Jenesesi 7:4 - Mazu Otchena a Mulungu

⁴ Tchoira vavira malambo matanu na menli, miyo nnorumbwiha muzongwe mwilamboni ya vati ntana na mahiyu fiyeda malambo 40 muzongwe arumbwaga. Mwa eno, nnotimiha jengo jatene jene ja ingumi jipandutchile miyo.>>

Jenesesi 7:4 ပူးပေါင်းရင်းမြစ်များ

Jenesesi 2:5

makupu a mukokolani kali kahanamele eto jalo ja mmindani jali jahanamele mwilamboni ya vati. Tchoira Yehova Mulugu ali ahanarumbwihelemo muzongwe, nne eto mutu olima teya ali ahanakalemo.

Jenesesi 6:13

Evale Mulugu ohomuwandela Nowe eraga: <<Miyo nnafuna daatolotche atu atene mwasiwa ilambo imala zala irelana ubure. Nona nnafuna daatolotche atu atene vamohi na ilambo ya vati yatene.

Jenesesi 6:17

Tchoira miyo nnoza dirume mahindje madjindji, kavuhelele ilambo yatene ira katolotche jovuma jatene jili mwilamboni. Jatene jene jinafwanyeya ilambo ya vati jinotolowa.

Jenesesi 6:3

Evale Yehova ohowonga eraga: <<Yovuma inavaha miyo, kinakalegeve mwa atu kala no kala. Tchoira aliwa joira jiwa jihimala viringana. Nona, malambo ewa mwilamboni anafuna kakale yaka 120.>>

Jenesesi 6:7

Yehova moona ejile, ohowonga ira: <<Nnoatolotcha atu atene daapandutchile miyo ira kahafwanyeye mwilamboni. Roma atu, dowa vinyama, na jomburunuwa jatene, na mbalrame datene nnavava zulu, mwasiwa dapandutchele miyo kadizi.>>

Jenesesi 7:10

Vagamanle malambo matanu na menli, mahindje madjindji kohoroma za mwilamboni ya vati.

Jenesesi 7:12

Mwa enne mwilamboni ya vati mohokala muzongwe mudjindji fiyeda malambo 40, arumbwaga ntana na mahiyu.

Jenesesi 7:17

Muzongwe mudjindji ule amanle malambo 40 arumbwagave. Mwa enne mahindje kohozala mwilamboni ya vati fiyeda mwadeya ule venya, roma mbelruwa vazulu va mahindje.

Jenesesi 7:3

Eto mwa mbalrame datene utukulege tanu na mbinli da alombwana, tanu na mbinli da ahiyana. Uirena eno ira uwande koya vinyama na mbalrame ira musogolro dikale mbewu mwilamboni ya vati.

Jenesesi 8:10

Evale liye ohodediha ante malambo amohiwa matanu na menli. Noira eno, ohoiruma kangayiwa akoka.

Jenesesi 8:12

Evale liye ohodediha ante malambo amohiwa matanu na menli, noira eno ohoiruma kangayiwa akoka. Mbwenye fendo yenne kangayiwa ile tchawelile.

Jenesesi 8:2

Mihindje dapunle mahindje okumela vati dohofungeya. Eto majanela a zulu kohofungeya eto muzongwe okumela zulu ohomiyala.

Jowandeliwa 3:5

Mutu wenno unagondjihe, unowarihiwa jowara jotchena eto miyo kadiza ditimiha nzina naye muwari mwa Livuru na Ingumi. Eto nnoza dimurumelele vamentoni va Baba na angelrwaye ira: <<Na ibaribari mutula gwaga!>>