Jenesesi 22:3 - Mazu Otchena a Mulungu

³ Unde wagatchile na mabebehene, mulombwana Abarahamu ohoreba kuni dotumeyana mukuto, liye hela yogaratela vaburuni vaye. Ohatukula azombwe ambinli kafwanyeya kagali anamalabaye vamohi na mwanaye Izaki, aliwa venyihana dowaga nimburo nenne namuwandenle Mulugu.

Jenesesi 22:3 ပူးပေါင်းရင်းမြစ်များ

Jenesesi 17:23

Siku nimohive nenne Abarahamu ohoirana nnga mwemo mwamurumele Mulugu. Ohomutukulaga mwanaye Jomayili na ahima atene kabaliwe vande vaye nari atu aagunle liye na kobiri, malringana wenno afwanyeya agali mulombwana vande vaye, atene Abarahamu ohainela mogwada tembe nnakala sogolro wa yano ya ilombwana.

Jenesesi 21:14

Noira enne, mmetcheloni muwa na mabebehene, mulombwana Abarahamu ohovenya, liye tukula pawu na kantilu osakanyiwa na tembe mwagali mahindje, liye nkapatchiha Agari. Eto ohonvaheda mwanaye ule, liye muruma ira adowege. Evale Agari agatamangihiwe, ohovenya apupuruwaga, awendaga muwari mwa kokola ya Beriseba.

Jenesesi 22:18

Eto muwari mwa ahimawo a musogolro, malogo matene a ilambo ya vati anoza karelihiwe, mwasiwa weyo uvwelela yaurumile miyo.> >>

Jenesesi 22:2

Evale Mulugu ohomuwandela, liye ira: <<Umutukule Izaki mwanawo mmohive unna we, wenno unamuziveliwetchetcha we, umudowena mwango nnafuna miyo utonyiheda mwilamboni mwa Moriya. Wampe wewo, umusakanye mukuto otumeya.>>

Jenesesi 22:4

Kadowagave, nagafiyile siku naneraru keragave wenda, Abarahamu againg'anne okala ha ule, ohoona olapela wene nimburo nafuna atu dowa sakanya mukuto.

Matewuji 10:37

<<Mutu unasimbwa muziveliwa mmaye na babaye dikwaranya miyo, mutuyo kahi ofwanela kala namadiharaga. Eto wenne unamuziveliwa simbwa mwanaye wa mulombwana nari wa muhiyana dikwaranya miyo, mutuyo kahi ofwanela kala namadiharaga.

Lukaji 14:26

<<Akalavo mutu unafuna za wa miyo eto ahamuide babaye na mmaye, muhiyanaye na ahimaye, adibiliye na arongoliye nari ingumi yaye, liye kanakala namadiharaga.

Galasiya 1:16

Muwari modiitana, Mulugu mofuna mwaye ohodioniha Mwanaye ira diwande mulaleya muwari mwa atu ohokala aJudewu. Kuma evale, kadadowile wa mutu mmohiwa ira adimarihedemo jimohi jiwa jahanle nari.

Eberewu 11:8

Mwa nroromelo mulombwana Abarahamu agaitaniwe ira avenye adowe ilambo imohiwa yafuna liye vahiwa, liye ohonvwelela Mulugu. Liye ohomaruwa ahaiziwaga wafuna liye dowa.

Jozuwe 3:1

Evale mulombwana Jozuwe ohovenyaga na mabebehene vamohi na Ana Izarayeli atene, aliwa kuma nimburo nafwanyeya atu Sitimi, aliwa dowa muhindje Jordawu. Mbwenye aliwa kahanalambuwe muhindje Jordawu, karomilege kunga misasa diwa mutcherelani mwa muhindje mule.

Jozuwe 8:10

Na mabebehene, Jozuwe ohovenya, liye agumaniha alombwana atene ohala. Evale liye vamohi na andimuwa a Izarayeli, kohasogolrelraga, aliwa roma wenda kadowaga Ayi.