Jenesesi 24:3 - Mazu Otchena a Mulungu

³ ira miyo dulumbelihe mwa nzina na Yehova, Mulugu wa zulu eto Mulugu wa ilambo ya vati ira weyo kuza umuteliha mwanaga na muhiyana wa mwilamboni munakala miyo muno mwa Kana.

Jenesesi 24:3 ပူးပေါင်းရင်းမြစ်များ

Jenesesi 14:19

Aganvahile, Melikezedeki ohomureliha Abaramu eraga: <<Mulugu Okwaranya Jatene, Mwinnya wa ilambo ya zulu na ilambo ya vati aurelihe we Abaramu.

Jenesesi 14:22

Mbwenye mulombwana Abaramu ohomuwakulaga eraga: <<Miyo nnovenyiheda mandagala zulu, nnolumbela vamentoni va Yehova, Mulugu Okwaranya Jatene, Mwinnya wa ilambo ya zulu na ilambo ya vati

Jenesesi 21:23

Nnauvepa ira na makalelo mamohive nnga upama nnauirela miyo, na wenne udiirele upama miyo vamohi na atu a ilambo yenna unakala we wagali mutu oza. Mwa eno, miyo nnouvepa ira peno veva ulumbele vamentoni va Mulugu ira kuza udinyenga miyo nari ahimaga dinna miyo nari azulaga.>>

Jenesesi 24:7

Mwasiwa Yehova, Mulugu wa zulu, wenno udikumihile vande va ababaga, na ilambo ya abalaga, wenno uwandile diwandela eto alumbela ira: <Miyo nnonvaha mwana unafuna we mbala ilambo yenna>, unomuruma mungelro waye ira akale vasogolro vawo ira weyo uwande fiya ilambo ya abalaga wamutukule muhiyana wewo ira mwanaga amutele.

Jenesesi 27:46

Evale Rebeka ohodowaga wonga na mamunaye Izaki, liye ira: <<Miyo dahagomana ahiyana aEti anna Ezawu waatenle liye ala. Jako amutela muEti, namurala wa mwilamboni muno, nnga jiirile mbalaye Ezawu ji, era eno, tchapama miyo dikwe wene.>>

Jenesesi 28:1

Evale Izaki ohomuitanihaga Jako, liye mureliha. Eto Izaki ohomuwandelaga eraga: <<Kumutele muhiyana wa ilambwela ya Kana.

Jenesesi 28:8

Mwa enne Ezawu agaiziwile ira ahiyana a ilambo ya Kana ile babaye Izaki kaafuna,

Jenesesi 34:9

Inafwanela nitelanege. Nyo mwaatelege anamwali ehu eto na hiyene naatelege anamwali enyu.

Jenesesi 38:2

Agali wewule, Juda ohomuonaga namwali mmohi. Namwali ule babaye ali nkuda Kana eriwa Suwa. Evale Juda ohomutela mwana Suwa ule, aliwa gonaga vamohi.

Jenesesi 47:31

Mbwenye Jako ohokalelave ntindi eraga: <<Kalumbelani!>> Evale Joze oholumbela vamentoni vaye. Eto Izarayeli ohokokorelaga miruzuni wa kama yaye.

Jenesesi 50:25

Evale Joze ohalumbeliha abalaye Ana Izarayeli ale eraga: <<Mwa ibaribari Mulugu unoza aukamihedani ira muvenyemo muIjipitu muno. Nnauvepani ira mwadowaga, makuvaga munahiye.>>

Jenesesi 6:2

Evale ana Mulugu a alombwana kagaaing'anile ahiyana anno kaabanle atwale, kohaona ira kali ahima obaleya. Evale aliwa kohodowa, aliwa asakulra anne kaafunne atu, aliwa atukula ira kakale ahiyaniwa.

Jenesesi 6:4

Muwari mwa tempu yenne kohokalawo atu alukulu a kopolo kaitaniwa aNefili. Eto ahima a Mulugu ale kagaagonnena ahiyana ale, ahima kaabanle atu kali alukulu, a kopolo eto kali atu ovweya malambo anne.

2 Amwene 19:15

Noira enne, mwene Ezekiya oholobelaga wa Yehova eraga: <<Yehova Mulugu wa Izarayeli munakala vari va akerubi, nyo bahi guli Mulugu wa maumwene atene a ilambo ya vati. Nyo gusakanyile ilambo ya zulu na ilambo ya vati.

