto, kannawongela ira miyo mabasa anno dilabile na kopolo daga, mbwenye diwandile laba muwari mwa sayi da Mulugu bahi.

2 Korinto 6:1

Nona hiyo muwari molaba vamohi na Mulugu, nnoukokomezani ira mwahawatchele sayi da Mulugu vasayi vene.

Filipo 2:21

Mwasiwa afwaye atene dinna miyo uno, kinavenda jofuna ja Yesu Kiristu, so anavenda jofuna jewa bahi.

Filipo 2:25

Miyo eto dihionamo ira ili yofuneya muruma mbalaga Epaforoditu wenno mwamurumile nyo ira aze adikamihede makatamiho danna miyo. Liye eto unalaba mabasa amohive analaba miyo eto unawana kondo imohive inawana miyo.

Filipo 2:30

Tchoira nfwihu Epaforoditu afuna kwela zela laba mabasa a Kiristu. Voira nyo mwatene kamuwandile za dikamiheda miyo, liye ovelela ingumi yaye muwari mozana jejile jamurumilena nyo ira aze adivahe.

Koloso 1:29

Tchoira miyo dalabaga, dazuzumaga muwari mwa kopolo dilukulu dedo Kiristu unalaba liye muwari mwa miyo, ili ira atene kakale olimba nroromelo.

Koloso 4:12

Mulombwana Epafaraji, wenno uli nkuda waninyu, muzari wa Yesu Kiristu, unoulondjelani. Mulombwana Epafaraji eto unakaleletcha uzuzumelani muwari moulobelelani. Liye aulobelelagani, unanvepetcha Mulugu ira nyo mukale olimba muwari mwa nroromelo eto mukayena ibaribari zela yofuna ya Mulugu inafuna liye ira nyo muiregena.

1 Tesalonika 2:9

Nyo abalihu muhumala iziwa makalelo vere hiyo ora yali hiyo vamohi na nyo. Hiyo nalaba mabasa madjindjene ntana na mahiyu. Muwari moulaleyani Muselu Wapama wa Mulugu, nohokana makalelo olaba na mandihu ira nikayegena kobiri dehu ira nahausimelihegeni.

1 Tesalonika 5:12

Hiyo nnoukokomezani nyo abalihu ira inafwanela mwarihedege andimuwa enyu analaba mabasa a Nabwiya, anausogolrelrani, anaulimbihani.

2 Tesalonika 3:1

Hiyo abalihu, yengo yogomiheda inafuna hiyo nuwandeleni tchi ila. Nnouvepani munilobelelege ira nalaleyaga mazu a Nabwiya, mazu kawande gaweya pama, kawande rihediwa nnga karihediwe atu mwa nyo.

1 Timoteyo 4:10

Tchoira nnorumela laba no onihiwa goyi mwasiwa hiyo yoing'anela yehu inafwanyeya muwari mwa Mulugu Okalawo wenno uli Nvulusi wa atu atene makamaka ale anamuroromela Yesu.

2 Timoteyo 4:5

Weyo mbwenye kukale nnga aliwa. Inafwanela ora ili yatene weyo ukale mutu okana muru wapama, uwande vilela muwari mwa goyi, ulabege mabasa a namalaleya, ukwakwanelihede mabasa a Mulugu anno uvahiwe we.

Filemoni 1:1

Unalremba gu miyo Pawulo, munyakadeya na mwasa olaleya mazu a Yesu Kiristu. Eto nnalremba vamohi na mbalihu Timoteyo. Nnoulrembela weyo Filemoni, mbalihu nnamuziveliwa hiyo eto wenno unalaba mabasa amohive na hiyo.

Eberewu 3:6

Mbwenye Kiristu kahi namalaba bahi. Liye eto gu Mwana ororomeleya osogolrelra vande va Mulugu. Fwanyeya ira akala hiyo nnomuhideda pama wenno nnamuroromela hiyo, akala nnowanda titimiha zela inaing'anela hiyo, nyumba ya Mulugu gu hiyene.

Jowandeliwa 2:1

Liye ohowongagave na miyo adilanyedaga ira: <<Umulrembele mungelro wa nikuru na atu omuroromela Yesu a Efezo mazu oira: <Wenno unna nyenyedi tanu na mbinli mmandani mwaye modjana, unawenda vari va jogoromeyavo panti tanu na mbinli jejo jisakanyiwe na oru, gudiwandenle mazwala. Liye unawonga ira: