Jenesesi 38:2 - Mazu Otchena a Mulungu

² Agali wewule, Juda ohomuonaga namwali mmohi. Namwali ule babaye ali nkuda Kana eriwa Suwa. Evale Juda ohomutela mwana Suwa ule, aliwa gonaga vamohi.

Jenesesi 38:2 ပူးပေါင်းရင်းမြစ်များ

Jenesesi 24:3

ira miyo dulumbelihe mwa nzina na Yehova, Mulugu wa zulu eto Mulugu wa ilambo ya vati ira weyo kuza umuteliha mwanaga na muhiyana wa mwilamboni munakala miyo muno mwa Kana.

Jenesesi 28:1

Evale Izaki ohomuitanihaga Jako, liye mureliha. Eto Izaki ohomuwandelaga eraga: <<Kumutele muhiyana wa ilambwela ya Kana.

Jenesesi 3:6

Muhiyanole agavwile mazu anne, agaonne ira jovaha ja mutengole jali jofwanela djiwa, joriyela meso eto jali jofuneya movaha zelru, ohatcha, liye dja, nvaha mamunaye, na liyene liye dja.

Jenesesi 34:2

Mwa enne mulombwana Amori nkuda Evi, musogolrelri wa ilambo yenne, ohomukana mwanaye mmohi aitaniwa Sikemu. Mwanayele Sikemu agamuonne Dina, ohomutukula dowa murarutcha momuhindela.

Jenesesi 46:12

Juda aabanle anapongwe ala: Eri, Onani, Sela, Pereji, na Zera. Mbwenye Eri na Onani kakwile kagali ilambo ya Kana. Pereji aabanle anapongwe ala: Ezironi na Hamuli.

Jenesesi 6:2

Evale ana Mulugu a alombwana kagaaing'anile ahiyana anno kaabanle atwale, kohaona ira kali ahima obaleya. Evale aliwa kohodowa, aliwa asakulra anne kaafunne atu, aliwa atukula ira kakale ahiyaniwa.

Jenesesi 6:4

Muwari mwa tempu yenne kohokalawo atu alukulu a kopolo kaitaniwa aNefili. Eto ahima a Mulugu ale kagaagonnena ahiyana ale, ahima kaabanle atu kali alukulu, a kopolo eto kali atu ovweya malambo anne.

2 Samuweli 11:2

Siku nimohi na tchiguwo, mwene Davi ohovenyaga vakamani vaye vavuma liye, liye gwela vazulu va palasiyo yaye ya umwene, roma wendawendaga evale. Mwa enne agali vazulu evale, ohomuonaga muhiyana mmohi eni ahambaga. Fwanyeya ira muhiyanole ali muhiyana oriyetchetcha.

1 Koronika 2:3

Juda aabanle anapongwe ala: Eri, Onani na Sela. Ahima araru anna, aabanle na muhiyanaye Batisuwa nkuda Kana. Fwanyeya Juda mwanaye oroma wenno aitaniwa Eri, Yehova ohompa mwasiwa ali mutu osakanya jabure vamentoni va Yehova.

2 Korinto 6:14

Kamurumele mangeleliwa vamohi na atu ohomuroromela Yesu, mwasiwa mangeleliwa wewo ku mangeleliwa wohokala pama. Kodi irana upama no irana ubure unowenda vamohi? Kodi moneya unowandana na isi?

Anamasogolrelra 14:2

Agamuonne muhiyanole, liye dowa muwandela babaye na mmaye, kwi: <<Dihimuona muhiyana mmohi muwari mwa aFilistewu, sidadi ya Timina. Nnafuna mudowe mwanitelihe, akale muhiyanaga.>>

Anamasogolrelra 16:1

Noira eno, mulombwana Samisawu ohodowa Gaza. Agadowile wewule ohomuona muhiyana mmohi eni ali puta, evale ohomugonana.