Jenesesi 26:3 - Mazu Otchena a Mulungu

³ Inafwanela ukale ilambo yenna nnga mutu oza. Miyo nnakala na weyo eto nnoureliha. Tchoira miyo nnouvaha weyo na ahimawo ilambo yatene yenna, dikwakwanelihedaga lumbela walumbenle miyo na babawo Abarahamu.

Jenesesi 26:3 ပူးပေါင်းရင်းမြစ်များ

Jenesesi 12:7

Evale Yehova ohomutwanyuwelaga mulombwana Abaramu, liye muwandela ira: <<Miyo nnouvaha ilambo yenna ira ikale ya ahimawo a musogolro.>> Noira enne, Abaramu ohomanga evale ibuwa ya mukuto wa Yehova wenno amutwanyuwenle.

Jenesesi 13:15

Tchoira ilambo yatene inaona we, nnouvaha weyo vamohi na ahimawo a musogolro ira ikale yewa kala no kala.

Jenesesi 13:17

Uvenye uwendawendege pandi datene mugomenle ilambwela. Tchoira miyo nnafuna duvahe ilambo yenna.>>

Jenesesi 15:18

Siku nenne Yehova ohosakanyaga yopangana na Abaramu eraga: <<Nnoavaha ilambwela ahimawo a musogolro romela muhindje wa Ijipitu, fiyeda muhindje mulukulu wa Eufarati.

Jenesesi 17:19

Mbwenye Mulugu ohomuwakula Abarahamu eraga: <<Hehi. Na ibaribari muhiyanawo Sara unoza ambale mwanapongwe na weyo. Mwanole abaliwa, unvahe nzina na Izaki. Miyo nnaza disakanye yopangana yaga ya mukalakala na mwana wenno unafuna we mbala vamohi na ahimaye a musogolro.

Jenesesi 17:8

Miyo nnoza duvahe weyo vamohi na ahimawo a musogolro ilambo yatene yenna ya Kana, ilambo yenna inafwanyeya we wagali mutu oza ira ize ikale yewa kala no kala. Eto miyo nnokala Mulugu wewa.>>

Jenesesi 20:1

Abarahamu ohotama, liye dowa ilambo ya Negebe, vari va Kadeji na Suri. Noira enne, ohodowaga garati pama pama ilambo ya Jerari nnga mutu oza.

Jenesesi 25:11

Abarahamu agakwile, Mulugu ohomureliha mwanaye Izaki. Ora yenno Izaki akala wandamelana isime ya Beri-Layi-Royi.

Jenesesi 26:12

Mulombwana Izaki oholima munda mwilamboni mwemule mwakala liye. Agalimile yaka imohive yenne, ohanda jodja jidjindji johokala ja masika mwasiwa Yehova ohomureliha.

Jenesesi 26:14

Ohokana mabila na ng'ombe didjindji vamohi na anamalaba adjindji. Evale aFilistewu kohoroma musilrilra.

Jenesesi 26:24

Agafiyile wewule, mahiyu a siku nimohive nenne, Yehova ohomutwanyuwela eraga: <<Miyo dili Mulugu wa babawo Abarahamu. Kuove! Miyo dili na weyo. Na mwasa wa namalabaga Abarahamu, miyo nnoureliha eto nnouvaha ahima adjindji.>>

Jenesesi 28:13

Eto Yehova afwanyeyaga vakwikwive na liye. Mwa enne ohomuwandelaga ira: <<Miyo dili Yehova, Mulugu wa babawo Abarahamu na Mulugu wa Izaki. Miyo nnouvaha weyo vamohi na ahimawo ilambo yenna igonatile we ila.

Jenesesi 28:15

Na ibaribari miyo dili na weyo, nnerege uing'anela mwatene munayege we eto nnoza duwelihede ilambo yenna. Miyo kadiza duhiya, fiyeda dikwakwanelihede jatene juwandenle miyo.>>

Jenesesi 31:3

Evale Yehova ohomuwandela Jako eraga: <<Venya uwelele ilambo ya ababawo na ilambo ya atu a nlogo nawo. Miyo nnokala na weyo.>>

Jenesesi 35:12

Ilambo yenno danvahile miyo Abarahamu na Izaki, nnouvaha weyo eto nnoza daavahe ahimawo a musogolro.>>

Jenesesi 39:2

Potifare agamugunle Joze, ohomudowana vande vaye, kala muzari waye. Yehova omusogolrelra Joze. Mwa enne jatene jene jomuwendela pama, liye kalagave vande va muIjipitu ule.

