Jenesesi 38:9 - Mazu Otchena a Mulungu

⁹ Mbwenye Onani ohovayela iziwa ira: <<Eni masiki miyo dimbale mwana na muhiyanola, mwana unafuna miyo mbala kanakala waga, unakala wa mbalaga ukwile.>> Mwa enne liye agonaga na mulamwaye ule, ilombwaniwa atatilela vati, mwasiwa kafuna mbala mwana ira akale wa mbalaye ukwile.

Jenesesi 38:9 ပူးပေါင်းရင်းမြစ်များ

Jenesesi 38:10

Yenne yairana liye yali yengo yotakala vamentoni va Yehova. Na mwasa wenne, Yehova ohompa na liyene.

Detoronomiyo 25:5

<<Kakalawo alombwana angasi angasi kabaliwe ingulu imohive, kakalaga vamohi, mwa enne mmohi amutela muhiyanaye eto afiyeda kwa ahambanlena mwana wa mwanapongwe, kavikale jowandeya ira muhiyanole adowe ateliwe na mulombwana mmohiwene. Inafwanela marafula ule mbalaye avenye adowe amutele.

Detoronomiyo 25:6

Mwa enne mwana murandji wa mwanapongwe wenno unambalena liye, gunafuna halana nzina na marafula wenno ukwile ira nzina naye nahadimele ilambo ya Izarayeli.

Titu 3:3

Tchoira wanle na hiyene nali atu a uvuruvuru. Nali atu ohoharihamo, nali atu onyengiwa. Wanle hiyo nali azari ohara jofuna na joira jidjindji jaziveliwa hiyo. Malambo matene nawenda na ubure no kalelana nrima, naaidaga afwihu eto aliwa kaniidaga hiyo.

Tiyagu 3:14

Mbwenye akala nyo mmirimani mwinyu muhuzala kalelana nrima no visogolriha, kamuvititimihe ira muli atu a zelru. Mwavititimiha eno, kamuwongile ibaribari, muhunama.

Tiyagu 3:16

Tchoira wewo uli kalelana nrima no visogolriha, ku wewo unafwanyeya gudulana na joira jatene jotakalave.

Tiyagu 4:5

MMazuni munofwanyeya mazu oira: <<Munemba wenno uli muwari mwa hiyo unokana sandje dohokala da masika.>> Kodi nyo munaona nnga mazu anno kawongiwele vasayi?

Ruti 1:11

Mbwenye Nowemi ohawakulaga eraga: <<Nari anaga, inafwanela nyo muwelele mmavande mwinyu! Kodi mwasiwa gwa nni munafunele nyo ira mudowege vamohi na miyo? Tchoira miyo eni mbani mwaga muhugoma. Kadinna yoing'anela yokana ahima amohiwa ira kawande utelani.

Ruti 4:10

Eto muwari mogula mule, miyo nnomutela Ruti nkuda Mowabe, wenno ali mwadi marafula Malomi ira jorayela jile jikalegeve na abali a marafula. Mwa eno, nzina naye nneregeve dowa vari va abalaye eto vari va atu a sidadi yenno yabaliwe liye. Nyo peno munafwanyeya mwagali amboni zela jejo.>>