Jenesesi 27:2 - Mazu Otchena a Mulungu

² Evale babaye ule ohomuwandela, liye ira: <<Weyo unodiona eni, miyo dihimala ulula. Siku nnafuna miyo kwa kadizi.

Jenesesi 27:2 ပူးပေါင်းရင်းမြစ်များ

Jenesesi 27:3

Inafwanela utukule josayana jawo, utukule urwawo na mafumwiwa, udowe kokolani wasaye, udizelena nyama.

Jenesesi 47:29

Evale Izarayeli agaonne ira: <<Eni yaka da ingumi yaga nnaya mamalelo>>, ohomuitana mwanaye Joze, liye muwandelaga eraga: <<Akala munodifwewela murima, dera muhele ndanda ninyu vatambalani vaga va, mulumbele ira munodiirela upama na makalelo anafuna miyo uvepa. Miyo yovepa yaga, nnauvepani ira dakwa, kamudikoye ilambo ya Ijipitu ila.

Jenesesi 48:21

Nomala eno, Izarayeli ohowonga na mwanaye Joze eraga: <<Weyo unodiona eni mwanaga, dihanle vang'ono ira dikwe. Mbwenye miyo dakwa, Mulugu unakalave na nyo, ante unofiyeda ukumihanimo mwilamboni muno, auwelihedeni ilambo ya makolo enyu.

Izaiya 38:1

Mwa malambo anne, mwene Ezekiya ohoroma bulela, fiyeda liye hala vang'ono ira akwe. Mwa enne namafiyiheda Izaiya mwana Amoji ohozaga, liye nfwanya muwandela ira: <<Yehova unawonga ira: <Usakanyede jatene ja vande vawo. Tchoira weyo kunakalawo, unagomela kwa.> >>

Izaiya 38:3

<<Yehova nnouvepani ira muumbuwele makalelo diwendile miyo vamentoni venyu mwa ibaribari eto na murima waga watene, disakanyaga jofwanela vamentoni venyu.>> Mwa enne mwene Ezekiya ohonlaga valukulu.

Markuji 13:35

Na nyenne ifwanele muing'anele, mwasiwa siku nnafuna za maliba vande kamuiziwile. Akala unatwanyuwa na tchiguwo, akala unaza vari va mahiyu, akala unaza mitumbi dinlaga, akala unaza na mabebehi kamuiziwile.

Tiyagu 4:14

Mwawongaga eno, kodi nyo inafuna ireya metchelo muhuiziwa? Ingumi yenyu tchi nni? Ingumi inna nyo inakala nnga ifunga inaoneya ora ya vang'ono, amala aliwa balaleya.

1 Samuweli 20:3

Davi ohowongagave na Jonata eraga: <<Miyo nnalumbela ira babawo uhuiziwa ira weyo udifwewela murima. Nona liye hauwandelaga, mwasiwa uhuiziwa ira: <Mwanaga Jonata uhuwandana na Davi. Dera dimuwandele ira nnafuna dimpe Davi, liye unerege kana kukumuwa ulukulu mmirimani mwaye.> >> Davi ohowongagave eraga: <<Miyo mbwenye nnawonga vamentoni va Yehova okalawo eto nnawonga vamentoni vawo ira miyo na ibaribari eni ukwa unodihara, uli vakwikwive na miyo!>>