Jenesesi 39:21

Mbwenye Yehova alive na Joze, liye muirelaga upama eto ohosakanya ira musogolrelri wa kadeya ule amuona Joze, amufwewele murima.

Jenesesi 48:21

Nomala eno, Izarayeli ohowonga na mwanaye Joze eraga: <<Weyo unodiona eni mwanaga, dihanle vang'ono ira dikwe. Mbwenye miyo dakwa, Mulugu unakalave na nyo, ante unofiyeda ukumihanimo mwilamboni muno, auwelihedeni ilambo ya makolo enyu.

Jenesesi 50:24

Siku nimohi Joze ohowonga na abalaye ira: <<Miyo eni dihanle vang'ono ira dikwe. Mbwenye Mulugu unoza aukamihedeni, aukumihenimo muIjipitu muno ira audowenani ilambo yenno yalumbenle liye avaha makolo ehu Abarahamu, Izaki, na Jako.>>

1 Koronika 16:16

Yopangana yenno tcheniyo yasakannye liye na Abarahamu, na yolumbela yenno alumbenle liye na Izaki.

Ezodu 2:24

Mulugu ohovwa nla wewa eto ohoumbuwela yopangana yasakannye liye na Abarahamu na Izaki na Jako.

Ezodu 3:12

Mulugu ohomuwakula liye ira: <<Miyo nnokala na weyo. Eto ionihedo inafuna miyo uvaha yooniha ira miyo guurumile, tchi ila: Waakumihamo atwaga muIjipitu, munoza muditamalele miyo Mulugu vamwangoni vili hiyo va.>>

Ezodu 6:4

Tempu yakaletcha atu ilambo ya Kana nnga alendo, dohosakanya yopangana yaga na aliwa ira: <Vasogolro ilambwela ya Kana inoza ikale yenyu.> >>

Ezodu 6:7

Miyo nnoutukulani ira mukale atwaga, eto miyo nnokala Mulugu wenyu. Eto nyo munoiziwa ira miyo dili Yehova Mulugu wenyu, wenno unaurulani mitolro dupwatelihileni aIjipitu.

Ezodu 6:8

Miyo nnoudowanani ilambo yenno yalumbenle miyo avaha makolo enyu Abarahamu, Izaki na Jako. Ilambo yenno miyo nnouvahani ira ikale yenyu. Miyo dili Yehova.> >>

Izaiya 43:2

Walambuwaga muwari mwa mahindje, miyo nnokala na weyo. Walambuwaga mihindje, mihindje dile kannaubwabwiha. Waviraga vamunloni, kunaja eto nne malumi a munlo kinautumeya.

Izaiya 43:5

<<Kuove. Miyo dili na weyo. Miyo nnoawelihawo ahimawo uli atu makumelo wa nzuwa. Miyo nnoagumaniha ahimawo uli atu mavirelo wa nzuwa.

Detoronomiyo 1:8

Tchoira ilambo yatene yenna dihimala uvahedani ira vasogolro ikale yenyu. Mumaruwe, mudowe mwatukule ilambo yenno miyo Yehova dalumbenle miyo na makolo enyu Abarahamu, Izaki na Jako ira daavahe aliwa vamohi na ahimiwa a musogolro.>

Detoronomiyo 34:4

Eto Yehova ohomuwandela Mozeji eraga: <<Ila tchi ilambo yenno yalumbenle miyo na Abarahamu, Izaki na Jako, diiraga: <Nnoza daavahe ahiminyu a musogolro.> Miyo nnauoniha ira uing'ane na meso awo bahi, mbwenye weyo ilambo yenne kunavolowa.>>

Filipo 4:9

Inafwanela muiregena jatene jufundjihileni miyo eto inafwanela muiregena jengo jatene duvahedileni miyo eto jatene jivwile nyo na miyo eto jatene jidionnena nyo diiragana. Mwairana jatene ejo, Mulugu wenno unavaha murendele unousogolrelrani.

Eberewu 11:9

Muwari mwa nroromelo naye liye ohowanda dowa garati ilambo yenno Mulugu apanganne liye ira anvahe nnga mutu oza. Liye kamangile nyumbaye, mbwenye akala mmisasani vamohi na Izaki na Jako, anno kawatchenle nipangano nimohive.

Eberewu 6:17

Nona Mulugu na liyene ira awande aoniha ale kafuna watchela nipangano naye ira mwa ibaribari jofuna jaye kajinatchindjeya, agawongile nipangano naye, liye eto ohowendjeda yolumbela yaye.