Jonasi 4:9 - Mazu Otchena a Mulungu

⁹ Evale Mulugu ohowonga na Jonasi eraga: <<Kodi vevo vihikala mwasa ofuna weyo takaleliwa na mwasa wa yomela iyo?>> Evale Jonasi ohowakula eraga: <<He, va vikala mwasa ofwanela ira ditakaleliwe ante miyo funaga ira dikwe.>>

Jonasi 4:9 ပူးပေါင်းရင်းမြစ်များ

1 Amwene 21:4

Mwa enne mwene Akabe ohowelelaga vande vaye agali otakaleliwene valukulu zela mazu amuwakunle mulombwana Naboti nkuda Jezereli ule, oira: <<Miyo kannauvahani tereno yavahiwe ababaga.>> Liye agadowile vande, ohogonantigi vakamani vaye, liye ing'aniha kove yaye ntchihini eto ohokondaga jodja.

Jonasi 4:1

Mbwenye Jonasi agaonne levelela wa Mulugu, liye kaziveliwile. Ohotakaleliwa valukulu mmirimani mwaye.

Jonasi 4:10

Evale Yehova ohowonga eraga: <<Weyo uhukana tangaranga na yomela yenno yahazanle we eto yahaulukulihile we, yenno izile siku nimohive na mahiyu eto iummile mahiyu oharela.

Jonasi 4:8

Nzuwa nagagwenle, Mulugu ohoruma nipevo nokaha nokumela makumelo wa nzuwa, aliwa za roma tumeya muru wa Jonasi, liye fiyeda hala vang'ono ira ahileye. Noira eno, Jonasi ohovilobelelaga eka ira akwe, liye ira: <<Yapama para miyo ku kwa hiyaniha no kalawo.>>

Matewuji 26:38

Mwa enne ohawandela anamamuharaye araru ale eraga: <<Mmirimani mwaga mwatene muhukala kumbanya undimuwa. Kumbanya unna miyo ku kumbanya undimuwa wowanda dipa. Nyo mbwenye halani veva, muing'anelege vamohi na miyo.>>

2 Korinto 7:10

Tchoira kumbanya okumela wa Mulugu kunazana wanganyeda mbwenye unozana twaruwa wewo unamudowana mutu mavulusiwelo. Mbwenye kumbanya wa ilambo ya vati kunazana twaruwa eto unamudowana mutu makwelo.

Jowandeliwa 9:6

Mwa malambo anne miserebo dile daza mwilamboni, atu anerege sayela ukwa, mbwenye kiza kafwanyaga. Eto aliwa anerege funa nnga kakwe, mbwenye ukwa unerege atawa aliwa.

Anamasogolrelra 16:16

Mwa enne voira muhiyanole omusanyetchave na mazu awonga liye eto omukukumuletcha siku na siku, evale Samisawu ohowaheya, liye fiyeda gomihiwa.