Ezodu 20:7

<<Kamuromolege nzina na Yehova Mulugu wenyu vasayi. Mutu wenne unaromole nzina naga vasayi, miyo dagali Yehova nnomubalra nnga mutu okana mulandu.

Ezodu 22:11

mutu wenne akoyile alumbele vamentoni va Yehova ira: <Uirilena kahi miyo.> Evale mwinnyole arumele yolumbela ya nfwaye. Jaireya enne nfwaye ule kanapagalri zela yenno idimenle.

Ezodu 23:13

<<Muharihegemo jengo jatene juwandenleni miyo. Eto kamuromolege mazina a amilugu amohiwa. Nne vamilomoni venyu kavivweyege mazina ewa.

Ezodu 34:16

Mwawandana na aliwa, munofiyeda ateliha ahima enyu na anamwali a wewule eto tempu inafuna atu dowa raruwaga na amilugu ewa, anoanyenga ahiminyu ira na aliwene kadowe kararuwege na amilugu ewa ale.

Izaiya 45:23

Dihilumbela na nzina naga, vamilomoni vaga vihikuma mazu a ibaribari. Anno kiza katchindjeya. Nibodo natene nnoza nidikokorele eto nlumi nili natene nnoza nilumbelele na nzina naga.

Izaiya 48:1

Kavwani nyo akuda Jako, nyo munaitaniwa na nzina na Izarayeli, nyo mukumile muwari mwa vizulu da Juda eto munalumbela na nzina na Yehova eto munaromola nzina na Mulugu wa Izarayeli. Mbwenye ejo kamunairana muwari mwa murima wa ibaribari na wapama.

Izaiya 65:16

Fiyeda ira mutu wenne unavepe mareliho mwilamboni, unavepege na nzina na Mulugu wa ibaribari. Eto mutu wenne unalumbele mwilamboni, unalumbelelege na nzina na Mulugu wa ibaribari. Tchoira tempu yenno zuzuma watene waireyetcha unoza udiwaliwe eto na miyene kannaumbuwelege zuzuma uvirile.

1 Korinto 7:39

Muhiyana uteliwe uli omangiwene na mamunaye wenno pakana siku nnafuna kwa mamunaye. Mbwenye mamunaye agakwile, liye unowanda teliwa na mulombwana wenno unanfuna liye. Malringana katelane muwari mwa Nabwiya.

Detoronomiyo 10:20

<<Mmuovege Yehova Mulugu wenyu, mmulabege liyene eto mmuhidede liyene bahi eto mwafunaga lumbela, mulumbelege na nzina naye bahi.

Detoronomiyo 6:13

Mmuovege Yehova Mulugu wenyu, mmulabege liyene eto mulumbelege na nzina naye bahi.

Eberewu 6:16

Tchoira atu karunihagana bure, kafunaga maliha runihana wewa, anolumbeletcha na nzina na mundimuwa oakwaranya aliwa. Mutu alumbela enne, tapulela ira iwongile liye tcha ibaribari.

Jozuwe 2:12

Nona nnauvepani ira nyo mulumbele na nzina na Yehova ira munoza mudiirele miyo na atu a muibalini mwaga upama nnga duireleni miyo. Inavepa miyo, nnafuna mudivahevo ibaribari ira diiziwege

Anamasogolrelra 14:3

Mbwenye babaye vamohi na mmaye kohonfuka, aliwa ira: <<Mwasiwa gwa nni we funaga dowa mutela muhiyana muwari mwa aFilistewu, atu ohoineliwa nnga anne? Kodi muwari mwa nlogo nehu owu hehi muwari mwa aIzarayeli atene kalimo muhiyana ofwanela ira umutele?>> Evale Samisawu ohomuwandelaga babaye eraga: <<Miyo difunne mwaditelihe na liyene, mwasiwa liye uhudiriyela.>>

1 Samuweli 20:17

Evale Jonata ohomuwongana Davi ira: <<Miyo nnafuna ulumbele akoka zela zivelana wehu.>> Jonata amulumbelihaga Davi fendo yanembinli ali na mwasa oira liye omuziveliwa nfwaye Davi ule nnga mwaviziveliwela liye mwinnya.

1 Samuweli 30:15

Davi ohonfukagave, liye ira: <<Weyo podi ditukula, didowana wewo unafwanyeya amadjuba afwawo?>> Liye ohowakula, liye ira: <<Miyo nnouvelelani. So murome lumbela na nzina na Mulugu ira daufiyihaniwo, nyo kamunadipa eto nne kamunadivelela mmandani mwa mbwiyaga akoka!>> Mwa enne Davi ohorumela.