Jonasi 2:2 - Mazu Otchena a Mulungu

² eraga: <<Dohomuitana Yehova mmakatamihoni mwaga. Noira eno, liye ohodiwakula. Dohokuwa dagali Nimburo na Anokwa. Noira eno, nyo mohovwa nizu naga.

Jonasi 2:2 ပူးပေါင်းရင်းမြစ်များ

Izaiya 14:9

<<Nimburo na anokwa nilive nohuleya nene, ira nuwatchele we mwene wa Babiloniya wazaga. Nimburo na anokwa nihimala venyiha minemba da atu okwa, ira dulondjele weyo. Nimburo na anokwa nihimala venyiha minemba da atu kasogolrelretcha ilambo ya vati, nihimala aimeliha mmipandoni da umwene, atene kafwanyeya kagali amwene a malogo a atu.

Matewuji 12:40

Tchoira sawasawa nnga mulombwana Jonasi ohomala malambo mararu ntana na mahiyu mbani mwa somba indimuwa, Mwana wa Mutu na liyene unomala malambo mararu ntana na mahiyu vati va teya.

Lukaji 11:10

Tchoira mutu uli watene unavepa, unovahiwa. Eto mutu wenne unavenda, unofwanya. Eto mutu wenne unagogoda, unohuleliwa.

Lukaji 22:44

Yesu mbwenye agalive mugoyini, oholobelaga na kopolo. Muwari molobela mule ohoromaga kuma kalruma. Kalruma nakumaga, nakalaga nnga matoto malukulu a sangiri kamorelaga vati.

Joira ja Anamarumiwa 2:27

Miyo dihiiziwa ira nyo Mulugu kamunahiya munemba waga dowa Nimburo na Anokwa. Miyo dihiiziwa ira nyo kamunamuhiya Mutu wenyu Otchena maningo aye kavunda, nari.

Eberewu 5:7

Muwari mwa malambo Yesu awarile liye maningo, olobela no kuwa ulukulu na misodi anvepaga wenno awanda muwombola mokwani. Jalobela liye jovweya mwasiwa liye ohorumela irana jofuna ja Mulugu.

1 Samuweli 1:16

Eto kamudione miyo namalaba wenyu nnga dili muhiyana ohokana mabasa. Tchoira miyo dikalele eva dilobelaga na mwasa okukumuwa wohokala wa masika no kumbanya undimuwa unafwanyeyana miyo.>>

1 Samuweli 30:6

Evale alombwana a Davi ale muwari mojamo zela ahimiwa na ahiyana anno katukuliwe, kohowongaga ira: <<Ndoweni nimpeni Davi na mabwe.>> Evale Davi agaonne enne, ohokukumuwaga valukulu. Mbwenye ohovilimbihedaga kopolo daye muwari mwa Yehova Mulugu waye.